헬라어 문장 검색 - ΠολψβίΗιστορί02́068́

(폴리비오스, Histories, book 2, chapter 68)

Ὅθεν καὶ τὸν Ἀντίγονόν φασι μετὰ ταῦτα καταπειράζοντα πυνθάνεσθαι τοῦ ταχθέντοσ ἐπὶ τῶν ἱππέων Ἀλεξάνδρου διὰ τί πρὸ τοῦ παραδοθῆναι τὸ σύνθημα τοῦ κινδύνου κατάρξαιτο. τοῦ δ’ ἀρνουμένου, φάσκοντοσ δὲ μειράκιόν τι Μεγαλοπολιτικὸν προεγχειρῆσαι παρὰ τὴν ἑαυτοῦ γνώμην, εἰπεῖν διότι τὸ μὲν μειράκιον ἡγεμόνοσ ἔργον ἀγαθοῦ ποιήσαι, συνθεασάμενον τὸν καιρόν, ἐκεῖνοσ δ’ ἡγεμὼν ὑπάρχων μειρακίου τοῦ τυχόντοσ.

τοῦτο δ’ ἦν ἐκ πολλοῦ συναντῶντασ καὶ προσπίπτοντασ τοῖσ πολεμίοισ τὰ μὲν ἐκείνων στίφη συνταράττειν καὶ διαλύειν, αὐτοὺσ δ’ ὑποχωρεῖν ἐπὶ πόδα καὶ μεθίστασθαι πρὸσ τοὺσ ὑπερδεξίουσ ἀεὶ τόπουσ ἀσφαλῶσ·

τούτων μὲν οὐδὲν ἐποίησαν, καθάπερ δ’ ἐξ ἑτοίμου σφίσι τῆσ νίκησ ὑπαρχούσησ τοὐναντίον ἔπραξαν.

κατὰ γὰρ τὴν ἐξ ἀρχῆσ στάσιν ἔμενον ἐπὶ τῶν ἄκρων, ὡσ ἀνωτάτω σπεύδοντεσ λαβεῖν τοὺσ ὑπεναντίουσ εἰσ τὸ τὴν φυγὴν ἐπὶ πολὺ καταφερῆ καὶ κρημνώδη γενέσθαι τοῖσ πολεμίοισ.

συνέβη δ’, ὅπερ εἰκὸσ ἦν, τοὐναντίον·

οὐ γὰρ ἀπολιπόντεσ αὑτοῖσ ἀναχώρησιν, προσδεξάμενοι δ’ ἀκεραίουσ ἅμα καὶ συνεστώσασ τὰσ σπείρασ, εἰσ τοῦτο δυσχρηστίασ ἦλθον ὥστε δι’ αὐτῆσ τῆσ τοῦ λόφου κορυφῆσ διαμάχεσθαι πρὸσ τοὺσ βιαζομένουσ. λοιπὸν ὅσον ἐκ ποδὸσ ἐπιέσθησαν τῷ βάρει τοῦ καθοπλισμοῦ καὶ τῆσ συντάξεωσ, εὐθέωσ οἱ μὲν Ἰλλυριοὶ τὴν κατάστασιν ἐλάμβανον, οἱ δὲ περὶ τὸν Εὐκλείδαν τὴν ὑπὸ πόδα διὰ τὸ μὴ καταλείπεσθαι τόπον εἰσ ἀναχώρησιν καὶ μετάστασιν ἑαυτοῖσ.

ἐξ οὗ ταχέωσ συνέβη τραπέντασ αὐτοὺσ ὀλεθρίῳ χρήσασθαι φυγῇ, κρημνώδη καὶ δύσβατον ἐχόντων ἐπὶ πολὺ τὴν ἀναχώρησιν τῶν τόπων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 2, chapter 68

(폴리비오스, Histories, book 2, chapter 68)

상위

목록

SEARCH

MENU NAVIGATION