Polybius, Histories, book 2, chapter 24

(폴리비오스, Histories, book 2, chapter 24)

ῥητέον ἂν εἰή τὴν παρασκευὴν καὶ τὸ πλῆθοσ τῆσ ὑπαρχούσησ αὐτοῖσ τότε δυνάμεωσ. μετὰ μὲν δὴ τῶν ὑπάτων ἐξεληλύθει τέτταρα στρατόπεδα Ῥωμαϊκά, πεντάκισ μὲν χιλίουσ καὶ διακοσίουσ πεζούσ, ἱππεῖσ δὲ τριακοσίουσ ἔχον ἕκαστον.

σύμμαχοι δὲ μεθ’ ἑκατέρων ἦσαν οἱ συνάμφω πεζοὶ μὲν τρισμύριοι, δισχίλιοι δ’ ἱππεῖσ.

τῶν δ’ ἐκ τοῦ καιροῦ προσβοηθησάντων εἰσ τὴν Ῥώμην Σαβίνων καὶ Τυρρηνῶν ἱππεῖσ μὲν ἦσαν εἰσ τετρακισχιλίουσ, πεζοὶ δὲ πλείουσ τῶν πεντακισμυρίων.

τούτουσ μὲν ἁθροίσαντεσ ὡσ ἐπὶ Τυρρηνίασ προεκάθισαν, ἑξαπέλεκυν αὐτοῖσ ἡγεμόνα συστήσαντεσ.

οἱ δὲ τὸν Ἀπεννῖνον κατοικοῦντεσ Ὄμβροι καὶ Σαρσινάτοι συνήχθησαν εἰσ δισμυρίουσ, μετὰ δὲ τούτων Οὐένετοι καὶ Γονομάνοι δισμύριοι.

τούτουσ δ’ ἔταξαν ἐπὶ τῶν ὁρ́ων τῆσ Γαλατίασ, ἵν’ ἐμβαλόντεσ εἰσ τὴν τῶν Βοίων χώραν ἀντιπερισπῶσι τοὺσ ἐξεληλυθότασ. τὰ μὲν οὖν προκαθήμενα στρατόπεδα τῆσ χώρασ ταῦτ’ ἦν.

ἐν δὲ τῇ Ῥώμῃ διέτριβον ἡτοιμασμένοι χάριν τῶν συμβαινόντων ἐν τοῖσ πολέμοισ, ἐφεδρείασ ἔχοντεσ τάξιν, Ῥωμαίων μὲν αὐτῶν πεζοὶ δισμύριοι, μετὰ δὲ τούτων ἱππεῖσ χίλιοι καὶ πεντακόσιοι, τῶν δὲ συμμάχων πεζοὶ μὲν τρισμύριοι, δισχίλιοι δ’ ἱππεῖσ.

Λευκανῶν δὲ πεζοὶ μὲν τρισμύριοι, τρισχίλιοι δ’ ἱππεῖσ, Μαρσῶν δὲ καὶ Μαρρουκίνων καὶ Φερεντάνων, ἔτι δ’ Οὐεστίνων πεζοὶ μὲν δισμύριοι, τετρακισχίλιοι δ’ ἱππεῖσ.

ἔτι γε μὴν καὶ ἐν Σικελίᾳ καὶ Τάραντι στρατόπεδα δύο παρεφήδρευεν, ὧν ἑκάτερον ἦν ἀνὰ τετρακισχιλίουσ καὶ διακοσίουσ πεζούσ, ἱππεῖσ δὲ διακοσίουσ.

Ῥωμαίων δὲ καὶ Καμπανῶν ἡ πληθὺσ πεζῶν μὲν εἰσ εἴκοσι καὶ πέντε κατελέχθησαν μυριάδεσ, ἱππέων δ’ ἐπὶ ταῖσ δύο μυριάσιν ἐπῆσαν ἔτι τρεῖσ χιλιάδεσ.

ἱππεῖσ δὲ πρὸσ ἑξακισχιλίουσ, τὸ δὲ] σύμπαν πλῆθοσ τῶν δυναμένων ὅπλα βαστάζειν, αὐτῶν τε Ῥωμαίων καὶ τῶν συμμάχων, πεζῶν ὑπὲρ τὰσ ἑβδομήκοντα μυριάδασ, ἱππέων δ’ εἰσ ἑπτὰ μυριάδασ.

ἐφ’ οὓσ Ἀννίβασ ἐλάττουσ ἔχων δισμυρίων ἐπέβαλεν εἰσ τὴν Ἰταλίαν.

περὶ μὲν οὖν τούτων ἐν τοῖσ ἑξῆσ σαφέστερον ἐκποιήσει κατανοεῖν.

일치하는 문장이 없습니다.

SEARCH

MENU NAVIGATION