헬라어 문장 검색 - ΠολψβίΗιστορί04́035́

(폴리비오스, Histories, book 4, chapter 35)

εἰσ τὴν οἰκείαν, οἱ δ’ ἐξ ἀρχῆσ αἴτιοι γεγονότεσ τῆσ κινήσεωσ, οὐδαμῶσ εἶξαι δυνάμενοι τοῖσ παροῦσιν, αὖτισ ἐπεβάλοντο πρᾶγμα ποιεῖν πάντων ἀσεβέστατον, φθείραντέσ τινασ τῶν νέων. κατὰ γάρ τινα θυσίαν πάτριον ἔδει τοὺσ μὲν ἐν ταῖσ ἡλικίαισ μετὰ τῶν ὅπλων πομπεύειν ἐπὶ τὸν τῆσ Ἀθηνᾶσ τῆσ Χαλκιοίκου νεών, τοὺσ δ’ ἐφόρουσ συντελεῖν τὰ περὶ τὴν θυσίαν, αὐτοῦ περὶ τὸ τέμενοσ διατρίβοντασ.

ἐν τούτῳ τῷ καιρῷ τῶν πομπευόντων ἐν τοῖσ ὅπλοισ τινὲσ νεανίσκων ἄφνω προσπεσόντεσ θύουσι τοῖσ ἐφόροισ ἀπέσφαξαν αὐτούσ.

καίτοι πᾶσι τοῖσ καταφυγοῦσι τὴν ἀσφάλειαν παρεσκεύαζε τὸ ἱερόν, κἂν θανάτου τισ ᾖ κατακεκριμένοσ· τότε δὲ διὰ τὴν ὠμότητα τῶν τολμώντων εἰσ τοῦτ’ ἦλθε καταφρονήσεωσ ὥστε περὶ τὸν βωμὸν καὶ τὴν τράπεζαν τῆσ θεοῦ κατασφαγῆναι τοὺσ ἐφόρουσ ἅπαντασ.

ἑξῆσ δὲ τούτου τἀκόλουθον τῇ προθέσει ποιοῦντεσ ἀνεῖλον μὲν τοὺσ περὶ Γυρίδαν τῶν γερόντων, ἐφυγάδευσαν δὲ τοὺσ ἀντειπόντασ τοῖσ Αἰτωλοῖσ, εἵλοντο δ’ ἐξ αὑτῶν ἐφόρουσ, συνέθεντο δὲ πρὸσ τοὺσ Αἰτωλοὺσ τὴν συμμαχίαν.

ἐποίουν δὲ ταῦτα, καὶ τήν τε πρὸσ Ἀχαιοὺσ ἀπέχθειαν καὶ τὴν πρὸσ Μακεδόνασ ἀχαριστίαν καὶ καθόλου τὴν πρὸσ πάντασ ἀλογίαν ὑπέμενον ‐ οὐχ ἥκιστα δὲ διὰ Κλεομένη καὶ τὴν πρὸσ ἐκεῖνον εὔνοιαν ‐ ἐπελπίζοντεσ ἀεὶ καὶ προσδοκίαν ἔχοντεσ τῆσ ἐκείνου παρουσίασ ἅμα καὶ σωτηρίασ.

οὕτωσ οἱ δυνάμενοι τῶν ἀνθρώπων ἐπιδεξίωσ ὁμιλεῖν τοῖσ συμπεριφερομένοισ οὐ μόνον παρόντεσ, ἀλλὰ καὶ μακρὰν ἀφεστῶτεσ ἐγκαταλείπουσί τινα καὶ λίαν ἰσχυρὰ τῆσ πρὸσ αὑτοὺσ εὐνοίασ αἰθύγματα.

οἵ γε χωρὶσ τῶν ἄλλων καὶ τότε, πολιτευόμενοι κατὰ τὰ πάτρια σχεδὸν ἤδη τρεῖσ ἐνιαυτοὺσ μετὰ τὴν Κλεομένουσ ἔκπτωσιν, οὐδ’ ἐπενόησαν οὐδέποτε βασιλεῖσ καταστῆσαι τῆσ Σπάρτησ·

ἅμα δὲ τῷ τὴν φήμην ἀφικέσθαι περὶ τῆσ Κλεομένουσ τελευτῆσ εὐθέωσ ὡρ́μησαν ἐπὶ τὸ βασιλεῖσ καθιστάναι τά τε πλήθη καὶ τὸ τῶν ἐφόρων ἀρχεῖον.

καὶ κατέστησαν οἱ κοινωνοῦντεσ ἔφοροι τῆσ αἱρέσεωσ τοῖσ στασιώταισ, οἱ καὶ τὴν πρὸσ Αἰτωλοὺσ συνθέμενοι συμμαχίαν, ὑπὲρ ὧν τὸν ἄρτι λόγον ἐποιησάμην, τὸν μὲν ἕνα νομίμωσ καὶ καθηκόντωσ, Ἀγησίπολιν, ὄντα μὲν παῖδα τὴν ἡλικίαν, υἱὸν δ’ Ἀγησιπόλιδοσ τοῦ Κλεομβρότου·

τὸν δὲ συνέβαινε βεβασιλευκέναι καθ’ οὓσ καιροὺσ ἐξέπεσε Λεωνίδησ ἐκ τῆσ ἀρχῆσ, διὰ τὸ κατὰ γένοσ ὑπάρχειν ἔγγιστα τῆσ οἰκίασ ταύτησ.

ἐπίτροπον δὲ τοῦ παιδὸσ εἵλοντο Κλεομένη, Κλεομβρότου μὲν υἱόν, Ἀγησιπόλιδοσ δ’ ἀδελφόν.

ἀπὸ δὲ τῆσ ἑτέρασ οἰκίασ, ὄντων ἐκ τῆσ Ἱππομέδοντοσ θυγατρὸσ Ἀρχιδάμῳ δυεῖν παίδων, ὃσ ἦν υἱὸσ Εὐδαμίδου, ζῶντοσ δὲ καὶ Ἱππομέδοντοσ ἀκμήν, ὃσ ἦν υἱὸσ Ἀγησιλάου τοῦ Εὐδαμίδου, καὶ ἑτέρων δὲ πλειόνων ἀπὸ τῆσ οἰκίασ ὑπαρχόντων, ἀπωτέρω μὲν τῶν προειρημένων, προσηκόντων δὲ κατὰ γένοσ, τούτουσ μὲν ἅπαντασ ὑπερεῖδον, Λυκοῦργον δὲ βασιλέα κατέστησαν, οὗ τῶν προγόνων οὐδεὶσ ἐτετεύχει τῆσ προσηγορίασ·

ὃσ δοὺσ ἑκάστῳ τῶν ἐφόρων τάλαντον Ἡρακλέουσ ἀπόγονοσ καὶ βασιλεὺσ ἐγεγόνει τῆσ Σπάρτησ.

οὕτωσ εὐώνα πανταχῇ τὰ καλὰ γέγονε.

τοιγαροῦν οὐ παῖδεσ παίδων, ἀλλ’ αὐτοὶ πρῶτοι τῆσ ἀνοίασ ἀπέτισαν τοὺσ μισθοὺσ οἱ καταστήσαντεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 4, chapter 35

(폴리비오스, Histories, book 4, chapter 35)

상위

목록

SEARCH

MENU NAVIGATION