헬라어 텍스트

Polybius, Histories, book 2, chapter 4

(폴리비오스, Histories, book 2, chapter 4)

πλοῦν εἰσ τὴν οἰκείαν. οἱ δὲ Μεδιώνιοι τετευχότεσ ἀνελπίστου σωτηρίασ, ἁθροισθέντεσ εἰσ τὴν ἐκκλησίαν ἐβουλεύοντο περί τε τῶν ἄλλων καὶ περὶ τῆσ τῶν ὅπλων ἐπιγραφῆσ. τῆσ τύχησ ὥσπερ ἐπίτηδεσ καὶ τοῖσ ἄλλοισ ἀνθρώποισ ἐπὶ τῶν ἐκείνοισ συμβαινόντων ἐνδεικνυμένησ τὴν αὑτῆσ δύναμιν.

ἃ γὰρ ὑπὸ τῶν ἐχθρῶν αὐτοὶ προσεδόκων ὅσον ἤδη πείσεσθαι, ταῦτα πράττειν αὐτοῖσ ἐκείνοισ παρέδωκεν ἐν πάνυ βραχεῖ χρόνῳ κατὰ τῶν πολεμίων.

Αἰτωλοὶ δὲ τῇ παραδόξῳ χρησάμενοι συμφορᾷ πάντασ ἐδίδαξαν μηδέποτε βουλεύεσθαι περὶ τοῦ μέλλοντοσ ὡσ ἤδη γεγονότοσ, μηδὲ προκατελπίζειν βεβαιουμένουσ ὑπὲρ ὧν ἀκμὴν ἐνδεχόμενόν ἐστιν ἄλλωσ γενέσθαι, νέμειν δὲ μερίδα τῷ παραδόξῳ πανταχῇ μὲν ἀνθρώπουσ ὄντασ, μάλιστα δ’ ἐν τοῖσ πολεμικοῖσ.

Ὁ δὲ βασιλεὺσ Ἄγρων, ἐπεὶ κατέπλευσαν οἱ λέμβοι, διακούσασ τῶν ἡγεμόνων τὰ κατὰ τὸν κίνδυνον καὶ περιχαρὴσ γενόμενοσ ἐπὶ τῷ δοκεῖν Αἰτωλοὺσ τοὺσ μέγιστον ἔχοντασ τὸ φρόνημα νενικηκέναι, πρὸσ μέθασ καί τινασ τοιαύτασ ἄλλασ εὐωχίασ τραπεὶσ ἐνέπεσεν εἰσ πλευρῖτιν· ἐκ δὲ ταύτησ ἐν ὀλίγαισ ἡμέραισ μετήλλαξε τὸν βίον.

τὴν δὲ βασιλείαν ἡ γυνὴ Τεύτα διαδεξαμένη τὸν κατὰ μέροσ χειρισμὸν τῶν πραγμάτων ἐποιεῖτο διὰ τῆσ τῶν φίλων πίστεωσ.

δεύτερον δ’ ἁθροίσασα στόλον καὶ δύναμιν οὐκ ἐλάττω τῆσ πρότερον ἐξέπεμψε, πᾶσαν παραλίαν ἀποδείξασα πολεμίαν τοῖσ ἡγουμένοισ.