헬라어 문장 검색 - ΠολψβίΗιστορί02́067́

(폴리비오스, Histories, book 2, chapter 67)

Ἐπειδὴ δ’ ὁ μὲν καιρὸσ ἧκε τῆσ χρείασ, τὸ δὲ σύνθημα τοῖσ Ἰλλυριοῖσ ἀπεδόθη, παρήγγειλαν δὲ ποιεῖν τὸ δέον οἷσ ἦν ἐπιμελέσ, πάντεσ εὐθέωσ ἀναδείξαντεσ αὑτοὺσ κατήρχοντο τῆσ πρὸσ τὸν βουνὸν προσβολῆσ. οἱ δὲ μετὰ τῶν Κλεομένουσ ἱππέων ἐξ ἀρχῆσ ταχθέντεσ εὔζωνοι, θεωροῦντεσ τὰσ σπείρασ τῶν Ἀχαιῶν ἐρήμουσ ἐκ τῶν κατόπιν οὔσασ, κατ’ οὐρὰν προσπίπτοντεσ εἰσ ὁλοσχερῆ κίνδυνον ἦγον τοὺσ πρὸσ τὸν λόφον βιαζομένουσ, ὡσ ἂν τῶν μὲν περὶ τὸν Εὐκλείδαν ἐξ ὑπερδεξίου κατὰ πρόσωπον αὐτοῖσ ἐφεστώτων, τῶν δὲ μισθοφόρων κατόπιν ἐπικειμένων καὶ προσφερόντων τὰσ χεῖρασ ἐρρωμένωσ.

ἅμα δὲ προορώμενοσ τὸ μέλλον Φιλοποίμην ὁ Μεγαλοπολίτησ τὸ μὲν πρῶτον ὑποδεικνύειν ἐπεβάλλετο τοῖσ προεστῶσι τὸ συμβησόμενον·

οὐδενὸσ δὲ προσέχοντοσ αὐτῷ διὰ τὸ μήτ’ ἐφ’ ἡγεμονίασ τετάχθαι μηδεπώποτε κομιδῇ τε νέον ὑπάρχειν αὐτόν, παρακαλέσασ τοὺσ ἑαυτοῦ πολίτασ ἐνέβαλε τοῖσ πολεμίοισ τολμηρῶσ.

οὗ γενομένου ταχέωσ οἱ προσκείμενοι μισθοφόροι κατ’ οὐρὰν τοῖσ προσβαίνουσιν, ἀκούσαντεσ τῆσ κραυγῆσ καὶ συνιδόντεσ τὴν τῶν ἱππέων συμπλοκήν, ἀφέμενοι τῶν προκειμένων ἀνέτρεχον εἰσ τὰσ ἐξ ἀρχῆσ τάξεισ καὶ προσεβοήθουν τοῖσ παρ’ αὑτῶν ἱππεῦσι.

τούτου δὲ συμβάντοσ ἀπερίσπαστον γενόμενον τό τε τῶν Ἰλλυριῶν καὶ Μακεδόνων καὶ τῶν ἅμα τούτοισ προσβαινόντων πλῆθοσ ἐκθύμωσ ὡρ́μησε καὶ τεθαρρηκότωσ ἐπὶ τοὺσ ὑπεναντίουσ.

ἐξ οὗ καὶ μετὰ ταῦτα φανερὸν ἐγενήθη διότι τοῦ κατὰ τὸν Εὐκλείδαν προτερήματοσ αἴτιοσ ἐγίνετο Φιλοποίμην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 2, chapter 67

(폴리비오스, Histories, book 2, chapter 67)

상위

목록

SEARCH

MENU NAVIGATION