헬라어 문장 검색 - ΠολψβίΗιστορί02́023́

(폴리비오스, Histories, book 2, chapter 23)

Οἱ δὲ Γαισάται Γαλάται συστησάμενοι δύναμιν πολυτελῆ καὶ βαρεῖαν ἧκον ὑπεράραντεσ τὰσ Ἄλπεισ εἰσ τὸν Πάδον ποταμὸν ἔτει μετὰ τὴν τῆσ χώρασ διάδοσιν ὀγδόῳ. τὸ μὲν οὖν τῶν Ἰνσόμβρων καὶ Βοίων γένοσ ἔμεινε γενναίωσ ἐν ταῖσ ἐξ ἀρχῆσ ἐπιβολαῖσ, οἱ δ’ Οὐένετοι καὶ Γονομάνοι, διαπρεσβευσαμένων Ῥωμαίων, τούτοισ εἵλοντο συμμαχεῖν.

διὸ καὶ μέροσ τι τῆσ δυνάμεωσ καταλιπεῖν ἠναγκάσθησαν οἱ βασιλεῖσ τῶν Κελτῶν φυλακῆσ χάριν τῆσ χώρασ πρὸσ τὸν ἀπὸ τούτων φόβον.

αὐτοὶ δ’ ἐξάραντεσ παντὶ τῷ στρατεύματι κατατεθαρρηκότωσ ὡρ́μησαν, ποιούμενοι τὴν πορείαν ὡσ ἐπὶ Τυρρηνίασ, ἔχοντεσ πεζοὺσ μὲν εἰσ πεντακισμυρίουσ, ἱππεῖσ δὲ καὶ συνωρίδασ εἰσ δισμυρίουσ.

Ῥωμαῖοι δ’ ὡσ θᾶττον ἤκουσαν τοὺσ Κελτοὺσ ὑπερβεβληκέναι τὰσ Ἄλπεισ, Λεύκιον μὲν Αἰμίλιον ὕπατον μετὰ δυνάμεωσ ἐξαπέστειλαν ὡσ ἐπ’ Ἀριμίνου, τηρήσοντα ταύτῃ τῶν ἐναντίων τὴν ἔφοδον, ἕνα δὲ τῶν ἑξαπελέκεων εἰσ Τυρρηνίαν.

ὁ μὲν γὰρ ἕτεροσ τῶν ὑπάτων Γάιοσ Ἀτίλιοσ προεξεληλυθὼσ ἔτυχεν εἰσ Σαρδόνα μετὰ τῶν στρατοπέδων, οἱ δ’ ἐν τῇ Ῥώμῃ πάντεσ περιδεεῖσ ἦσαν, μέγαν καὶ φοβερὸν αὑτοῖσ ὑπολαμβάνοντεσ ἐπιφέρεσθαι κίνδυνον.

ἔπασχον δὲ τοῦτ’ εἰκότωσ, ἔτι περὶ Γαλατῶν ἐγκαθημένου ταῖσ ψυχαῖσ αὐτῶν τοῦ παλαιοῦ φόβου.

διὸ καὶ πρὸσ ταύτην ἀναφέροντεσ τὴν ἔννοιαν τὰ μὲν συνήθροιζον, τὰ δὲ κατέγραφον στρατόπεδα, τοῖσ δ’ ἑτοίμοισ εἶναι παρήγγελλον τῶν συμμάχων.

καθόλου δὲ τοῖσ ὑποτεταγμένοισ ἀναφέρειν ἐπέταξαν ἀπογραφὰσ τῶν ἐν ταῖσ ἡλικίαισ, σπουδάζοντεσ εἰδέναι τὸ σύμπαν πλῆθοσ τῆσ ὑπαρχούσησ αὐτοῖσ δυνάμεωσ.

σίτου δὲ καὶ βελῶν καὶ τῆσ ἄλλησ ἐπιτηδειότητοσ πρὸσ πόλεμον τηλικαύτην ἐποιήσαντο κατασκευὴν ἡλίκην οὐδείσ πω μνημονεύει πρότερον.

συνηργεῖτο δ’ αὐτοῖσ πάντα καὶ πανταχόθεν ἑτοίμωσ.

καταπεπληγμένοι γὰρ οἱ τὴν Ἰταλίαν οἰκοῦντεσ τὴν τῶν Γαλατῶν ἔφοδον οὐκέτι Ῥωμαίοισ ἡγοῦντο συμμαχεῖν οὐδὲ περὶ τῆσ τούτων ἡγεμονίασ γίνεσθαι τὸν πόλεμον, ἀλλὰ περὶ σφῶν ἐνόμιζον ἕκαστοι καὶ τῆσ ἰδίασ πόλεωσ καὶ χώρασ ἐπιφέρεσθαι τὸν κίνδυνον.

διόπερ ἑτοίμωσ τοῖσ παραγγελλομένοισ ὑπήκουον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 2, chapter 23

(폴리비오스, Histories, book 2, chapter 23)

상위

목록

SEARCH

MENU NAVIGATION