헬라어 문장 검색 - ΠολψβίΗιστορί02́017́

(폴리비오스, Histories, book 2, chapter 17)

Πλὴν ταῦτά γε τὰ πεδία τὸ παλαιὸν ἐνέμοντο Τυρρηνοί, καθ’ οὓσ χρόνουσ καὶ τὰ Φλέγραιά ποτε καλούμενα τὰ περὶ Καπύην καὶ Νώλην· ἃ δὴ καὶ διὰ τὸ πολλοῖσ ἐμποδὼν εἶναι καὶ γνωρίζεσθαι μεγάλην ἐπ’ ἀρετῇ δόξαν εἴληφεν. διὸ καὶ τοὺσ ἱστοροῦντασ τὰσ Τυρρηνῶν δυναστείασ οὐ χρὴ ποιεῖσθαι τὴν ἀναφορὰν ἐπὶ τὴν νῦν κατεχομένην ὑπ’ αὐτῶν χώραν, ἀλλ’ ἐπὶ τὰ προειρημένα πεδία καὶ τὰσ ἐκ τούτων τῶν τόπων ἀφορμάσ.

οἷσ ἐπιμιγνύμενοι κατὰ τὴν παράθεσιν Κελτοὶ καὶ περὶ τὸ κάλλοσ τῆσ χώρασ ὀφθαλμιάσαντεσ, ἐκ μικρᾶσ προφάσεωσ μεγάλῃ στρατιᾷ παραδόξωσ ἐπελθόντεσ ἐξέβαλον ἐκ τῆσ περὶ τὸν Πάδον χώρασ Τυρρηνοὺσ καὶ κατέσχον αὐτοὶ τὰ πεδία.

τὰ μὲν οὖν πρῶτα καὶ περὶ τὰσ ἀνατολὰσ τοῦ Πάδου κείμενα Λάοι καὶ Λεβέκιοι, μετὰ δὲ τούτουσ Ἴνσοβρεσ κατῴκησαν, ὃ μέγιστον ἔθνοσ ἦν αὐτῶν·

ἑξῆσ δὲ τούτοισ παρὰ τὸν ποταμὸν Γονομάνοι. τὰ δὲ πρὸσ τὸν Ἀδρίαν ἤδη προσήκοντα γένοσ ἄλλο πάνυ παλαιὸν διακατέσχεν·

προσαγορεύονται δ’ Οὐένετοι, τοῖσ μὲν ἔθεσι καὶ τῷ κόσμῳ βραχεῖ διαφέροντεσ Κελτῶν, γλώττῃ δ’ ἀλλοίᾳ χρώμενοι. περὶ ὧν οἱ τραγῳδιογράφοι πολύν τινα πεποίηνται λόγον καὶ πολλὴν διατέθεινται τερατείαν.

τὰ δὲ πέραν τοῦ Πάδου τὰ περὶ τὸν Ἀπεννῖνον πρῶτοι μὲν Ἄναρεσ, μετὰ δὲ τούτουσ Βοῖοι κατῴκησαν·

ἑξῆσ δὲ τούτων ὡσ πρὸσ τὸν Ἀδρίαν Λίγγονεσ, τὰ δὲ τελευταῖα πρὸσ θαλάττῃ Σήνωνεσ. τὰ μὲν οὖν ἐπιφανέστατα τῶν κατασχόντων τοὺσ προειρημένουσ τόπουσ ἐθνῶν ταῦθ’ ὑπῆρχεν.

ᾤκουν δὲ κατὰ κώμασ ἀτειχίστουσ, τῆσ λοιπῆσ κατασκευῆσ ἄμοιροι καθεστῶτεσ.

διὰ γὰρ τὸ στιβαδοκοιτεῖν καὶ κρεαφαγεῖν, ἔτι δὲ μηδὲν ἄλλο πλὴν τὰ πολεμικὰ καὶ τὰ κατὰ γεωργίαν·

ἀσκεῖν ἁπλοῦσ εἶχον τοὺσ βίουσ, οὔτ’ ἐπιστήμησ ἄλλησ οὔτε τέχνησ παρ’ αὐτοῖσ τὸ παράπαν γινωσκομένησ. ὕπαρξίσ γε μὴν ἑκάστοισ ἦν θρέμματα καὶ χρυσὸσ διὰ τὸ μόνα ταῦτα κατὰ τὰσ περιστάσεισ ῥᾳδίωσ δύνασθαι πανταχῇ περιαγαγεῖν καὶ μεθιστάναι κατὰ τὰσ αὑτῶν προαιρέσεισ.

περὶ δὲ τὰσ ἑταιρείασ μεγίστην σπουδὴν ἐποιοῦντο διὰ τὸ καὶ φοβερώτατον καὶ δυνατώτατον εἶναι παρ’ αὐτοῖσ τοῦτον ὃσ ἂν πλείστουσ ἔχειν δοκῇ τοὺσ θεραπεύοντασ καὶ συμπεριφερομένουσ αὐτῷ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 2, chapter 17

(폴리비오스, Histories, book 2, chapter 17)

상위

목록

SEARCH

MENU NAVIGATION