헬라어 문장 검색 - ΠολψβίΗιστορί02́033́

(폴리비오스, Histories, book 2, chapter 33)

Δοκοῦσι δ’ ἐμφρόνωσ κεχρῆσθαι τῇ μάχῃ ταύτῃ Ῥωμαῖοι, τῶν χιλιάρχων ὑποδειξάντων ὡσ δεῖ ποιεῖσθαι τὸν ἀγῶνα κοινῇ καὶ κατ’ ἰδίαν ἑκάστουσ. αἵ τε μάχαιραι ταῖσ κατασκευαῖσ, καθάπερ εἴρηται πρότερον, μίαν ἔχουσι τὴν πρώτην καταφορὰν καιρίαν, ἀπὸ δὲ ταύτησ εὐθέωσ ἀποξυστροῦνται, καμπτόμεναι κατὰ μῆκοσ καὶ κατὰ πλάτοσ ἐπὶ τοσοῦτον ὥστ’ ἐὰν μὴ δῷ τισ ἀναστροφὴν τοῖσ χρωμένοισ ἐρείσαντασ πρὸσ τὴν γῆν ἀπευθῦναι τῷ ποδί, τελέωσ ἄπρακτον εἶναι τὴν δευτέραν πληγὴν αὐτῶν·

ἀναδόντεσ οὖν οἱ χιλίαρχοι τὰ τῶν τριαρίων δόρατα τῶν κατόπιν ἐφεστώτων ταῖσ πρώταισ σπείραισ καὶ παραγγείλαντεσ ἐκ μεταλήψεωσ τοῖσ ξίφεσι χρῆσθαι συνέβαλον ἐκ παρατάξεωσ κατὰ πρόσωπον τοῖσ Κελτοῖσ.

ἅμα δὲ τῷ πρὸσ τὰ δόρατα ταῖσ πρώταισ καταφοραῖσ χρωμένων τῶν Γαλατῶν ἀχρειωθῆναι τὰσ μαχαίρασ συνδραμόντεσ εἰσ τὰσ χεῖρασ τοὺσ μὲν Κελτοὺσ ἀπράκτουσ ἐποίησαν, ἀφελόμενοι τὴν ἐκ διάρσεωσ αὐτῶν μάχην, ὅπερ ἴδιόν ἐστι Γαλατικῆσ χρείασ, διὰ τὸ μηδαμῶσ κέντημα τὸ ξίφοσ ἔχειν·

αὐτοὶ δ’ οὐκ ἐκ καταφορᾶσ ἀλλ’ ἐκ διαλήψεωσ ὀρθαῖσ χρώμενοι ταῖσ μαχαίραισ, πρακτικοῦ τοῦ κεντήματοσ περὶ αὐτὰσ ὑπάρχοντοσ, τύπτοντεσ εἰσ τὰ στέρνα καὶ τὰ πρόσωπα καὶ πληγὴν ἐπὶ πληγῇ φέροντεσ διέφθειραν τοὺσ πλείστουσ τῶν παραταξαμένων διὰ τὴν τῶν χιλιάρχων πρόνοιαν.

ὁ μὲν γὰρ στρατηγὸσ Φλαμίνιοσ οὐκ ὀρθῶσ δοκεῖ κεχρῆσθαι τῷ προειρημένῳ κινδύνῳ.

παρ’ αὐτὴν γὰρ τὴν ὀφρὺν τοῦ ποταμοῦ ποιησάμενοσ τὴν ἔκταξιν διέφθειρε τὸ τῆσ Ῥωμαϊκῆσ μάχησ ἴδιον, οὐχ ὑπολειπόμενοσ τόπον πρὸσ τὴν ἐπὶ πόδα ταῖσ σπείραισ ἀναχώρησιν. εἰ γὰρ συνέβη βραχὺ μόνον πιεσθῆναι τῇ χώρᾳ τοὺσ ἄνδρασ κατὰ τὴν μάχην, ῥίπτειν ἂν εἰσ τὸν ποταμὸν αὑτοὺσ ἔδει διὰ τὴν ἀστοχίαν τοῦ προεστῶτοσ.

οὐ μὴν ἀλλά γε πολλῷ νικήσαντεσ ταῖσ σφετέραισ ἀρεταῖσ, καθάπερ εἶπον, καὶ παμπληθοῦσ μὲν λείασ, οὐκ ὀλίγων δὲ σκύλων κρατήσαντεσ ἐπανῆλθον εἰσ τὴν Ῥώμην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 2, chapter 33

(폴리비오스, Histories, book 2, chapter 33)

상위

목록

SEARCH

MENU NAVIGATION