호흡부호 보기
강세부호 보기
장단부호 보기
작은 Iota 보기
모든 부호 보기
οἱ δὲ Βοῖοι θεωροῦντεσ ἐκπεπτωκότασ τοὺσ Σήνωνασ, καὶ δείσαντεσ περὶ σφῶν καὶ τῆσ χώρασ μὴ πάθωσι τὸ παραπλήσιον ἐξεστράτευσαν πανδημεὶ παρακαλέσαντεσ Τυρρηνούσ. ἁθροισθέντεσ δὲ περὶ τὴν Οἄδμονα προσαγορευομένην λίμνην παρετάξαντο Ῥωμαίοισ.
ἐν δὲ τῇ μάχῃ ταύτῃ Τυρρηνῶν μὲν οἱ πλεῖστοι κατεκόπησαν, τῶν δὲ Βοίων τελέωσ ὀλίγοι διέφυγον.
οὐ μὴν ἀλλὰ τῷ κατὰ πόδασ ἐνιαυτῷ συμφρονήσαντεσ αὖθισ οἱ προειρημένοι καὶ τοὺσ ἄρτι τῶν νέων ἡβῶντασ καθοπλίσαντεσ παρετάξαντο πρὸσ Ῥωμαίουσ.
ἡττηθέντεσ δ’ ὁλοσχερῶσ τῇ μάχῃ μόλισ εἶξαν ταῖσ ψυχαῖσ καὶ διαπρεσβευσάμενοι περὶ σπονδῶν καὶ διαλύσεων συνθήκασ ἔθεντο πρὸσ Ῥωμαίουσ.
ταῦτα δὲ συνέβαινεν γίνεσθαι τῷ τρίτῳ πρότερον ἔτει τῆσ Πύρρου διαβάσεωσ εἰσ τὴν Ἰταλίαν, πέμπτῳ δὲ τῆσ Γαλατῶν περὶ Δελφοὺσ διαφθορᾶσ.
ἐν γὰρ τούτοισ ἡ τύχη τοῖσ καιροῖσ ὡσανεὶ λοιμικήν τινα πολέμου διάθεσιν ἐπέστησε πᾶσι Γαλάταισ.
ἐκ δὲ τῶν προειρημένων ἀγώνων δύο τὰ κάλλιστα συνεκύρησε Ῥωμαίοισ·
τοῦ γὰρ κατακόπτεσθαι συνήθειαν ἐσχηκότεσ ὑπὸ Γαλατῶν οὐδὲν ἠδύναντο δεινότερον ἰδεῖν οὐδὲ προσδοκῆσαι τῶν αὐτοῖσ ἤδη πεπραγμένων· τήν τε Γαλατῶν τόλμαν ἐν καιρῷ καταπληξάμενοι λοιπὸν ἀπερισπάστωσ τὸ μὲν πρῶτον πρὸσ Πύρρον περὶ τῆσ Ἰταλίασ ἐπολέμουν, μετὰ δὲ ταῦτα πρὸσ Καρχηδονίουσ ὑπὲρ τῆσ Σικελιωτῶν ἀρχῆσ διηγωνίζοντο.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기