헬라어 텍스트

Polybius, Histories, book 2, chapter 42

(폴리비오스, Histories, book 2, chapter 42)

Τίνοσ οὖν χάριν ἐπὶ τοὺσ χρόνουσ τούτουσ ἀνέδραμον; καθ’ ἣν προτείνοντεσ μὲν τὴν παρ’ αὑτοῖσ ἰσηγορίαν καὶ παρρησίαν, πολεμοῦντεσ δὲ καὶ καταγωνιζόμενοι συνεχῶσ τοὺσ ἢ δι’ αὑτῶν ἢ διὰ τῶν βασιλέων τὰσ σφετέρασ πατρίδασ καταδουλουμένουσ, τούτῳ τῷ τρόπῳ καὶ ταύτῃ τῇ προθέσει τοῦτο τοὔργον ἐπετέλεσαν, τὰ μὲν δι’ αὑτῶν, τὰ δὲ καὶ διὰ τῶν συμμάχων.

καὶ γὰρ τὰ δι’ ἐκείνων συνεργήματα γεγονότα πρὸσ τοῦτο τὸ μέροσ ἐν τοῖσ ἑξῆσ χρόνοισ ἐπὶ τὴν τῶν Ἀχαιῶν προαίρεσιν ἀνοιστέον.

ἀλλ’ ἀντὶ πάσησ τῆσ ἑαυτῶν φιλοτιμίασ, ἣν παρείχοντο τοῖσ συμμάχοισ, ἀντικατηλλάττοντο τὴν ἑκάστων ἐλευθερίαν καὶ τὴν κοινὴν ὁμόνοιαν Πελοποννησίων.

σαφέστερον δ’ ὑπὲρ τούτων ἔσται διαλαμβάνειν ἐξ αὐτῶν τῶν περὶ τὰσ πράξεισ ἐνεργημάτων.