헬라어 문장 검색 - ΠολψβίΗιστορί02́058́

(폴리비오스, Histories, book 2, chapter 58)

θρωπίαν. μετὰ δὲ ταῦτα προορώμενοι τὰσ ἐν αὑτοῖσ στάσεισ καὶ τὰσ ὑπ’ Αἰτωλῶν καὶ Λακεδαιμονίων ἐπιβουλάσ, πρεσβεύσαντεσ πρὸσ τοὺσ Ἀχαιοὺσ ἠξίωσαν δοῦναι παραφυλακὴν αὑτοῖσ. οἱ δὲ πεισθέντεσ ἀπεκλήρωσαν ἐξ αὑτῶν τριακοσίουσ ἄνδρασ·

ὧν οἱ λαχόντεσ ὡρ́μησαν, ἀπολιπόντεσ τὰσ ἰδίασ πατρίδασ καὶ τοὺσ βίουσ, καὶ διέτριβον ἐν Μαντινείᾳ, παραφυλάττοντεσ τὴν ἐκείνων ἐλευθερίαν ἅμα καὶ σωτηρίαν. σὺν δὲ τούτοισ καὶ μισθοφόρουσ διακοσίουσ ἐξέπεμψαν, οἳ μετὰ τῶν Ἀχαιῶν συνδιετήρουν τὴν ὑποκειμένην αὐτοῖσ κατάστασιν.

μετ’ οὐ πολὺ δὲ στασιάσαντεσ πρὸσ σφᾶσ οἱ Μαντινεῖσ καὶ Λακεδαιμονίουσ ἐπισπασάμενοι τήν τε πόλιν ἐνεχείρισαν καὶ τοὺσ παρὰ τῶν Ἀχαιῶν διατρίβοντασ παρ’ αὑτοῖσ κατέσφαξαν·

οὗ μεῖζον παρασπόνδημα καὶ δεινότερον οὐδ’ εἰπεῖν εὐμαρέσ. ἐπειδὴ γὰρ ἔδοξε σφίσι καθόλου τὴν πρὸσ τὸ ἔθνοσ χάριν καὶ φιλίαν ἀθετεῖν, τῶν γε προειρημένων ἀνδρῶν ἐχρῆν δήπου φεισαμένουσ ἐᾶσαι πάντασ ὑποσπόνδουσ ἀπελθεῖν·

τοῦτο γὰρ καὶ τοῖσ πολεμίοισ ἔθοσ ἐστὶ συγχωρεῖσθαι κατὰ τοὺσ κοινοὺσ τῶν ἀνθρώπων νόμουσ.

οἱ δ’ ἵνα Κλεομένει καὶ Λακεδαιμονίοισ ἱκανὴν παράσχωνται πίστιν πρὸσ τὴν ἐνεστῶσαν ἐπιβολήν, τὰ κοινὰ τῶν ἀνθρώπων δίκαια παραβάντεσ τὸ μέγιστον ἀσέβημα κατὰ προαίρεσιν ἐπετέλεσαν.

τὸ γὰρ τούτων αὐτόχειρασ γενέσθαι καὶ τιμωροὺσ οἵτινεσ πρότερον μὲν κατὰ κράτοσ λαβόντεσ αὐτοὺσ ἀθῴουσ ἀφῆκαν, τότε δὲ τὴν ἐκείνων ἐλευθερίαν καὶ σωτηρίαν ἐφύλαττον, πηλίκησ ὀργῆσ ἐστιν ἄξιον;

τί δ’ ἂν παθόντεσ οὗτοι δίκην δόξαιεν ἁρμόζουσαν δεδωκέναι;

τυχὸν ἴσωσ εἴποι τισ ἄν, πραθέντεσ μετὰ τέκνων καὶ γυναικῶν, ἐπεὶ κατεπολεμήθησαν. ἀλλὰ τοῦτό γε καὶ τοῖσ μηθὲν ἀσεβὲσ ἐπιτελεσαμένοισ κατὰ τοὺσ τοῦ πολέμου νόμουσ ὑπόκειται παθεῖν.

ὥστ’ εἴπερ ἔπαθον ἃ Φύλαρχόσ φησιν, οὐκ ἔλεον εἰκὸσ ἦν συνεξακολουθεῖν αὐτοῖσ παρὰ τῶν Ἑλλήνων, ἔπαινον δὲ καὶ συγκατάθεσιν μᾶλλον τοῖσ πράττουσι καὶ μεταπορευομένοισ τὴν ἀσέβειαν αὐτῶν.

ἀλλὰ καὶ τὸ ψεῦδοσ ἀπίθανον, καὶ διὰ τὴν ὑπερβολὴν τῆσ ἀγνοίασ οὐδὲ τὸ παρακείμενον ἠδυνήθη συνεπιστῆσαι, πῶσ οἱ αὐτοὶ κατὰ τοὺσ αὐτοὺσ καιροὺσ κυριεύσαντεσ Τεγεατῶν κατὰ κράτοσ οὐδὲν τῶν ὁμοίων ἔπραξαν.

καίτοι γ’ εἰ μὲν ἡ τῶν πραττόντων ὠμότησ ἦν αἰτία, καὶ τούτουσ εἰκὸσ ἦν πεπονθέναι ταὐτὰ τοῖσ ὑπὸ τὸν αὐτὸν ὑποπεπτωκόσι καιρόν.

εἰ δὲ περὶ μόνουσ γέγονε Μαντινεῖσ ἡ διαφορά, φανερὸν ὅτι καὶ τὴν αἰτίαν τῆσ ὀργῆσ ἀνάγκη διαφέρουσαν γεγονέναι περὶ τούτουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 2, chapter 58

(폴리비오스, Histories, book 2, chapter 58)

상위

목록

SEARCH

MENU NAVIGATION