헬라어 문장 검색 - ΠολψβίΗιστορί02́054́

(폴리비오스, Histories, book 2, chapter 54)

Σπάρτην. ὁ δ’ Ἀντίγονοσ ἀσφαλῶσ εἰσ τὴν Πελοπόννησον εἰσελθὼν παρέλαβε τὸν Ἀκροκόρινθον, οὐδένα δὲ χρόνον μείνασ εἴχετο τῶν προκειμένων καὶ παρῆν εἰσ Ἄργοσ. ἐπαινέσασ δὲ τοὺσ Ἀργείουσ καὶ καταστησάμενοσ τὰ κατὰ τὴν πόλιν αὖθισ ἐκ ποδὸσ ἐκίνει, ποιούμενοσ τὴν πορείαν ὡσ ἐπ’ Ἀρκαδίασ.

ἐκβαλὼν δὲ τὰσ φρουρὰσ ἐκ τῶν ἐποικοδομηθέντων χωρίων ὑπὸ Κλεομένουσ κατά τε τὴν Αἰγῦτιν καὶ Βελμινᾶτιν χώραν καὶ παραδοὺσ τὰ φρούρια Μεγαλοπολίταισ ἧκε πρὸσ τὴν τῶν Ἀχαιῶν σύνοδον εἰσ Αἴγιον.

ἀπολογισάμενοσ δὲ περὶ τῶν καθ’ αὑτὸν καὶ χρηματίσασ περὶ τῶν μελλόντων, ἔτι δὲ κατασταθεὶσ ἡγεμὼν ἁπάντων τῶν συμμάχων, μετὰ ταῦτα χρόνον μέν τινα παραχειμάζων διέτριβε περὶ Σικυῶνα καὶ Κόρινθον.

τῆσ δ’ ἐαρινῆσ ὡρ́ασ ἐνισταμένησ ἀναλαβὼν τὰσ δυνάμεισ προῆγε.

καὶ διανύσασ τριταῖοσ πρὸσ τὴν τῶν Τεγεατῶν πόλιν, ἀπηντηκότων καὶ τῶν Ἀχαιῶν ἐνταῦθα, περιστρατοπεδεύσασ ἤρξατο πολιορκεῖν αὐτήν.

τῶν δὲ Μακεδόνων ἐνεργῶσ χρωμένων τῇ τε λοιπῇ πολιορκίᾳ καὶ τοῖσ ὀρύγμασι, ταχέωσ ἀπελπίσαντεσ οἱ Τεγεᾶται τὴν σωτηρίαν παρέδοσαν αὑτούσ.

ὁ δ’ Ἀντίγονοσ ἀσφαλισάμενοσ τὰ κατὰ τὴν πόλιν εἴχετο κατὰ τὸ συνεχὲσ τῶν ἑξῆσ καὶ προῆγε κατὰ σπουδὴν εἰσ τὴν Λακωνικήν.

ἐγγίσασ δὲ τῷ Κλεομένει προκαθημένῳ τῆσ ἑαυτοῦ χώρασ κατεπείραζε καὶ συνίστατό τινασ ἀκροβολισμούσ.

προσπεσόντοσ δὲ διὰ τῶν κατασκόπων αὐτῷ τοὺσ ἐξ Ὀρχομενοῦ στρατιώτασ παραβεβοηθηκέναι πρὸσ τὸν Κλεομένη, παραυτίκα ποιησάμενοσ ἀναζυγὴν ἠπείγετο.

καὶ τὸν μὲν Ὀρχομενὸν ἐξ ἐφόδου κατὰ κράτοσ εἷλε·

μετὰ δὲ ταῦτα περιστρατοπεδεύσασ τὴν τῶν Μαντινέων ἐπολιόρκει πόλιν. ταχὺ δὲ καὶ ταύτην καταπληξαμένων τῶν Μακεδόνων καὶ λαβόντων ὑποχείριον, ἀναζεύξασ προῆγε τὴν ἐφ’ Ἡραίασ καὶ Τελφούσησ.

παραλαβὼν δὲ καὶ ταύτασ τὰσ πόλεισ, ἐθελοντὴν προσχωρησάντων αὐτῷ τῶν κατοικούντων, οὕτωσ ἤδη συνάπτοντοσ τοῦ χειμῶνοσ παρῆν εἰσ Αἴγιον πρὸσ τὴν τῶν Ἀχαιῶν σύνοδον.

καὶ τοὺσ μὲν Μακεδόνασ ἐπ’ οἴκου διαφῆκε πάντασ εἰσ τὴν χειμασίαν, αὐτὸσ δὲ τοῖσ Ἀχαιοῖσ διελέγετο καὶ συνδιενοεῖτο περὶ τῶν ἐνεστώτων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 2, chapter 54

(폴리비오스, Histories, book 2, chapter 54)

상위

목록

SEARCH

MENU NAVIGATION