헬라어 문장 검색 - ΠολψβίΗιστορί02́060́

(폴리비오스, Histories, book 2, chapter 60)

τῶν προγόνων ἀσεβήματα· μακρὸν γάρ. διόπερ οὐκ εἴ τινι τῶν ὁμοίων περιέπεσε δεινὸν ἡγητέον, πολὺ δὲ δεινότερον, εἰ μηδενὸσ τούτων πεῖραν λαβὼν ἀθῷοσ ἀπέθανεν. οὐδ’ Ἀντιγόνῳ προσαπτέον οὐδ’ Ἀράτῳ παρανομίαν, ὅτι λαβόντεσ κατὰ πόλεμον ὑποχείριον τύραννον στρεβλώσαντεσ ἀπέκτειναν, ὅν γε καὶ κατ’ αὐτὴν τὴν εἰρήνην τοῖσ ἀνελοῦσι καὶ τιμωρησαμένοισ ἔπαινοσ καὶ τιμὴ συνεξηκολούθει παρὰ τοῖσ ὀρθῶσ λογιζομένοισ.

ὅτε δὲ χωρὶσ τῶν προειρημένων καὶ τοὺσ Ἀχαιοὺσ παρεσπόνδησεν, τί παθεῖν ἦν ἄξιοσ;

ἐκεῖνοσ γὰρ ἀπέθετο μὲν τὴν τυραννίδα χρόνοισ οὐ πολλοῖσ πρότερον, ὑπὸ τῶν καιρῶν συγκλειόμενοσ διὰ τὸν Δημητρίου θάνατον, ἀνελπίστωσ δὲ τῆσ ἀσφαλείασ ἔτυχε περισταλεὶσ ὑπὸ τῆσ τῶν Ἀχαιῶν πρᾳότητοσ καὶ καλοκἀγαθίασ·

οἵτινεσ οὐ μόνον αὐτὸν τῶν ἐκ τῆσ τυραννίδοσ ἀσεβημάτων ἀζήμιον ἐποίησαν, ἀλλὰ καὶ προσλαβόντεσ εἰσ τὴν πολιτείαν τὴν μεγίστην τιμὴν περιέθεσαν, ἡγεμόνα καὶ στρατηγὸν καταστήσαντεσ σφῶν αὐτῶν.

ὁ δ’ ἐπιλαθόμενοσ τῶν προειρημένων φιλανθρώπων παρὰ πόδασ, ἐπεὶ μικρὸν ἐπικυδεστέρασ ἔσχε τὰσ ἐλπίδασ ὑπὲρ τοῦ μέλλοντοσ ἐν Κλεομένει, τήν τε πατρίδα καὶ τὴν ἑαυτοῦ προαίρεσιν ἀποσπάσασ ἀπὸ τῶν Ἀχαιῶν ἐν τοῖσ ἀναγκαιοτάτοισ καιροῖσ προσένειμε τοῖσ ἐχθροῖσ.

ὃν ὑποχείριον γενόμενον οὐκ ἐν Κεγχρεαῖσ ἔδει τὴν νύκτα στρεβλούμενον ἀποθανεῖν, ὡσ Φύλαρχόσ φησιν, περιαγόμενον δ’ εἰσ τὴν Πελοπόννησον καὶ μετὰ τιμωρίασ παραδειγματιζόμενον οὕτωσ ἐκλιπεῖν τὸ ζῆν.

ἀλλ’ ὅμωσ τοιοῦτοσ ὢν οὐδενὸσ ἔτυχε δεινοῦ πλὴν τοῦ καταποντισθῆναι διὰ τῶν ἐπὶ ταῖσ Κεγχρεαῖσ τεταγμένων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 2, chapter 60

(폴리비오스, Histories, book 2, chapter 60)

상위

목록

SEARCH

MENU NAVIGATION