헬라어 텍스트

Polybius, Histories, book 2, chapter 57

(폴리비오스, Histories, book 2, chapter 57)

Μαντινεῖσ τοίνυν τὸ μὲν πρῶτον ἐγκαταλιπόντεσ τὴν μετὰ τῶν Ἀχαιῶν πολιτείαν ἐθελοντὴν Αἰτωλοῖσ ἐνεχείρισαν αὑτοὺσ καὶ τὴν πατρίδα, μετὰ δὲ ταῦτα Κλεομένει. γεγονότεσ δ’ ἐπὶ τοιαύτησ προαιρέσεωσ καὶ μετέχοντεσ τῆσ Λακεδαιμονίων πολιτείασ ἔτει τετάρτῳ πρότερον τῆσ Ἀντιγόνου παρουσίασ ἑάλωσαν κατὰ κράτοσ ὑπὸ τῶν Ἀχαιῶν, Ἀράτου πραξικοπήσαντοσ αὐτῶν τὴν πόλιν.

ἐν ᾧ καιρῷ τοσοῦτον ἀπέσχον τοῦ παθεῖν τι δεινὸν διὰ τὴν προειρημένην ἁμαρτίαν ὡσ καὶ περιβόητον συνέβη γενέσθαι τὸ πραχθὲν διὰ τὴν ὀξύτητα τῆσ κατὰ τὴν προαίρεσιν ἀμφοτέρων μεταβολῆσ.

ἅμα γὰρ τῷ κατασχεῖν τὴν πόλιν Ἄρατοσ παραυτίκα μὲν τοῖσ ὑφ’ αὑτὸν ταττομένοισ παρήγγελλε μηδένα μηδενὸσ ἅπτεσθαι τῶν ἀλλοτρίων, ἑξῆσ δὲ τούτοισ τοὺσ Μαντινέασ συναθροίσασ παρεκάλεσε θαρρεῖν καὶ μένειν ἐπὶ τῶν ἰδίων·

ὑπάρξειν γὰρ αὐτοῖσ τὴν ἀσφάλειαν πολιτευομένοισ μετὰ τῶν Ἀχαιῶν.

τοῖσ δὲ Μαντινεῦσιν ἀνυπονοήτου καὶ παραδόξου φανείσησ τῆσ ἐλπίδοσ, παραυτίκα πάντεσ ἐπὶ τῆσ ἐναντίασ ἐγένοντο γνώμησ.

καὶ πρὸσ οὓσ μικρῷ πρότερον μαχόμενοι πολλοὺσ μὲν τῶν ἀναγκαίων ἐπεῖδον ἀπολλυμένουσ, οὐκ ὀλίγουσ δ’ αὐτῶν βιαίοισ τραύμασι περιπεσόντασ, τούτουσ εἰσ τὰσ ἰδίασ οἰκίασ εἰσαγόμενοι καὶ ποιησάμενοι σφίσι καὶ τοῖσ ἄλλοισ ἀναγκαίοισ ὁμεστίουσ, οὐδὲν ἀπέλειπον τῆσ μετ’ ἀλλήλων φιλοφροσύνησ.

καὶ τοῦτ’ εἰκότωσ ἐποίουν·