헬라어 문장 검색 - ΠολψβίΗιστορί02́032́

(폴리비오스, Histories, book 2, chapter 32)

σούσησ αὐτοῖσ, εἰσ τέλοσ ἄπρακτον εἶχον. μετὰ δὲ τούτουσ κατασταθέντεσ Πόπλιοσ Φούριοσ καὶ Γάιοσ Φλαμίνιοσ αὖθισ ἐνέβαλον εἰσ τὴν Κελτικὴν διὰ τῆσ τῶν Ἀνάρων χώρασ, οἷσ συμβαίνει μὴ μακρὰν ἀπὸ Μασσαλίασ ἔχειν τὴν οἴκησιν. οὓσ εἰσ τὴν φιλίαν προσαγαγόμενοι διέβησαν εἰσ τὴν τῶν Ἰνσόμβρων γῆν κατὰ τὰσ συρροίασ τοῦ τ’ Ἀδόα καὶ Πάδου ποταμοῦ.

λαβόντεσ δὲ πληγὰσ περί τε τὴν διάβασιν καὶ περὶ τὴν στρατοπεδείαν παραυτίκα μὲν ἔμειναν, μετὰ δὲ ταῦτα σπεισάμενοι καθ’ ὁμολογίαν ἀνέλυσαν ἐκ τῶν τόπων.

περιελθόντεσ δὲ πλείουσ ἡμέρασ καὶ διελθόντεσ τὸν Κλούσιον ποταμὸν ἦλθον εἰσ τὴν τῶν Γονομάνων χώραν καὶ προσλαβόντεσ τούτουσ, ὄντασ συμμάχουσ, ἐνέβαλον πάλιν ἀπὸ τῶν κατὰ τὰσ Ἄλπεισ τόπων εἰσ τὰ τῶν Ἰνσόμβρων πεδία καὶ τήν τε γῆν ἐδῄουν καὶ τὰσ κατοικίασ αὐτῶν ἐξεπόρθουν.

οἱ δὲ τῶν Ἰνσόμβρων προεστῶτεσ θεωροῦντεσ ἀμετάθετον οὖσαν τὴν ἐπιβολὴν τῶν Ῥωμαίων, ἔκριναν τῆσ τύχησ λαβεῖν πεῖραν καὶ διακινδυνεῦσαι πρὸσ αὐτοὺσ ὁλοσχερῶσ.

συναθροίσαντεσ οὖν ἁπάσασ τὰσ ὑπαρχούσασ δυνάμεισ ἐπὶ ταὐτὸν καὶ τὰσ χρυσᾶσ σημείασ τὰσ ἀκινήτουσ λεγομένασ καθελόντεσ ἐκ τοῦ τῆσ Ἀθηνᾶσ ἱεροῦ καὶ τἄλλα παρασκευασάμενοι δεόντωσ μετὰ ταῦτα τεθαρρηκότωσ καὶ καταπληκτικῶσ ἀντεστρατοπέδευσαν τοῖσ πολεμίοισ, ὄντεσ τὸ πλῆθοσ εἰσ πέντε μυριάδασ.

οἱ δὲ Ῥωμαῖοι τὰ μὲν ὁρῶντεσ σφᾶσ ἐλάττουσ ὄντασ παρὰ πολὺ τῶν ἐναντίων, ἐβούλοντο συγχρῆσθαι ταῖσ τῶν συμμαχούντων αὐτοῖσ Κελτῶν δυνάμεσι·

τὰ δὲ συλλογισάμενοι τήν τε Γαλατικὴν ἀθεσίαν καὶ διότι πρὸσ ὁμοφύλουσ τῶν προσλαμβανομένων μέλλουσι ποιεῖσθαι τὸν κίνδυνον, εὐλαβοῦντο τοιούτοισ ἀνδράσιν τοιούτου καιροῦ καὶ πράγματοσ κοινωνεῖν.

ἅμα μὲν ἀσφαλιζόμενοι τὰ πρὸσ ἐκείνουσ, ἅμα δὲ μίαν ἑαυτοῖσ ἀπολείποντεσ ἐλπίδα τῆσ σωτηρίασ τὴν ἐν τῷ νικᾶν διὰ τὸ κατόπιν αὐτοῖσ ἄβατον ὄντα παρακεῖσθαι τὸν προειρημένον ποταμόν.

πράξαντεσ δὲ ταῦτα πρὸσ τῷ διακινδυνεύειν ἦσαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 2, chapter 32

(폴리비오스, Histories, book 2, chapter 32)

상위

목록

SEARCH

MENU NAVIGATION