Polybius, Histories, book 2, chapter 55

(폴리비오스, Histories, book 2, chapter 55)

λαβὼν συνεργούσ τινασ τῶν ἐκ Μεσσήνησ φυγάδων, οἳ διατρίβοντεσ ἐτύγχανον ἐν τῇ Μεγάλῃ πόλει, παρεισῆλθε διὰ τούτων λάθρᾳ νυκτὸσ ἐντὸσ τῶν τειχῶν. τῆσ δ’ ἡμέρασ ἐπιγενομένησ παρ’ ὀλίγον ἦλθε τοῦ μὴ μόνον ἐκπεσεῖν, ἀλλὰ καὶ τοῖσ ὅλοισ κινδυνεῦσαι διὰ τὴν εὐψυχίαν τῶν Μεγαλοπολιτῶν.

ὃ δὴ καὶ τρισὶ μησὶ πρότερον αὐτῷ συνέβη παθεῖν παρεισπεσόντι κατὰ τὸν Κωλαιὸν προσαγορευόμενον τόπον τῆσ πόλεωσ.

τότε δὲ τῷ πλήθει τῆσ δυνάμεωσ καὶ τῷ προκαταλαμβάνεσθαι τοὺσ εὐκαίρουσ τόπουσ καθίκετο τῆσ ἐπιβολῆσ καὶ πέρασ ἐκβαλὼν τοὺσ Μεγαλοπολίτασ κατέσχε τὴν πόλιν.

γενόμενοσ δ’ ἐγκρατὴσ οὕτωσ αὐτὴν πικρῶσ διέφθειρεν καὶ δυσμενῶσ ὥστε μηδ’ ἐλπίσαι μηδένα διότι δύναιτ’ ἂν συνοικισθῆναι πάλιν.

τοῦτο δὲ ποιῆσαί μοι δοκεῖ διὰ τὸ κατὰ τὰσ τῶν καιρῶν περιστάσεισ παρὰ μόνοισ Μεγαλοπολίταισ καὶ Στυμφαλίοισ μηδέποτε δυνηθῆναι μήθ’ αἱρετιστὴν καὶ κοινωνὸν τῶν ἰδίων ἐλπίδων μήτε προδότην κατασκευάσασθαι.

τὸ μὲν γὰρ Κλειτορίων φιλελεύθερον καὶ γενναῖον εἷσ ἀνὴρ κατῄσχυνε διὰ τὴν ἑαυτοῦ κακίαν, Θεάρκησ·

ὃν εἰκότωσ ἐξαρνοῦνται Κλειτόριοι μὴ φῦναι παρὰ σφίσι, γενέσθαι δ’ ὑποβολιμαῖον ἐξ Ὀρχομενοῦ τῶν ἐπηλύδων τινὸσ στρατιωτῶν.

일치하는 문장이 없습니다.

SEARCH

MENU NAVIGATION