Polybius, Histories, book 2, chapter 38

(폴리비오스, Histories, book 2, chapter 38)

Πρῶτον δέ, πῶσ ἐπεκράτησε καὶ τίνι τρόπῳ τὸ τῶν Ἀχαιῶν ὄνομα κατὰ πάντων Πελοποννησίων, οὐκ ἄχρηστον μαθεῖν. οὔτε γὰρ χώρασ καὶ πόλεων πλήθει διαφέρουσιν οἱ πάτριον ἐξ ἀρχῆσ ἔχοντεσ τὴν προσηγορίαν ταύτην οὔτε πλούτοισ οὔτε ταῖσ τῶν ἀνδρῶν ἀρεταῖσ.

τό τε γὰρ τῶν Ἀρκάδων ἔθνοσ, ὁμοίωσ δὲ καὶ τὸ τῶν Λακώνων πλήθει μὲν ἀνδρῶν καὶ χώρασ οὐδὲ παρὰ μικρὸν ὑπερέχει·

καὶ μὴν οὐδὲ τῶν τῆσ ἀνδραγαθίασ πρωτείων οὐδενὶ τῶν Ἑλλήνων οἱοῖ́ τ’ εἰσὶν οὐδέποτε παραχωρεῖν οἱ προειρημένοι. πῶσ οὖν καὶ διὰ τί νῦν εὐδοκοῦσιν οὗτοί τε καὶ τὸ λοιπὸν πλῆθοσ τῶν Πελοποννησίων, ἅμα τὴν πολιτείαν τῶν Ἀχαιῶν καὶ τὴν προσηγορίαν μετειληφότεσ;

δῆλον ὡσ τύχην μὲν λέγειν οὐδαμῶσ ἂν εἰή πρέπον·

φαῦλον γάρ· αἰτίαν δὲ μᾶλλον ζητεῖν. χωρὶσ γὰρ ταύτησ οὔτε τῶν κατὰ λόγον οὔτε τῶν παρὰ λόγον εἶναι δοκούντων οὐδὲν οἱο͂́ν τε συντελεσθῆναι. ἔστι δ’ οὖν, ὡσ ἐμὴ δόξα, τοιαύτη τισ. ἰσηγορίασ καὶ παρρησίασ καὶ καθόλου δημοκρατίασ ἀληθινῆσ σύστημα καὶ προαίρεσιν εἰλικρινεστέραν οὐκ ἂν εὑρ́οι τισ τῆσ παρὰ τοῖσ Ἀχαιοῖσ ὑπαρχούσησ.

αὕτη τινὰσ μὲν ἐθελοντὴν αἱρετιστὰσ εὑρ͂ε Πελοποννησίων, πολλοὺσ δὲ πειθοῖ καὶ λόγῳ προσηγάγετο·

τινὰσ δὲ βιασαμένη σὺν καιρῷ παραχρῆμα πάλιν εὐδοκεῖν ἐποίησεν αὑτῇ τοὺσ ἀναγκασθέντασ. οὐδενὶ γὰρ οὐδὲν ὑπολειπομένη πλεονέκτημα τῶν ἐξ ἀρχῆσ, ἴσα δὲ πάντα ποιοῦσα τοῖσ ἀεὶ προσλαμβανομένοισ ταχέωσ καθικνεῖτο τῆσ προκειμένησ ἐπιβολῆσ, δύο συνεργοῖσ χρωμένη τοῖσ ἰσχυροτάτοισ, ἰσότητι καὶ φιλανθρωπίᾳ.

διὸ ταύτην ἀρχηγὸν καὶ παραίτιον ἡγητέον τοῦ συμφρονήσαντασ Πελοποννησίουσ τὴν ὑπάρχουσαν αὐτοῖσ εὐδαιμονίαν καταστήσασθαι.

Τὰ μὲν οὖν τῆσ προαιρέσεωσ καὶ τὸ τῆσ πολιτείασ ἰδίωμα τὸ νῦν εἰρημένον καὶ πρότερον ὑπῆρχε παρὰ τοῖσ Ἀχαιοῖσ.

δῆλον δὲ τοῦτο καὶ δι’ ἑτέρων μὲν πλειόνων, πρὸσ δὲ τὸ παρὸν ἀρκέσει πίστεωσ χάριν ἓν ἢ καὶ δεύτερον ληφθὲν μαρτύριον.

일치하는 문장이 없습니다.

SEARCH

MENU NAVIGATION