헬라어 문장 검색 - ΠολψβίΗιστορί02́015́

(폴리비오스, Histories, book 2, chapter 15)

τῶν μυρίων σταδίων. περί γε μὴν τῆσ ἀρετῆσ οὐδ’ εἰπεῖν ῥᾴδιον. σίτου τε γὰρ τοσαύτην ἀφθονίαν ὑπάρχειν συμβαίνει κατὰ τοὺσ τόπουσ ὥστ’ ἐν τοῖσ καθ’ ἡμᾶσ καιροῖσ πολλάκισ τεττάρων ὀβολῶν εἶναι τῶν πυρῶν τὸν Σικελικὸν μέδιμνον, τῶν δὲ κριθῶν δυεῖν, τοῦ δ’ οἴνου τὸν μετρητὴν ἰσόκριθον. ἐλύμου γε μὴν καὶ κέγχρου τελέωσ ὑπερβάλλουσα δαψίλεια γίνεται παρ’ αὐτοῖσ.

τὸ δὲ τῶν βαλάνων πλῆθοσ τὸ γινόμενον ἐκ τῶν κατὰ διάστημα δρυμῶν ἐν τοῖσ πεδίοισ ἐκ τούτων ἄν τισ μάλιστα τεκμήραιτο· πλείστων γὰρ ὑϊκῶν ἱερείων κοπτομένων ἐν Ἰταλίᾳ διά τε τὰσ εἰσ τοὺσ ἰδίουσ βίουσ καὶ τὰσ εἰσ τὰ στρατόπεδα παραθέσεισ, τὴν ὁλοσχερεστάτην χορηγίαν ἐκ τούτων συμβαίνει τῶν πεδίων αὐτοῖσ ὑπάρχειν.

περὶ δὲ τῆσ κατὰ μέροσ εὐωνίασ καὶ δαψιλείασ τῶν πρὸσ τὴν τροφὴν ἀνηκόντων οὕτωσ ἄν τισ ἀκριβέστατα κατανοήσειεν·

ποιοῦνται γὰρ τὰσ καταλύσεισ οἱ διοδεύοντεσ τὴν χώραν ἐν τοῖσ πανδοκείοισ, οὐ συμφωνοῦντεσ περὶ τῶν κατὰ μέροσ ἐπιτηδείων, ἀλλ’ ἐρωτῶντεσ πόσου τὸν ἄνδρα δέχεται.

ὡσ μὲν οὖν ἐπὶ τὸ πολὺ παρίενται τοὺσ καταλύτασ οἱ πανδοκεῖσ, ὡσ ἱκανὰ πάντ’ ἔχειν τὰ πρὸσ τὴν χρείαν, ἡμιασσαρίου·

τοῦτο δ’ ἔστι τέταρτον μέροσ ὀβολοῦ· σπανίωσ δὲ τοῦθ’ ὑπερβαίνουσι. τό γε μὴν πλῆθοσ τῶν ἀνδρῶν καὶ τὸ μέγεθοσ καὶ κάλλοσ τῶν σωμάτων, ἔτι δὲ τὴν ἐν τοῖσ πολέμοισ τόλμαν ἐξ αὐτῶν τῶν πράξεων σαφῶσ ἔσται καταμαθεῖν.

τῆσ ἐπὶ τὸν Ῥοδανὸν ποταμὸν καὶ τῆσ ἐπὶ τὰ προειρημένα πεδία νευούσησ, τοὺσ βουνώδεισ καὶ γεώδεισ τόπουσ κατοικοῦσι τοὺσ μὲν ἐπὶ τὸν Ῥοδανὸν καὶ τὰσ ἄρκτουσ ἐστραμμένουσ Γαλάται Τρανσαλπῖνοι προσαγορευόμενοι, τοὺσ δ’ ἐπὶ τὰ πεδία Ταυρίσκοι καὶ Ἄγωνεσ καὶ πλείω γένη βαρβάρων ἕτερα.

Τρανσαλπῖνοί γε μὴν οὐ διὰ τὴν τοῦ γένουσ, ἀλλὰ διὰ τὴν τοῦ τόπου διαφορὰν προσαγορεύονται·

τὸ γὰρ τρὰνσ ἐξερμηνευόμενόν ἐστι πέραν, διὸ τοὺσ ἐπέκεινα τῶν Ἄλπεων Τρανσαλπίνουσ καλοῦσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 2, chapter 15

(폴리비오스, Histories, book 2, chapter 15)

상위

목록

SEARCH

MENU NAVIGATION