호흡부호 보기
강세부호 보기
장단부호 보기
작은 Iota 보기
모든 부호 보기
Τίνοσ δὲ χάριν ἐποιησάμεθα τὴν ἐπὶ πλεῖον ὑπὲρ τοῦ προειρημένου πολέμου μνήμην; διότι τῶν καιρῶν τούτων συναπτόντων τοῖσ ὑφ’ ὑμῶν ἱστορεῖσθαι μέλλουσι χρήσιμον ἐδόκει, μᾶλλον δ’ ἀναγκαῖον εἶναι κατὰ τὴν ἐξ ἀρχῆσ πρόθεσιν τὸ ποιῆσαι πᾶσιν ἐναργῆ καὶ γνώριμον τὴν ὑπάρχουσαν περὶ Μακεδόνασ καὶ τοὺσ Ἕλληνασ τότε κατάστασιν.
περὶ δὲ τοὺσ αὐτοὺσ καιροὺσ καὶ Πτολεμαίου νόσῳ τὸν βίον μεταλλάξαντοσ Πτολεμαῖοσ ὁ κληθεὶσ Φιλοπάτωρ διεδέξατο τὴν βασιλείαν.
μετήλλαξε δὲ καὶ Σέλευκοσ ὁ Σελεύκου τοῦ Καλλινίκου καὶ Πώγωνοσ ἐπικληθέντοσ·
Ἀντίοχοσ δὲ διεδέξατο τὴν ἐν Συρίᾳ βασιλείαν, ἀδελφὸσ ὢν αὐτοῦ. παραπλήσιον γὰρ δή τι συνέβη τούτοισ καὶ τοῖσ πρώτοισ μετὰ τὴν Ἀλεξάνδρου τελευτὴν κατασχοῦσι τὰσ ἀρχὰσ ταύτασ, λέγω δὲ Σελεύκῳ, Πτολεμαίῳ, Λυσιμάχῳ.
ἐκεῖνοί τε γὰρ πάντεσ περὶ τὴν εἰκοστὴν καὶ τετάρτην πρὸσ ταῖσ ἑκατὸν ὀλυμπιάδα μετήλλαξαν, καθάπερ ἐπάνω προεῖπον, οὗτοί τε περὶ τὴν ἐνάτην καὶ τριακοστήν.
καὶ τὴν βύβλον ταύτην ἀφορίζειν ἀκολούθωσ τῇ τε τῶν προγεγονότων πραγμάτων περιγραφῇ καὶ τῇ τῶν κεχειρικότων τὰ πρὸ τοῦ δυναστῶν καταστροφῇ.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기