헬라어 문장 검색 - ΠολψβίΗιστορί04́040́

(폴리비오스, Histories, book 4, chapter 40)

ρίασ, ἧσ ἀκριβεστέραν εὑρεῖν οὐ ῥᾴδιον· ἐπεὶ δ’ ἐπὶ τὸν τόπον ἐπέστημεν, οὐδὲν ἀφετέον ἀργὸν οὐδ’ ἐν αὐτῇ τῇ φάσει κείμενον, ὅπερ οἱ πλεῖστοι ποιεῖν εἰώθασι τῶν συγγραφέων, ἀποδεικτικῇ δὲ μᾶλλον τῇ διηγήσει χρηστέον, ἵνα μηδὲν ἄπορον ἀπολείπωμεν τῶν ζητουμένων τοῖσ φιληκόοισ. ὅπερ οἱ πρὸ ἡμῶν πεποιήκασι περὶ τῶν πλείστων, ἀπίστουσ ἀμφισβητουμένων παρεχόμενοι βεβαιωτὰσ κατὰ τὸν Ἡράκλειτον, πειρατέον δὲ δι’ αὐτῆσ τῆσ ἱστορίασ ἱκανὴν παριστάναι πίστιν τοῖσ ἀκούουσι.

φαμὲν δὴ χώννυσθαι μὲν καὶ πάλαι καὶ νῦν τὸν Πόντον, χρόνῳ γε μὴν ὁλοσχερῶσ ἐγχωσθήσεσθαι τήν τε Μαιῶτιν καὶ τοῦτον, μενούσησ γε δὴ τῆσ αὐτῆσ τάξεωσ περὶ τοὺσ τόπουσ, καὶ τῶν αἰτίων τῆσ ἐγχώσεωσ ἐνεργούντων κατὰ τὸ συνεχέσ.

ὅταν γὰρ ὁ μὲν χρόνοσ ἄπειροσ ᾖ, τὰ δὲ κοιλώματα πάντη πάντωσ ὡρισμένα, δῆλον ὡσ, κἂν τὸ τυχὸν εἰσφέρηται, πληρωθήσονται τῷ χρόνῳ.

κατὰ φύσιν γὰρ τὸ πεπερασμένον ἐν ἀπείρῳ χρόνῳ συνεχῶσ γινόμενον ἢ φθειρόμενον, κἂν κατ’ ἐλάχιστον γίνηται ‐ τοῦτο γὰρ νοείσθω νῦν ‐ ἀνάγκη τελειωθῆναι κατὰ τὴν πρόθεσιν.

ὅταν δὲ μὴ τὸ τυχόν, ἀλλὰ καὶ λίαν πολύσ τισ εἰσφέρηται χοῦσ, φανερὸν ὡσ οὐ ποτέ, ταχέωσ δὲ συμβήσεται γενέσθαι τὸ νῦν δὴ λεγόμενον ὑφ’ ἡμῶν.

ὃ δὴ καὶ φαίνεται γινόμενον.

τὴν μὲν οὖν Μαιῶτιν ἤδη κεχῶσθαι συμβαίνει· τὸ γάρ τοι πλεῖστον αὐτῆσ μέροσ ἐν ἑπτὰ καὶ πέντε ὀργυιαῖσ ἐστι· διὸ καὶ πλεῖν αὐτὴν οὐκέτι δύνανται ναυσὶ μεγάλαισ χωρὶσ καθηγεμόνοσ. οὖσά τ’ ἐξ ἀρχῆσ θάλαττα σύρρουσ τῷ Πόντῳ, καθάπερ οἱ παλαιοὶ συμφωνοῦσι, νῦν ἐστι λίμνη γλυκεῖα, τῆσ μὲν θαλάττησ ἐκπεπιεσμένησ ὑπὸ τῶν ἐγχωμάτων, τῆσ δὲ τῶν ποταμῶν εἰσβολῆσ ἐπικρατούσησ.

ἔσται δὲ καὶ περὶ τὸν Πόντον παραπλήσιον, καὶ γίνεται νῦν·

ἀλλ’ οὐ λίαν τοῖσ πολλοῖσ ἐστι καταφανὲσ διὰ τὸ μέγεθοσ τοῦ κοιλώματοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 4, chapter 40

(폴리비오스, Histories, book 4, chapter 40)

상위

목록

SEARCH

MENU NAVIGATION