Polybius, Histories, book 2, chapter 52

(폴리비오스, Histories, book 2, chapter 52)

χάριν τῆσ περὶ τῶν πίστεων ἐπισκέψεωσ. ὁ δὲ Κλεομένησ καταπληξάμενοσ τοῖσ προειρημένοισ εὐτυχήμασι λοιπὸν ἀδεῶσ ἐπεπορεύετο τὰσ πόλεισ, ἃσ μὲν πείθων αἷσ δὲ τὸν φόβον ἀνατεινόμενοσ. Πελλήνην, Φενεόν, Ἄργοσ, Φλιοῦντα, Κλεωνάσ, Ἐπίδαυρον, Ἑρμιόνα, Τροίζηνα, τελευταῖον Κόρινθον, αὐτὸσ μὲν προσεστρατοπέδευσε τῇ τῶν Σικυωνίων πόλει, τοὺσ δ’ Ἀχαιοὺσ ἀπέλυσε τοῦ μεγίστου προβλήματοσ.

τῶν γὰρ Κορινθίων τῷ μὲν Ἀράτῳ στρατηγοῦντι καὶ τοῖσ Ἀχαιοῖσ παραγγειλάντων ἐκ τῆσ πόλεωσ ἀπαλλάττεσθαι, πρὸσ δὲ τὸν Κλεομένη διαπεμπομένων καὶ καλούντων, παρεδόθη τοῖσ Ἀχαιοῖσ ἀφορμὴ καὶ πρόφασισ εὔλογοσ.

ἧσ ἐπιλαβόμενοσ Ἄρατοσ καὶ προτείνασ Ἀντιγόνῳ τὸν Ἀκροκόρινθον, κατεχόντων Ἀχαιῶν τότε τὸν τόπον τοῦτον, ἔλυσε μὲν τὸ γεγονὸσ ἔγκλημα πρὸσ τὴν οἰκίαν, ἱκανὴν δὲ πίστιν παρέσχετο τῆσ πρὸσ τὰ μέλλοντα κοινωνίασ, τὸ δὲ συνέχον, ὁρμητήριον παρεσκεύασεν Ἀντιγόνῳ πρὸσ τὸν κατὰ Λακεδαιμονίων πόλεμον.

Ὁ δὲ Κλεομένησ ἐπιγνοὺσ τοὺσ Ἀχαιοὺσ συντιθεμένουσ τὰ πρὸσ τὸν Ἀντίγονον, ἀναζεύξασ ἀπὸ τοῦ Σικυῶνοσ κατεστρατοπέδευσε περὶ τὸν Ἰσθμόν, διαλαβὼν χάρακι καὶ τάφρῳ τὸν μεταξὺ τόπον τοῦ τ’ Ἀκροκορίνθου καὶ τῶν Ὀνείων καλουμένων ὀρῶν, πᾶσαν ἤδη βεβαίωσ περιειληφὼσ ταῖσ ἐλπίσι τὴν Πελοποννησίων ἀρχήν.

Ἀντίγονοσ δὲ πάλαι μὲν ἦν ἐν παρασκευῇ, καραδοκῶν τὸ μέλλον κατὰ τὰσ ὑποθέσεισ τὰσ Ἀράτου·

τότε δὲ συλλογιζόμενοσ ἐκ τῶν προσπιπτόντων ὅσον οὔπω παρεῖναι τὸν Κλεομένη μετὰ τῆσ δυνάμεωσ εἰσ Θετταλίαν, διαπεμψάμενοσ πρόσ τε τὸν Ἄρατον καὶ τοὺσ Ἀχαιοὺσ ὑπὲρ τῶν ὡμολογημένων ἧκεν ἔχων τὰσ δυνάμεισ διὰ τῆσ Εὐβοίασ ἐπὶ τὸν Ἰσθμόν.

οἱ γὰρ Αἰτωλοὶ πρὸσ τοῖσ ἄλλοισ καὶ τότε βουλόμενοι κωλῦσαι τὸν Ἀντίγονον τῆσ βοηθείασ, ἀπεῖπον αὐτῷ πορεύεσθαι μετὰ δυνάμεωσ ἐντὸσ Πυλῶν·

εἰ δὲ μή, διότι κωλύσουσι μεθ’ ὅπλων αὐτοῦ τὴν δίοδον.

일치하는 문장이 없습니다.

SEARCH

MENU NAVIGATION