헬라어 문장 검색 - ΠολψβίΗιστορί02́022́

(폴리비오스, Histories, book 2, chapter 22)

Διόπερ εὐθέωσ τὰ μέγιστα τῶν ἐθνῶν, τό τε τῶν Ἰνσόμβρων καὶ Βοίων, συμφρονήσαντα διεπέμποντο πρὸσ τοὺσ κατὰ τὰσ Ἄλπεισ καὶ περὶ τὸν Ῥοδανὸν ποταμὸν κατοικοῦντασ Γαλάτασ, προσαγορευομένουσ δὲ διὰ τὸ μισθοῦ στρατεύειν Γαισάτουσ· ἡ γὰρ λέξισ αὕτη τοῦτο σημαίνει κυρίωσ. ὧν τοῖσ βασιλεῦσι Κογκολιτάνῳ καὶ Ἀνηροέστῳ παραυτίκα μὲν χρυσίου προτείναντεσ πλῆθοσ, εἰσ τὸ μέλλον δ’ ὑποδεικνύντεσ τὸ μέγεθοσ τῆσ Ῥωμαίων εὐδαιμονίασ καὶ τὸ πλῆθοσ τῶν ὑπαρξόντων αὐτοῖσ ἀγαθῶν, ἐὰν κρατήσωσι, προετρέποντο καὶ παρώξυνον πρὸσ τὴν ἐπὶ Ῥωμαίουσ στρατείαν.

ῥᾳδίωσ δ’ ἔπεισαν, ἅμα τοῖσ προειρημένοισ διδόντεσ μὲν τὰ πιστὰ περὶ τῆσ αὑτῶν συμμαχίασ, ἀναμιμνήσκοντεσ δὲ τῆσ τῶν ἰδίων προγόνων πράξεωσ αὐτούσ·

ἐν ᾗ ’κεῖνοι στρατεύσαντεσ οὐ μόνον ἐνίκησαν μαχόμενοι Ῥωμαίουσ, ἀλλὰ καὶ μετὰ τὴν μάχην ἐξ ἐφόδου κατέσχον αὐτὴν τὴν Ῥώμην·

γενόμενοι δὲ καὶ τῶν ὑπαρχόντων ἁπάντων ἐγκρατεῖσ καὶ τῆσ πόλεωσ αὐτῆσ ἑπτὰ μῆνασ κυριεύσαντεσ, τέλοσ ἐθελοντὶ καὶ μετὰ χάριτοσ παραδόντεσ τὴν πόλιν, ἄθραυστοι καὶ ἀσινεῖσ ἔχοντεσ τὴν ὠφέλειαν εἰσ τὴν οἰκείαν ἐπανῆλθον.

ὧν ἀκούοντεσ οἱ περὶ αὐτοὺσ ἡγεμόνεσ οὕτω παρωρμήθησαν ἐπὶ τὴν στρατείαν ὥστε μηδέποτε μήτε πλείουσ μήτ’ ἐνδοξοτέρουσ μήτε μαχιμωτέρουσ ἄνδρασ ἐξελθεῖν ἐκ τούτων τῶν τόπων τῆσ Γαλατίασ.

ὥστε ποτὲ μὲν στρατόπεδα καταγράφειν καὶ σίτου καὶ τῶν ἐπιτηδείων ποιεῖσθαι παρασκευάσ, ποτὲ δὲ καὶ τὰσ δυνάμεισ ἐξάγειν ἐπὶ τοὺσ ὁρ́ουσ, ὡσ ἤδη παρόντων εἰσ τὴν χώραν τῶν πολεμίων, οὐδέπω κεκινηκότων ἐκ τῆσ οἰκείασ τῶν Κελτῶν.

οὐκ ἐλάχιστα δὲ συνήργησεν καὶ Καρχηδονίοισ τοῦτο τὸ κίνημα πρὸσ τὸ κατασκευάσασθαι τὰ κατὰ τὴν Ἰβηρίαν ἀσφαλῶσ.

Ῥωμαῖοι γάρ, ὡσ καὶ πρόσθεν ἡμῖν εἴρηται, κρίνοντεσ ἀναγκαιότερα ταῦτα διὰ τὸ πρὸσ ταῖσ πλευραῖσ αὐτῶν ὑπάρχειν παρορᾶν ἠναγκάζοντο τὰ κατὰ τὴν Ἰβηρίαν, σπουδάζοντεσ πρότερον ἐν καλῷ θέσθαι τὰ κατὰ τοὺσ Κελτούσ.

διόπερ ἀσφαλισάμενοι τὰ πρὸσ τοὺσ Καρχηδονίουσ διὰ τῶν πρὸσ τὸν Ἀσδρούβαν ὁμολογιῶν, ὑπὲρ ὧν ἄρτι δεδηλώκαμεν, ἐνεχείρησαν ὁμοθυμαδὸν ἐν τούτοισ τοῖσ καιροῖσ πρὸσ τοὺσ κατὰ τὴν Ἰταλίαν πολεμίουσ, νομίζοντεσ συμφέρειν σφίσι τὸ διακριθῆναι πρὸσ τούτουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 2, chapter 22

(폴리비오스, Histories, book 2, chapter 22)

상위

목록

SEARCH

MENU NAVIGATION