헬라어 문장 검색 - ΠολψβίΗιστορί02́069́

(폴리비오스, Histories, book 2, chapter 69)

Ἅμα δὲ τούτοισ ὁ περὶ τοὺσ ἱππεῖσ συνετελεῖτο κίνδυνοσ, ἐκπρεπῆ ποιουμένων τὴν χρείαν τῶν Ἀχαϊκῶν ἱππέων ἁπάντων, μάλιστα δὲ Φιλοποίμενοσ, διὰ τὸ περὶ τῆσ αὐτῶν ἐλευθερίασ συνεστάναι τὸν ὅλον ἀγῶνα. καθ’ ὃν καιρὸν τῷ προειρημένῳ συνέβη τὸν μὲν ἵππον πεσεῖν πληγέντα καιρίωσ, αὐτὸν δὲ πεζομαχοῦντα περιπεσεῖν τραύματι βιαίῳ δι’ ἀμφοῖν τοῖν μηροῖν.

οἱ δὲ βασιλεῖσ κατὰ τὸν Ὄλυμπον τὸ μὲν πρῶτον ἐποιοῦντο διὰ τῶν εὐζώνων καὶ μισθοφόρων τὴν συμπλοκήν, παρ’ ἑκατέροισ σχεδὸν ὑπαρχόντων τούτων εἰσ πεντακισχιλίουσ.

ὧν ποτὲ μὲν κατὰ μέρη, ποτὲ δ’ ὁλοσχερῶσ συμπιπτόντων, διαφέρουσαν συνέβαινε γίνεσθαι τὴν ἐξ ἀμφοῖν χρείαν, ὁμοῦ τῶν τε βασιλέων καὶ τῶν στρατοπέδων ἐν συνόψει ποιουμένων τὴν μάχην.

ἡμιλλῶντο δὲ πρὸσ ἑαυτοὺσ καὶ κατ’ ἄνδρα καὶ κατὰ τάγμα ταῖσ εὐψυχίαισ.

ὁ δὲ Κλεομένησ ὁρῶν τοὺσ μὲν περὶ τὸν ἀδελφὸν πεφευγότασ, τοὺσ δ’ ἐν τοῖσ ἐπιπέδοισ ἱππεῖσ ὅσον οὔπω κλίνοντασ, καταπλαγὴσ ὢν μὴ πανταχόθεν προσδέξηται τοὺσ πολεμίουσ, ἠναγκάζετο διασπᾶν τὰ προτειχίσματα καὶ πᾶσαν τὴν δύναμιν ἐξάγειν μετωπηδὸν κατὰ μίαν πλευρὰν τῆσ στρατοπεδείασ.

ἀνακληθέντων δὲ τῶν παρ’ ἑκατέροισ εὐζώνων ἐκ τοῦ μεταξὺ τόπου διὰ τῆσ σάλπιγγοσ, συναλαλάξασαι καὶ καταβαλοῦσαι τὰσ σαρίσασ συνέβαλλον αἱ φάλαγγεσ ἀλλήλαισ.

τέλοσ οἱ περὶ τὸν Ἀντίγονον συμφράξαντεσ τὰσ σαρίσασ καὶ χρησάμενοι τῷ τῆσ ἐπαλλήλου φάλαγγοσ ἰδιώματι, βίᾳ προσπεσόντεσ ἐξέωσαν ἐκ τῶν ὀχυρωμάτων τοὺσ Λακεδαιμονίουσ.

τὸ μὲν οὖν ἄλλο πλῆθοσ ἔφευγε προτροπάδην φονευόμενον·

ὁ δὲ Κλεομένησ ἱππεῖσ τινασ ἔχων περὶ ἑαυτὸν ἀπεχώρησε μετὰ τούτων ἀσφαλῶσ εἰσ τὴν Σπάρτην. ἐπιγενομένησ δὲ τῆσ νυκτὸσ καταβὰσ εἰσ Γύθιον, ἡτοιμασμένων αὐτῷ τῶν πρὸσ τὸν πλοῦν ἐκ πλείονοσ χρόνου πρὸσ τὸ συμβαῖνον, ἀπῆρε μετὰ τῶν φίλων εἰσ Ἀλεξάνδρειαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 2, chapter 69

(폴리비오스, Histories, book 2, chapter 69)

상위

목록

SEARCH

MENU NAVIGATION