헬라어 문장 검색 - ΠολψβίΗιστορί02́043́

(폴리비오스, Histories, book 2, chapter 43)

Εἴκοσι μὲν οὖν ἔτη τὰ πρῶτα καὶ πέντε συνεπολιτεύσαντο μεθ’ ἑαυτῶν αἱ προειρημέναι πόλεισ, γραμματέα κοινὸν ἐκ περιόδου προχειριζόμεναι καὶ δύο στρατηγούσ. μετὰ δὲ ταῦτα πάλιν ἔδοξεν αὐτοῖσ ἕνα καθιστάνειν καὶ τούτῳ πιστεύειν ὑπὲρ τῶν ὅλων.

καὶ πρῶτοσ ἔτυχε τῆσ τιμῆσ ταύτησ Μάργοσ ὁ Καρυνεύσ. τετάρτῳ δ’ ὕστερον ἔτει τοῦ προειρημένου στρατηγοῦντοσ Ἄρατοσ ὁ Σικυώνιοσ, ἔτη μὲν ἔχων εἴκοσι, τυραννουμένην δ’ ἐλευθερώσασ τὴν πατρίδα διὰ τῆσ ἀρετῆσ τῆσ ἑαυτοῦ καὶ τόλμησ προσένειμε πρὸσ τὴν τῶν Ἀχαιῶν πολιτείαν, ἀρχῆθεν εὐθὺσ ἐραστὴσ γενόμενοσ τῆσ προαιρέσεωσ αὐτῶν.

ὀγδόῳ δὲ πάλιν ἔτει στρατηγὸσ αἱρεθεὶσ τὸ δεύτερον καὶ πραξικοπήσασ τὸν Ἀκροκόρινθον, Ἀντιγόνου κυριεύοντοσ, καὶ γενόμενοσ ἐγκρατὴσ μεγάλου μὲν ἀπέλυσε φόβου τοὺσ τὴν Πελοπόννησον κατοικοῦντασ, ἐλευθερώσασ δὲ Κορινθίουσ προσηγάγετο πρὸσ τὴν τῶν Ἀχαιῶν πολιτείαν.

ἐπὶ δὲ τῆσ αὐτῆσ ἀρχῆσ καὶ τὴν τῶν Μεγαρέων πόλιν διαπραξάμενοσ προσένειμε τοῖσ Ἀχαιοῖσ.

ταῦτά τ’ ἐγίνετο τῷ πρότερον ἔτει τῆσ Καρχηδονίων ἥττησ, ἐν ᾗ καθόλου Σικελίασ ἐκχωρήσαντεσ πρῶτον ὑπέμειναν τότε φόρουσ ἐνεγκεῖν Ῥωμαίοισ.

μεγάλην δὲ προκοπὴν ποιήσασ τῆσ ἐπιβολῆσ ἐν ὀλίγῳ χρόνῳ λοιπὸν ἤδη διετέλει προστατῶν μὲν τοῦ τῶν Ἀχαιῶν ἔθνουσ, πάσασ δὲ τὰσ ἐπιβολὰσ καὶ πράξεισ πρὸσ ἓν τέλοσ ἀναφέρων·

τοῦτο δ’ ἦν τὸ Μακεδόνασ μὲν ἐκβαλεῖν ἐκ Πελοποννήσου, τὰσ δὲ μοναρχίασ καταλῦσαι, βεβαιῶσαι δ’ ἑκάστοισ τὴν κοινὴν καὶ πάτριον ἐλευθερίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 2, chapter 43

(폴리비오스, Histories, book 2, chapter 43)

상위

목록

SEARCH

MENU NAVIGATION