헬라어 텍스트

Polybius, Histories, book 2, chapter 36

(폴리비오스, Histories, book 2, chapter 36)

οὐ μικρὰν ἀλλὰ μεγάλην ποιήσασ ἐπίδοσιν τοῖσ Καρχηδονίοισ πράγμασιν, οὐχ οὕτω διὰ τῶν πολεμίων ἔργων ὡσ διὰ τῆσ πρὸσ τοὺσ δυνάστασ ὁμιλίασ. τὴν δὲ στρατηγίαν οἱ Καρχηδόνιοι τῶν κατὰ τὴν Ἰβηρίαν Ἀννίβᾳ περιέθεσαν, ὄντι νέῳ, διὰ τὴν ὑποφαινομένην ἐκ τῶν πράξεων ἀγχίνοιαν αὐτοῦ καὶ τόλμαν.

ὃσ παραλαβὼν τὴν ἀρχὴν εὐθέωσ δῆλοσ ἦν ἐκ τῶν ἐπινοημάτων πόλεμον ἐξοίσων Ῥωμαίοισ.

ὃ δὴ καὶ τέλοσ ἐποίησε, πάνυ βραχὺν ἐπισχὼν χρόνον. τὰ μὲν οὖν κατὰ Καρχηδονίουσ καὶ Ῥωμαίουσ ἀπὸ τούτων ἤδη τῶν καιρῶν ἐν ὑποψίαισ ἦν πρὸσ ἀλλήλουσ καὶ παρατριβαῖσ.

οἱ μὲν γὰρ ἐπεβούλευον, ἀμύνασθαι σπεύδοντεσ διὰ τὰσ περὶ Σικελίαν ἐλαττώσεισ, οἱ δὲ Ῥωμαῖοι διηπίστουν, θεωροῦντεσ αὐτῶν τὰσ ἐπιβολάσ.

ἐξ ὧν δῆλον ἦν τοῖσ ὀρθῶσ σκοπουμένοισ ὅτι μέλλουσι πολεμεῖν ἀλλήλοισ οὐ μετὰ πολὺν χρόνον.