헬라어 문장 검색 - ΠολψβίΗιστορί02́059́

(폴리비오스, Histories, book 2, chapter 59)

Πάλιν Ἀριστόμαχον τὸν Ἀργεῖόν φησιν, ἄνδρα τῆσ ἐπιφανεστάτησ οἰκίασ ὑπάρχοντα καὶ τετυραννηκότα μὲν Ἀργείων, πεφυκότα δ’ ἐκ τυράννων, ὑποχείριον Ἀντιγόνῳ καὶ τοῖσ Ἀχαιοῖσ γενόμενον εἰσ Κεγχρεὰσ ἀπαχθῆναι καὶ στρεβλούμενον ἀποθανεῖν, ἀδικώτατα καὶ δεινότατα παθόντα πάντων ἀνθρώπων. τηρῶν δὲ καὶ περὶ ταύτην τὴν πρᾶξιν ὁ συγγραφεὺσ τὸ καθ’ αὑτὸν ἰδίωμα φωνάσ τινασ πλάττει διὰ τῆσ νυκτὸσ αὐτοῦ στρεβλουμένου προσπιπτούσασ τοῖσ σύνεγγυσ κατοικοῦσιν, ὧν τοὺσ μὲν ἐκπληττομένουσ τὴν ἀσέβειαν, τοὺσ δ’ ἀπιστοῦντασ, τοὺσ δ’ ἀγανακτοῦντασ ἐπὶ τοῖσ γινομένοισ προστρέχειν πρὸσ τὴν οἰκίαν φησίν.

περὶ μὲν οὖν τῆσ τοιαύτησ τερατείασ παρείσθω·

δεδήλωται γὰρ ἀρκούντωσ. ἐγὼ δ’ Ἀριστόμαχον, εἰ καὶ μηδὲν εἰσ τοὺσ Ἀχαιοὺσ ἕτερον ἥμαρτεν, κατά γε τὴν τοῦ βίου προαίρεσιν καὶ τὴν εἰσ πατρίδα παρανομίαν τῆσ μεγίστησ ἄξιον κρίνω τιμωρίασ.

καίπερ ὁ συγγραφεὺσ βουλόμενοσ αὔξειν αὐτοῦ τὴν δόξαν καὶ παραστήσασθαι τοὺσ ἀκούοντασ εἰσ τὸ μᾶλλον αὐτῷ συναγανακτεῖν ἐφ’ οἷσ ἔπαθεν οὐ μόνον αὐτόν φησι γεγονέναι τύραννον, ἀλλὰ καὶ ἐκ τυράννων πεφυκέναι.

ταύτησ δὲ μείζω κατηγορίαν ἢ πικροτέραν οὐδ’ ἂν εἰπεῖν ῥᾳδίωσ δύναιτ’ οὐδείσ.

αὐτὸ γὰρ τοὔνομα περιέχει τὴν ἀσεβεστάτην ἔμφασιν καὶ πάσασ περιείληφε τὰσ ἐν ἀνθρώποισ ἀδικίασ καὶ παρανομίασ. Ἀριστόμαχοσ ἀφορμῇ ταύτῃ καὶ προφάσει χρησάμενοσ, ὥσ τινων συνειδότων τὰ περὶ τὴν εἴσοδον τῶν Ἀχαιῶν, ὀγδοήκοντα τοὺσ πρώτουσ τῶν πολιτῶν οὐδὲν ἀδικήσαντασ στρεβλώσασ ἐναντίον τῶν ἀναγκαίων κατέσφαξεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 2, chapter 59

(폴리비오스, Histories, book 2, chapter 59)

상위

목록

SEARCH

MENU NAVIGATION