헬라어 문장 검색 - ΠολψβίΗιστορί02́012́

(폴리비오스, Histories, book 2, chapter 12)

Γνάιοσ μὲν οὖν Φόλουιοσ εἰσ τὴν Ῥώμην ἀπέπλευσε, τὸ πλεῖον ἔχων μέροσ τῆσ τε ναυτικῆσ καὶ πεζικῆσ στρατιᾶσ. ὁ δὲ Ποστόμιοσ ὑπολειπόμενοσ τετταράκοντα σκάφη καὶ στρατόπεδον ἐκ τῶν περικειμένων πόλεων ἁθροίσασ παρεχείμαζε, συνεφεδρεύων τῷ τε τῶν Ἀρδιαίων ἔθνει καὶ τοῖσ ἄλλοισ τοῖσ δεδωκόσιν ἑαυτοὺσ εἰσ τὴν πίστιν.

ὑπὸ δὲ τὴν ἐαρινὴν ὡρ́αν ἡ Τεύτα διαπρεσβευσαμένη πρὸσ τοὺσ Ῥωμαίουσ ποιεῖται συνθήκασ, ἐν αἷσ εὐδόκησε φόρουσ τε τοὺσ διαταχθέντασ οἴσειν πάσησ τ’ ἀναχωρήσειν τῆσ Ἰλλυρίδοσ πλὴν ὀλίγων τόπων, καὶ τὸ συνέχον, ὃ μάλιστα πρὸσ τοὺσ Ἕλληνασ διέτεινε, μὴ πλεύσειν πλέον ἢ δυσὶ λέμβοισ ἔξω τοῦ Λίσσου, καὶ τούτοισ ἀνόπλοισ.

ὧν συντελεσθέντων ὁ Ποστόμιοσ μετὰ ταῦτα πρεσβευτὰσ ἐξαπέστειλε πρόσ τε τοὺσ Αἰτωλοὺσ καὶ τὸ τῶν Ἀχαιῶν ἔθνοσ·

οἳ καὶ παραγενόμενοι πρῶτον μὲν ἀπελογίσαντο τὰσ αἰτίασ τοῦ πολέμου καὶ τῆσ διαβάσεωσ, ἑξῆσ δὲ τούτοισ τὰ πεπραγμένα διεξῆλθον καὶ τὰσ συνθήκασ παρανέγνωσαν, ἃσ ἐπεποίηντο πρὸσ τοὺσ Ἰλλυριούσ. τυχόντεσ δὲ παρ’ ἑκατέρου τῶν ἐθνῶν τῆσ καθηκούσησ φιλανθρωπίασ αὖθισ ἀπέπλευσαν εἰσ τὴν Κέρκυραν, ἱκανοῦ τινοσ ἀπολελυκότεσ φόβου τοὺσ Ἕλληνασ διὰ τὰσ προειρημένασ συνθήκασ.

οὐ γὰρ τισὶν, ἀλλὰ πᾶσι τότε κοινοὺσ ἐχθροὺσ εἶναι συνέβαινε τοὺσ Ἰλλυριούσ.

Ἡ μὲν οὖν πρώτη διάβασισ Ῥωμαίων μετὰ δυνάμεωσ εἰσ τὴν Ἰλλυρίδα καὶ ταῦτα τὰ μέρη τῆσ Εὐρώπησ, ἔτι δ’ ἐπιπλοκὴ μετὰ πρεσβείασ εἰσ τοὺσ κατὰ τὴν Ἑλλάδα τόπουσ τοιάδε καὶ διὰ ταύτασ ἐγένετο τὰσ αἰτίασ.

ἀπὸ δὲ ταύτησ τῆσ καταρχῆσ Ῥωμαῖοι μὲν εὐθέωσ ἄλλουσ πρεσβευτὰσ ἐξαπέστειλαν πρὸσ Κορινθίουσ καὶ πρὸσ Ἀθηναίουσ, ὅτε δὴ καὶ Κορίνθιοι πρῶτον ἀπεδέξαντο μετέχειν Ῥωμαίουσ τοῦ τῶν Ἰσθμίων ἀγῶνοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 2, chapter 12

(폴리비오스, Histories, book 2, chapter 12)

상위

목록

SEARCH

MENU NAVIGATION