헬라어 문장 검색 - ΠολψβίΗιστορί02́062́

(폴리비오스, Histories, book 2, chapter 62)

Οὐ μὴν ἀλλὰ τούτοισ ἑξῆσ φησιν ἀπὸ τῶν ἐκ τῆσ Μεγάλησ πόλεωσ λαφύρων ἑξακισχίλια τάλαντα τοῖσ Λακεδαιμονίοισ πεσεῖν, ὧν τὰ δισχίλια Κλεομένει δοθῆναι κατὰ τοὺσ ἐθισμούσ. ἐν δὲ τούτοισ πρῶτον μὲν τίσ οὐκ ἂν θαυμάσειεν τὴν ἀπειρίαν καὶ τὴν ἄγνοιαν τῆσ κοινῆσ ἐννοίασ ὑπὲρ τῆσ τῶν Ἑλληνικῶν πραγμάτων χορηγίασ καὶ δυνάμεωσ;

ἣν μάλιστα δεῖ παρὰ τοῖσ ἱστοριογράφοισ ὑπάρχειν. ἀλλ’ ἐν τοῖσ καθ’ ἡμᾶσ καιροῖσ, ἐν οἷσ πάντεσ ἓν καὶ ταὐτὸ λέγοντεσ μεγίστην καρποῦσθαι δοκοῦσιν εὐδαιμονίαν, ὅμωσ ἐκ Πελοποννήσου πάσησ ἐξ αὐτῶν τῶν ἐπίπλων χωρὶσ σωμάτων οὐχ οἱο͂́ν τε συναχθῆναι τοσοῦτο πλῆθοσ χρημάτων.

καὶ διότι τοῦτο νῦν οὐκ εἰκῇ, λόγῳ δέ τινι μᾶλλον ἀποφαινόμεθα, δῆλον ἐκ τούτων.

τίσ γὰρ ὑπὲρ Ἀθηναίων οὐχ ἱστόρηκε διότι καθ’ οὓσ καιροὺσ μετὰ Θηβαίων εἰσ τὸν πρὸσ Λακεδαιμονίουσ ἐνέβαινον πόλεμον καὶ μυρίουσ μὲν ἐξέπεμπον στρατιώτασ, ἑκατὸν δ’ ἐπλήρουν τριήρεισ, ὅτι τότε κρίναντεσ ἀπὸ τῆσ ἀξίασ ποιεῖσθαι τὰσ εἰσ τὸν πόλεμον εἰσφορὰσ ἐτιμήσαντο τήν τε χώραν τὴν Ἀττικὴν ἅπασαν καὶ τὰσ οἰκίασ, ὁμοίωσ δὲ καὶ τὴν λοιπὴν οὐσίαν·

ἀλλ’ ὅμωσ τὸ σύμπαν τίμημα τῆσ ἀξίασ ἐνέλιπε τῶν ἑξακισχιλίων διακοσίοισ καὶ πεντήκοντα ταλάντοισ.

ἐξ ὧν οὐκ ἀπεοικὸσ ἂν φανείη τὸ περὶ Πελοποννησίων ἄρτι ῥηθὲν ὑπ’ ἐμοῦ.

κατὰ δ’ ἐκείνουσ τοὺσ καιροὺσ ἐξ αὐτῆσ τῆσ Μεγάλησ πόλεωσ ὑπερβολικῶσ ἀποφαινόμενοσ οὐκ ἄν τισ εἰπεῖν τολμήσειεν πλείω γενέσθαι τριακοσίων, ἐπειδήπερ ὁμολογούμενόν ἐστι διότι καὶ τῶν ἐλευθέρων καὶ τῶν δουλικῶν σωμάτων τὰ πλεῖστα συνέβη διαφυγεῖν εἰσ τὴν Μεσσήνην.

μέγιστον δὲ τῶν προειρημένων τεκμήριον·

ὅμωσ τὸ πᾶν λάφυρον ἐποίησαν μετὰ τῶν σωμάτων κατὰ τοὺσ αὐτοὺσ καιροὺσ τάλαντα τριακόσια.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 2, chapter 62

(폴리비오스, Histories, book 2, chapter 62)

상위

목록

SEARCH

MENU NAVIGATION