헬라어 문장 검색 - ΠολψβίΗιστορί02́025́

(폴리비오스, Histories, book 2, chapter 25)

Οἱ δὲ Κελτοὶ κατάραντεσ εἰσ τὴν Τυρρηνίαν ἐπεπορεύοντο τὴν χώραν, πορθοῦντεσ ἀδεῶσ· οὐδενὸσ δ’ αὐτοῖσ ἀντιταττομένου, τέλοσ ἐπ’ αὐτὴν ὡρ́μησαν τὴν Ῥώμην. ἤδη δ’ αὐτῶν περὶ πόλιν ὄντων ἣ καλεῖται μὲν Κλούσιον, ἀπέχει δ’ ἡμερῶν τριῶν ὁδὸν ἀπὸ τῆσ Ῥώμησ, προσαγγέλλεται διότι κατόπιν αὐτοῖσ ἕπονται καὶ συνάπτουσιν αἱ προκαθήμεναι τῶν Ῥωμαίων ἐν τῇ Τυρρηνίᾳ δυνάμεισ.

οἱ δ’ ἀκούσαντεσ ἐξ ὑποστροφῆσ ἀπήντων, σπεύδοντεσ τούτοισ συμβαλεῖν.

ἐγγίσαντεσ δ’ ἀλλήλοισ ἤδη περὶ δυσμὰσ ἡλίου, τότε μὲν ἐν συμμέτρῳ διαστήματι καταστρατοπεδεύσαντεσ ηὐλίσθησαν ἀμφότεροι.

τῆσ δὲ νυκτὸσ ἐπιγενομένησ πῦρ ἀνακαύσαντεσ οἱ Κελτοὶ τοὺσ μὲν ἱππεῖσ ἀπέλιπον, συντάξαντεσ ἅμα τῷ φωτὶ συμφανεῖσ γενομένουσ τοῖσ πολεμίοισ ὑποχωρεῖν κατὰ τὸν αὐτὸν στίβον.

αὐτοὶ δὲ λαθραίαν ποιησάμενοι τὴν ἀποχώρησιν ὡσ ἐπὶ πόλιν Φαισόλαν αὐτοῦ παρενέβαλον, πρόθεσιν ἔχοντεσ ἅμα μὲν ἐκδέχεσθαι τοὺσ ἑαυτῶν ἱππεῖσ, ἅμα δὲ παραδόξωσ ἐνοχλῆσαι τὴν τῶν ὑπεναντίων ἔφοδον.

οἱ δὲ Ῥωμαῖοι τῆσ ἡμέρασ ἐπιγενομένησ συνιδόντεσ τοὺσ ἱππεῖσ αὐτοὺσ καὶ νομίσαντεσ τοὺσ Κελτοὺσ ἀποδεδρακέναι, κατὰ σπουδὴν ἠκολούθουν τοῖσ ἱππεῦσιν κατὰ τὴν ἐκείνων ἀποχώρησιν.

ἅμα δὲ τῷ συνεγγίζειν τοῖσ πολεμίοισ διαναστάντων τῶν Κελτῶν καὶ συμπεσόντων αὐτοῖσ ἦν ἀγὼν τὰσ ἀρχὰσ ἐξ ἀμφοῖν βίαιοσ.

τέλοσ δὲ καθυπερεχόντων τῶν Κελτῶν τῇ τόλμῃ καὶ τῷ πλήθει, συνέβη διαφθαρῆναι μὲν τῶν Ῥωμαίων οὐκ ἐλάττουσ ἑξακισχιλίων, τοὺσ δὲ λοιποὺσ φεύγειν·

ὧν οἱ πλείουσ πρόσ τινα τόπον ἐρυμνὸν ἀποχωρήσαντεσ ἔμενον. οὓσ τὸ μὲν πρῶτον οἱ Κελτοὶ πολιορκεῖν ἐπεβάλοντο·

πρόθεσιν ἔχοντεσ κατὰ τὴν ἐπιοῦσαν πολιορκεῖν τοὺσ συμπεφευγότασ, ἐὰν μὴ παραδῶσιν ἑαυτοὺσ ἑκουσίωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 2, chapter 25

(폴리비오스, Histories, book 2, chapter 25)

상위

목록

SEARCH

MENU NAVIGATION