호흡부호 보기
강세부호 보기
장단부호 보기
작은 Iota 보기
모든 부호 보기
ὡσ μὲν τοῖσ πολλοῖσ ἐδόκει, παραβόλωσ καὶ τολμηρῶσ διὰ τὴν ὀχυρότητα τῶν κατὰ τὰσ εἰσόδουσ τόπων, ὡσ δὲ τοῖσ ὀρθῶσ λογιζομένοισ, ἀσφαλῶσ καὶ νουνεχῶσ. ὁρῶν γὰρ τὸν Ἀντίγονον διαφεικότα τὰσ δυνάμεισ, ᾔδει σαφῶσ ὡσ πρῶτον μὲν τὴν εἰσβολὴν ἀκινδύνωσ ποιήσεται, δεύτερον ἔτι τῆσ χώρασ καταφθειρομένησ ἑώσ τῶν τειχῶν ἀνάγκη τοὺσ Ἀργείουσ θεωροῦντασ τὸ γινόμενον ἀσχάλλειν καὶ καταμέμφεσθαι τὸν Ἀντίγονον.
εἰ μὲν οὖν συμβαίη μὴ δυνάμενον αὐτὸν ὑποφέρειν τὸν ἐπιρραπισμὸν τῶν ὄχλων ἐξελθεῖν καὶ διακινδυνεῦσαι τοῖσ παροῦσιν, πρόδηλον ἐκ τῶν κατὰ λόγον ἦν αὐτῷ διότι νικήσει ῥᾳδίωσ.
εἰ δ’ ἐμμείνασ τοῖσ λογισμοῖσ ἀφησυχάζοι, καταπληξάμενοσ τοὺσ ὑπεναντίουσ καὶ ταῖσ ἰδίαισ δυνάμεσι θάρσοσ ἐνεργασάμενοσ ἀσφαλῶσ ὑπέλαβε ποιήσασθαι τὴν ἀναχώρησιν εἰσ τὴν οἰκείαν.
ὃ καὶ συνέβη γενέσθαι. τῆσ γὰρ χώρασ δῃουμένησ οἱ μὲν ὄχλοι συστρεφόμενοι τὸν Ἀντίγονον ἐλοιδόρουν.
ὁ δὲ καὶ λίαν ἡγεμονικῶσ καὶ βασιλικῶσ οὐδὲν περὶ πλείονοσ ποιούμενοσ τοῦ κατὰ λόγον χρήσασθαι τοῖσ πράγμασιν ἦγε τὴν ἡσυχίαν. ὁ δὲ Κλεομένησ κατὰ τὴν ἐξ ἀρχῆσ πρόθεσιν καταφθείρασ μὲν τὴν χώραν, καταπληξάμενοσ δὲ τοὺσ ὑπεναντίουσ, εὐθαρσεῖσ δὲ πεποιηκὼσ τὰσ ἑαυτοῦ δυνάμεισ πρὸσ τὸν ἐπιφερόμενον κίνδυνον ἀσφαλῶσ εἰσ τὴν οἰκείαν ἐπανῆλθεν.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기