헬라어 문장 검색 - ΠολψβίΗιστορί02́018́

(폴리비오스, Histories, book 2, chapter 18)

Τὰσ μὲν οὖν ἀρχὰσ οὐ μόνον τῆσ χώρασ ἐπεκράτουν, ἀλλὰ καὶ τῶν σύνεγγυσ πολλοὺσ ὑπηκόουσ ἐπεποίηντο, τῇ τόλμῃ καταπεπληγμένοι. μετὰ δέ τινα χρόνον μάχῃ νικήσαντεσ Ῥωμαίουσ καὶ τοὺσ μετὰ τούτων παραταξαμένουσ, ἑπόμενοι τοῖσ φεύγουσι τρισὶ τῆσ μάχησ ἡμέραισ ὕστερον κατέσχον αὐτὴν τὴν Ῥώμην πλὴν τοῦ Καπετωλίου.

γενομένου δ’ ἀντισπάσματοσ, καὶ τῶν Οὐενέτων ἐμβαλόντων εἰσ τὴν χώραν αὐτῶν, τότε μὲν ποιησάμενοι συνθήκασ πρὸσ Ῥωμαίουσ καὶ τὴν πόλιν ἀποδόντεσ ἐπανῆλθον εἰσ τὴν οἰκείαν.

μετὰ δὲ ταῦτα τοῖσ ἐμφυλίοισ συνείχοντο πολέμοισ·

ἔνιοι δὲ καὶ τῶν τὰσ Ἄλπεισ κατοικούντων ὁρμὰσ ἐποιοῦντο καὶ συνηθροίζοντο πολλάκισ ἐπ’ αὐτούσ, θεωροῦντεσ ἐκ παραθέσεωσ τὴν παραγεγενημένην αὐτοῖσ εὐδαιμονίαν. ἐν ᾧ καιρῷ Ῥωμαῖοι τήν τε σφετέραν δύναμιν ἀνέλαβον καὶ τὰ κατὰ τοὺσ Λατίνουσ αὖθισ πράγματα συνεστήσαντο.

παραγενομένων δὲ πάλιν τῶν Κελτῶν εἰσ Ἄλβαν στρατεύματι μεγάλῳ μετὰ τὴν τῆσ πόλεωσ κατάληψιν ἔτει τριακοστῷ, τότε μὲν οὐκ ἐτόλμησαν ἀντεξαγαγεῖν Ῥωμαῖοι τὰ στρατόπεδα διὰ τὸ παραδόξου γενομένησ τῆσ ἐφόδου προκαταληφθῆναι καὶ μὴ καταταχῆσαι τὰσ τῶν συμμάχων ἁθροίσαντασ δυνάμεισ.

αὖθισ δ’ ἐξ ἐπιβολῆσ ἑτέρασ ἔτει δωδεκάτῳ μετὰ μεγάλησ στρατιᾶσ ἐπιπορευομένων προαισθόμενοι καὶ συναγείραντεσ τοὺσ συμμάχουσ μετὰ πολλῆσ προθυμίασ ἀπήντων, σπεύδοντεσ συμβαλεῖν καὶ διακινδυνεῦσαι περὶ τῶν ὅλων.

οἱ δὲ Γαλάται καταπλαγέντεσ τὴν ἔφοδον αὐτῶν καὶ διαστασιάσαντεσ πρὸσ σφᾶσ νυκτὸσ ἐπιγενομένησ φυγῇ παραπλησίαν ἐποιήσαντο τὴν ἀποχώρησιν εἰσ τὴν οἰκείαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 2, chapter 18

(폴리비오스, Histories, book 2, chapter 18)

상위

목록

SEARCH

MENU NAVIGATION