헬라어 문장 검색 - ΠολψβίΗιστορί02́026́

(폴리비오스, Histories, book 2, chapter 26)

Κατὰ δὲ τὸν καιρὸν τοῦτον Λεύκιοσ Αἰμίλιοσ ὁ προκαθήμενοσ ἐπὶ τῶν κατὰ τὸν Ἀδρίαν τόπων ἀκούσασ τοὺσ Κελτοὺσ διὰ Τυρρηνίασ ἐμβεβληκότασ συνεγγίζειν τῇ Ῥώμῃ, παρῆν βοηθῶν κατὰ σπουδὴν εὐτυχῶσ εἰσ δέοντα καιρόν. καταστρατοπεδεύσαντοσ δ’ αὐτοῦ σύνεγγυσ τῶν πολεμίων, κατιδόντεσ τὰ πυρὰ καὶ νοήσαντεσ τὸ γεγονὸσ οἱ συμπεφευγότεσ ἐπὶ τὸν λόφον ταχέωσ ἀναθαρρήσαντεσ ἐξαπέστειλαν αὑτῶν τινασ τῆσ νυκτὸσ ἀνόπλουσ διὰ τῆσ ὕλησ ἀναγγελοῦντασ τῷ στρατηγῷ τὸ συμβεβηκόσ.

ὁ δὲ διακούσασ καὶ θεωρῶν οὐδὲ διαβούλιον αὑτῷ καταλειπόμενον ὑπὲρ τῶν ἐνεστώτων, τοῖσ μὲν χιλιάρχοισ ἅμα τῷ φωτὶ παρήγγειλε τοὺσ πεζοὺσ ἐξάγειν, αὐτὸσ δὲ τοὺσ ἱππεῖσ ἀναλαβὼν καθηγεῖτο τῆσ δυνάμεωσ, ποιούμενοσ τὴν πορείαν ἐπὶ τὸν προειρημένον βουνόν.

οἱ δὲ τῶν Γαλατῶν ἡγεμόνεσ ἀφορῶντεσ τὰ πυρὰ τῆσ νυκτὸσ καὶ συλλογιζόμενοι τὴν παρουσίαν τῶν πολεμίων συνήδρευον.

οἷσ Ἀνηροέστησ ὁ βασιλεὺσ γνώμην εἰσέφερε λέγων ὅτι δεῖ τοσαύτησ λείασ ἐγκρατεῖσ γεγονότασ ‐ ἦν γάρ, ὡσ ἐοίκε, καὶ τὸ τῶν σωμάτων καὶ θρεμμάτων πλῆθοσ, ἔτι δὲ τῆσ ἀποσκευῆσ ἧσ εἶχον, ἀμύθητον ‐ διόπερ ἔφη δεῖν μὴ κινδυνεύειν ἔτι μηδὲ παραβάλλεσθαι τοῖσ ὅλοισ, ἀλλ’ εἰσ τὴν οἰκείαν ἀδεῶσ ἐπανάγειν·

ταῦτα δ’ ἀποσκευασαμένουσ καὶ γενομένουσ εὐζώνουσ αὖθισ ἐγχειρεῖν ὁλοσχερῶσ, ἐὰν δοκῇ, τοῖσ Ῥωμαίων πράγμασιν.

δόξαντοσ δὲ σφίσι κατὰ τὴν Ἀνηροέστου γνώμην χρήσασθαι τοῖσ παροῦσιν, οὗτοι μὲν τῆσ νυκτὸσ ταῦτα βουλευσάμενοι, πρὸ φωτὸσ ἀναζεύξαντεσ προῆγον παρὰ θάλατταν διὰ τῆσ Τυρρηνῶν χώρασ.

ὁ δὲ Λεύκιοσ ἀναλαβὼν ἐκ τοῦ βουνοῦ τὸ διασῳζόμενον τοῦ στρατοπέδου μέροσ ἅμα ταῖσ ἰδίαισ δυνάμεσι τὸ μὲν διακινδυνεύειν ἐκ παρατάξεωσ οὐδαμῶσ ἔκρινε συμφέρειν, ἐπιτηρεῖν δὲ μᾶλλον καιροὺσ καὶ τόπουσ εὐφυεῖσ ἑπόμενοσ, ἐάν πού τι βλάψαι τοὺσ πολεμίουσ ἢ τῆσ λείασ ἀποσπάσαι δυνηθῇ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 2, chapter 26

(폴리비오스, Histories, book 2, chapter 26)

상위

목록

SEARCH

MENU NAVIGATION