헬라어 텍스트

Polybius, Histories, book 2, chapter 45

(폴리비오스, Histories, book 2, chapter 45)

καὶ τότε παραπλησίαισ ἐλπίσιν ἐπαρθέντεσ ἀπετόλμησαν Ἀντιγόνῳ τε τῷ κατ’ ἐκείνουσ τοὺσ καιροὺσ προεστῶτι Μακεδόνων, ἐπιτροπεύοντι δὲ Φιλίππου παιδὸσ ὄντοσ, καὶ Κλεομένει τῷ βασιλεῖ Λακεδαιμονίων κοινωνεῖν καὶ συμπλέκειν ἀμφοτέροισ ἅμα τὰσ χεῖρασ. ὑπέλαβον, εἰ τοὺσ Λακεδαιμονίουσ προσλαβόντεσ ἔτι κοινωνοὺσ σφίσι τῆσ ἐπιβολῆσ προεμβιβάσαιεν εἰσ τὴν πρὸσ τὸ ἔθνοσ ἀπέχθειαν, ῥᾳδίωσ ἂν καταγωνίσασθαι τοὺσ Ἀχαιοὺσ ἐν καιρῷ συνεπιθέμενοι καὶ πανταχόθεν περιστήσαντεσ αὐτοῖσ τὸν πόλεμον.

ὃ δὴ καὶ ταχέωσ ἂν ἐκ τῶν κατὰ λόγον ἐπετέλεσαν, εἰ μὴ τὸ κυριώτατον παρεῖδον τῆσ προθέσεωσ, οὐ συλλογισάμενοι διότι ταῖσ ἐπιβολαῖσ Ἄρατον ἕξουσιν ἀνταγωνιστήν, ἄνδρα δυνάμενον πάσησ εὐστοχεῖν περιστάσεωσ.

τοιγαροῦν ὁρμήσαντεσ ἐπὶ τὸ πολυπραγμονεῖν καὶ χειρῶν ἄρχειν ἀδίκων οὐχ οἱο͂ν ἤνυσάν τι τῶν ἐπινοηθέντων, ἀλλὰ τοὐναντίον καὶ τὸν Ἄρατον τότε προεστῶτα καὶ τὸ ἔθνοσ ἐσωματοποίησαν, πραγματικῶσ ἀντιπερισπάσαντοσ ἐκείνου καὶ λυμηναμένου τὰσ ἐπιβολὰσ αὐτῶν.

ὡσ δ’ ἐχειρίσθη τὰ ὅλα, δῆλον ἔσται διὰ τῶν λέγεσθαι μελλόντων.