호흡부호 보기
강세부호 보기
장단부호 보기
작은 Iota 보기
모든 부호 보기
καὶ μάλιστα διὰ τὴν εὐκαιρίαν τοῦ τόπου πρόσ τε τὰ κατὰ τὴν Ἰβηρίαν πράγματα καὶ πρὸσ τὰ κατὰ τὴν Λιβύην, περὶ ἧσ ἡμεῖσ εὐφυέστερον καιρὸν λαβόντεσ ὑποδείξομεν τὴν θέσιν αὐτῆσ καὶ τὴν χρείαν, ἣν ἀμφοτέραισ δύναται παρέχεσθαι ταῖσ εἰρημέναισ χώραισ. ὃν καὶ θεωροῦντεσ Ῥωμαῖοι μείζω καὶ φοβερωτέραν ἤδη συνιστάμενον δυναστείαν, ὡρ́μησαν ἐπὶ τὸ πολυπραγμονεῖν τὰ κατὰ τὴν Ἰβηρίαν.
εὑρόντεσ δὲ σφᾶσ ἐπικεκοιμημένουσ ἐν τοῖσ ἔμπροσθεν χρόνοισ καὶ προειμένουσ εἰσ τὸ μεγάλην χεῖρα κατασκευάσασθαι Καρχηδονίουσ, ἀνατρέχειν ἐπειρῶντο κατὰ δύναμιν.
αὐτόθεν μὲν οὖν ἐπιτάττειν ἢ πολεμεῖν οὐ κατετόλμων τοῖσ Καρχηδονίοισ διὰ τὸ τὸν ἀπὸ τῶν Κελτῶν φόβον ἐπικρέμασθαι τοῖσ σφετέροισ πράγμασιν καὶ μόνον οὐ καθ’ ἑκάστην ἡμέραν προσδοκᾶν τὴν ἔφοδον αὐτῶν.
καταψήσαντεσ δὲ καὶ πραύ̈ναντεσ τὸν Ἀσδρούβαν, οὕτωσ ἔκριναν ἐγχειρεῖν τοῖσ Κελτοῖσ καὶ διακινδυνεύειν πρὸσ αὐτούσ, οὐδέποτ’ ἂν ὑπολαμβάνοντεσ οὐχ οἱο͂ν δυναστεῦσαι τῶν κατὰ τὴν Ἰταλίαν, ἀλλ’ οὐδ’ ἀσφαλῶσ οἰκῆσαι τὴν ἑαυτῶν πατρίδα, τούτουσ ἔχοντεσ ἐφέδρουσ τοὺσ ἄνδρασ.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기