헬라어 문장 검색 - ΠολψβίΗιστορί02́028́

(폴리비오스, Histories, book 2, chapter 28)

κατ’ αὐτὸν τὸν καιρὸν συμβαινόντων. οἱ δὲ περὶ τὸν Αἰμίλιον ἀκηκοότεσ μὲν τὸν εἰσ τὰσ Πίσασ κατάπλουν τῶν στρατοπέδων, οὔπω δὲ προσδοκῶντεσ αὐτὰ συνεγγίζειν, τότε σαφῶσ ἐκ τοῦ περὶ τὸν λόφον ἀγῶνοσ ἔγνωσαν διότι τελέωσ ἐγγὺσ εἶναι συμβαίνει τὰσ οἰκείασ αὐτῶν δυνάμεισ. διὸ καὶ τοὺσ μὲν ἱππεῖσ παραυτίκα βοηθήσοντασ ἐξαπέστελλον τοῖσ ἐν τῷ λόφῳ διαγωνιζομένοισ, αὐτοὶ δὲ κατὰ τὰσ εἰθισμένασ τάξεισ διακοσμήσαντεσ τοὺσ πεζοὺσ προῆγον ἐπὶ τοὺσ ὑπεναντίουσ.

οἱ δὲ Κελτοὶ τοὺσ μὲν ἐκ τῶν Ἄλπεων Γαισάτουσ προσαγορευομένουσ ἔταξαν πρὸσ τὴν ἀπ’ οὐρᾶσ ἐπιφάνειαν, ᾗ προσεδόκων τοὺσ περὶ τὸν Αἰμίλιον, ἐπὶ δὲ τούτοισ τοὺσ Ἴνσομβρασ·

πρὸσ δὲ τὴν κατὰ πρόσωπον τοὺσ Ταυρίσκουσ καὶ τοὺσ ἐπὶ τάδε τοῦ Πάδου κατοικοῦντασ Βοίουσ παρενέβαλον, τὴν ἐναντίαν μὲν στάσιν ἔχοντασ τοῖσ προειρημένοισ, βλέποντασ δὲ πρὸσ τὴν τῶν τοῦ Γαί̈ου στρατοπέδων ἔφοδον.

τὰσ δ’ ἁμάξασ καὶ συνωρίδασ ἐκτὸσ ἑκατέρου τοῦ κέρατοσ παρέστησαν, τὴν δὲ λείαν εἴσ τι τῶν παρακειμένων ὀρῶν φυλακὴν περιστήσαντεσ ἥθροιζον.

γενομένησ δ’ ἀμφιστόμου τῆσ τῶν Κελτῶν δυνάμεωσ, οὐ μόνον καταπληκτικὴν ἀλλὰ καὶ πρακτικὴν εἶναι συνέβαινε τὴν τάξιν.

οἱ μὲν οὖν Ἴνσομβρεσ καὶ Βοῖοι τὰσ ἀναξυρίδασ ἔχοντεσ καὶ τοὺσ εὐπετεῖσ τῶν σάγων περὶ αὑτοὺσ ἐξέταξαν.

οἱ δὲ Γαισάται διά τε τὴν φιλοδοξίαν καὶ τὸ θάρσοσ ταῦτ’ ἀπορρίψαντεσ γυμνοὶ μετ’ αὐτῶν τῶν ὅπλων πρῶτοι τῆσ δυνάμεωσ κατέστησαν, ὑπολαβόντεσ οὕτωσ ἔσεσθαι πρακτικώτατοι διὰ τό τινασ τῶν τόπων βατώδεισ ὄντασ ἐμπλέκεσθαι τοῖσ ἐφάμμασι καὶ παραποδίζειν τὴν τῶν ὅπλων χρείαν.

τὸ μὲν οὖν πρῶτον αὐτὸσ ὁ κατὰ τὸν λόφον ἐνειστήκει κίνδυνοσ, ἅπασιν ὢν σύνοπτοσ, ὡσ ἂν ἅμα τοσούτου πλήθουσ ἱππέων ἀφ’ ἑκάστου τῶν στρατοπέδων ἀναμὶξ ἀλλήλοισ συμπεπτωκότοσ.

ἐν δὲ τούτῳ τῷ καιρῷ συνέβη Γάιον μὲν τὸν ὕπατον παραβόλωσ ἀγωνιζόμενον ἐν χειρῶν νόμῳ τελευτῆσαι τὸν βίον, τὴν δὲ κεφαλὴν αὐτοῦ πρὸσ τοὺσ βασιλέασ ἐπανενεχθῆναι τῶν Κελτῶν·

τοὺσ δὲ τῶν Ῥωμαίων ἱππεῖσ κινδυνεύσαντασ ἐρρωμένωσ τέλοσ ἐπικρατῆσαι τοῦ τόπου καὶ τῶν ὑπεναντίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 2, chapter 28

(폴리비오스, Histories, book 2, chapter 28)

상위

목록

SEARCH

MENU NAVIGATION