Polybius, Histories, book 2, chapter 63

(폴리비오스, Histories, book 2, chapter 63)

Τὸ δὲ συνεχὲσ τούτῳ τίσ οὐκ ἂν ἔτι μᾶλλον θαυμάσειε; ταῦτα γὰρ ἀποφαινόμενοσ λέγει πρὸ τῆσ παρατάξεωσ δέχ’ ἡμέραισ μάλιστα τὸν παρὰ Πτολεμαίου πρεσβευτὴν ἐλθεῖν ἀγγέλλοντα πρὸσ τὸν Κλεομένη διότι Πτολεμαῖοσ τὸ μὲν χορηγεῖν ἀπολέγει, διαλύεσθαι δὲ παρακαλεῖ πρὸσ τὸν Ἀντίγονον. τὸν δ’ ἀκούσαντά φησι κρῖναι διότι δεῖ τὴν ταχίστην ἐκκυβεύειν τοῖσ ὅλοισ πρὸ τοῦ συνεῖναι τὰ προσπεπτωκότα τὰσ δυνάμεισ, διὰ τὸ μηδεμίαν ὑπάρχειν ἐν τοῖσ ἰδίοισ πράγμασιν ἐλπίδα τοῦ δύνασθαι μισθοδοτεῖν.

ἀλλ’ εἴπερ ἑξακισχιλίων ἐγκρατὴσ ἐγεγόνει ταλάντων κατὰ τοὺσ αὐτοὺσ καιρούσ, τὸν Πτολεμαῖον αὐτὸν ἠδύνατο ταῖσ χορηγίαισ ὑπερθέσθαι.

πρὸσ δὲ τὸν Ἀντίγονον, εἰ μόνον τριακοσίων ὑπῆρχε κύριοσ, καὶ λίαν ἱκανὸσ ἦν ἀσφαλῶσ ὑπομένων τρίβειν τὸν πόλεμον.

τὸ δ’ ἅμα μὲν πάσασ ἀποφαίνειν τῷ Κλεομένει τὰσ ἐλπίδασ ἐν Πτολεμαίῳ διὰ τὰσ χορηγίασ, ἅμα δὲ τοσούτων χρημάτων αὐτὸν φάναι κύριον γεγονέναι κατὰ τοὺσ αὐτοὺσ καιρούσ, πῶσ οὐ τῆσ μεγίστησ ἀλογίασ, ἔτι δ’ ἀσκεψίασ ἐστὶ σημεῖον;

πολλὰ δὲ καὶ ἕτερα τῷ συγγραφεῖ τοιαῦτα καὶ κατὰ τοὺσ ὑποκειμένουσ καιροὺσ καὶ παρ’ ὅλην τὴν πραγματείαν κατατέτακται, περὶ ὧν ἀρκεῖν ὑπολαμβάνω κατὰ τὴν ἐξ ἀρχῆσ πρόθεσιν καὶ τὰ νῦν εἰρημένα.

일치하는 문장이 없습니다.

SEARCH

MENU NAVIGATION