헬라어 텍스트

Polybius, Histories, book 2, chapter 70

(폴리비오스, Histories, book 2, chapter 70)

Ἀντίγονοσ δ’ ἐγκρατὴσ γενόμενοσ ἐξ ἐφόδου τῆσ Σπάρτησ τά τε λοιπὰ μεγαλοψύχωσ καὶ φιλανθρώπωσ ἐχρήσατο τοῖσ Λακεδαιμονίοισ, τό τε πολίτευμα τὸ πάτριον αὐτοῖσ ἀποκαταστήσασ ἐν ὀλίγαισ ἡμέραισ ἀνέζευξε μετὰ τῶν δυνάμεων ἐκ τῆσ πόλεωσ, προσαγγελθέντοσ αὐτῷ τοὺσ Ἰλλυριοὺσ εἰσβεβληκότασ εἰσ Μακεδονίαν πορθεῖν τὴν χώραν. οὕτωσ ἀεί ποθ’ ἡ τύχη τὰ μέγιστα τῶν πραγμάτων παρὰ λόγον εἰώθε κρίνειν.

καὶ γὰρ τότε Κλεομένησ, εἴτε τὰ κατὰ τὸν κίνδυνον παρείλκυσε τελέωσ ὀλίγασ ἡμέρασ, εἴτ’ ἀναχωρήσασ ἀπὸ τῆσ μάχησ εἰσ τὴν πόλιν ἐπὶ βραχὺ τῶν καιρῶν ἀντεποιήσατο, διακατέσχεν ἂν τὴν ἀρχήν.

οὐ μὴν ἀλλ’ ὅ γ’ Ἀντίγονοσ παραγενόμενοσ εἰσ Τεγέαν καὶ τούτοισ ἀποδοὺσ τὴν πάτριον πολιτείαν δευτεραῖοσ ἐντεῦθεν εἰσ Ἄργοσ ἐπ’ αὐτὴν ἦλθε τὴν τῶν Νεμέων πανήγυριν.

ἐν ᾗ τυχὼν πάντων τῶν πρὸσ ἀθάνατον δόξαν καὶ τιμὴν ἀνηκόντων ὑπό τε τοῦ κοινοῦ τῶν Ἀχαιῶν καὶ κατ’ ἰδίαν ἑκάστησ τῶν πόλεων ὡρ́μησε κατὰ σπουδὴν εἰσ Μακεδονίαν.

καλὰσ ἐλπίδασ ὑποδείξασ ἐν αὑτῷ πᾶσι τοῖσ Ἕλλησιν, οὐ μόνον κατὰ τὴν ἐν τοῖσ ὑπαίθροισ χρείαν, ἔτι δὲ μᾶλλον κατὰ τὴν ὅλην αἱρ́εσιν καὶ καλοκἀγαθίαν.

τὴν δὲ Μακεδόνων βασιλείαν ἀπέλιπε Φιλίππῳ τῷ Δημητρίου.