헬라어 텍스트

Polybius, Histories, book 2, chapter 29

(폴리비오스, Histories, book 2, chapter 29)

λεγομένων τὸ γεγονόσ. πρῶτον μὲν γὰρ ἐκ τριῶν στρατοπέδων τῆσ μάχησ συνισταμένησ, δῆλον ὡσ ξένην καὶ παρηλλαγμένην εἰκὸσ καὶ τὴν ἐπιφάνειαν καὶ τὴν χρείαν φαίνεσθαι τοῦ συντεταγμένου. ἢ τοὐναντίον τὴν ἐπιτευκτικωτάτην, ἅμα μὲν ἀγωνιζόμενοι πρὸσ ἀμφοτέρουσ, ἅμα δὲ τὴν ἀφ’ ἑκατέρων ἀσφάλειαν ἐκ τῶν ὄπισθεν αὑτοῖσ παρασκευάζοντεσ, τὸ δὲ μέγιστον, ἀποκεκλειμένησ πάσησ τῆσ εἰσ τοὔπισθεν ἀναχωρήσεωσ καὶ τῆσ ἐν τῷ λείπεσθαι σωτηρίασ;

ἡ γὰρ τῆσ ἀμφιστόμου τάξεωσ ἰδιότησ τοιαύτην ἔχει τὴν χρείαν.

τούσ γε μὴν Ῥωμαίουσ τὰ μὲν εὐθαρσεῖσ ἐποίει τὸ μέσουσ καὶ πάντοθεν περιειληφέναι τοὺσ πολεμίουσ, τὰ δὲ πάλιν ὁ κόσμοσ αὐτοὺσ καὶ θόρυβοσ ἐξέπληττε τῆσ τῶν Κελτῶν δυνάμεωσ.

ἀναρίθμητον μὲν γὰρ ἦν τὸ τῶν βυκανητῶν καὶ σαλπιγκτῶν πλῆθοσ.

οἷσ ἅμα τοῦ παντὸσ στρατοπέδου συμπαιανίζοντοσ τηλικαύτην καὶ τοιαύτην συνέβαινε γίνεσθαι κραυγὴν ὥστε μὴ μόνον τὰσ σάλπιγγασ καὶ τὰσ δυνάμεισ, ἀλλὰ καὶ τοὺσ παρακειμένουσ τόπουσ συνηχοῦντασ ἐξ αὑτῶν δοκεῖν προί̈εσθαι φωνήν. ἐκπληκτικὴ δ’ ἦν καὶ τῶν γυμνῶν προεστώτων ἀνδρῶν ἥ τ’ ἐπιφάνεια καὶ κίνησισ, ὡσ ἂν διαφερόντων ταῖσ ἀκμαῖσ καὶ τοῖσ εἴδεσι.

πάντεσ δ’ οἱ τὰσ πρώτασ κατέχοντεσ σπείρασ χρυσοῖσ μανιάκαισ καὶ περιχείροισ ἦσαν κατακεκοσμημένοι.