헬라어 문장 검색 - ΠολψβίΗιστορί02́011́

(폴리비오스, Histories, book 2, chapter 11)

Κατὰ δὲ τοὺσ αὐτοὺσ καιροὺσ τῶν τὰσ ὑπάτουσ ἀρχὰσ ἐχόντων Γνάιοσ μὲν Φόλουιοσ ἐξέπλει ναυσὶ διακοσίαισ ἐκ τῆσ Ῥώμησ, Αὖλοσ δὲ Ποστόμιοσ τὰσ πεζικὰσ ἔχων δυνάμεισ ἐξώρμα. τὴν μὲν οὖν πρώτην ἐπιβολὴν ἔσχε πλεῖν ὁ Γνάιοσ ἐπὶ τῆσ Κερκύρασ, ὑπολαμβάνων ἔτι καταλήψεσθαι τὴν πολιορκίαν ἄκριτον·

ὑστερήσασ δὲ τῶν καιρῶν ὅμωσ ἐπὶ τὴν νῆσον ἔπλει, βουλόμενοσ ἅμα μὲν ἐπιγνῶναι σαφῶσ τὰ γεγονότα περὶ τὴν πόλιν, ἅμα δὲ πεῖραν λαβεῖν τῶν παρὰ τοῦ Δημητρίου προσαγγελλομένων.

ὁ γὰρ Δημήτριοσ ἐν διαβολαῖσ ὢν καὶ φοβούμενοσ τὴν Τεύταν διεπέμπετο πρὸσ τοὺσ Ῥωμαίουσ, ἐπαγγελλόμενοσ τήν τε πόλιν ἐγχειριεῖν καὶ τὰ λοιπὰ πράγματα παραδώσειν, ὧν ἦν αὐτὸσ κύριοσ.

οἱ δὲ Κερκυραῖοι τὴν παρουσίαν τῶν Ῥωμαίων ἀσμένωσ ἰδόντεσ, τήν τε φρουρὰν παρέδοσαν τῶν Ἰλλυριῶν μετὰ τῆσ τοῦ Δημητρίου γνώμησ, αὐτοί τε σφᾶσ ὁμοθυμαδὸν ἔδωκαν παρακληθέντεσ εἰσ τὴν τῶν Ῥωμαίων πίστιν, μίαν ταύτην ὑπολαβόντεσ ἀσφάλειαν αὑτοῖσ ὑπάρχειν εἰσ τὸν μέλλοντα χρόνον πρὸσ τὴν Ἰλλυριῶν παρανομίαν.

Ῥωμαῖοι δὲ προσδεξάμενοι τοὺσ Κερκυραίουσ εἰσ τὴν φιλίαν ἔπλεον ἐπὶ τῆσ Ἀπολλωνίασ, ἔχοντεσ εἰσ τὰ κατάλοιπα τῶν πραγμάτων ἡγεμόνα τὸν Δημήτριον.

κατὰ δὲ τὸν αὐτὸν καιρὸν καὶ Ποστόμιοσ τὰσ πεζικὰσ διεβίβαζε δυνάμεισ ἐκ τοῦ Βρεντεσίου, πεζοὺσ μὲν εἰσ δισμυρίουσ, ἱππεῖσ δὲ περὶ δισχιλίουσ.

ἅμα δὲ τῷ προσέχειν ἑκατέρασ ὁμοῦ τὰσ δυνάμεισ πρὸσ τὴν Ἀπολλωνίαν ὁμοίωσ καὶ τούτων ἀποδεξαμένων καὶ δόντων ἑαυτοὺσ εἰσ τὴν ἐπιτροπὴν παραχρῆμα πάλιν ἀνήχθησαν, ἀκούοντεσ πολιορκεῖσθαι τὴν Ἐπίδαμνον.

οἱ δ’ Ἰλλυριοὶ συνέντεσ τὴν ἔφοδον τῶν Ῥωμαίων, οὐδενὶ κόσμῳ λύσαντεσ τὴν πολιορκίαν ἔφυγον.

Ῥωμαῖοι δὲ καὶ τοὺσ Ἐπιδαμνίουσ παραλαβόντεσ εἰσ τὴν πίστιν προῆγον εἰσ τοὺσ εἴσω τόπουσ τῆσ Ἰλλυρίδοσ, ἅμα καταστρεφόμενοι τοὺσ Ἀρδιαίουσ.

συμμιξάντων δὲ πρεσβευτῶν αὐτοῖσ καὶ πλειόνων, ὧν οἱ παρὰ τῶν Παρθίνων ἧκον ἐπιτρέποντεσ τὰ καθ’ αὑτούσ, δεξάμενοι τούτουσ εἰσ τὴν φιλίαν, παραπλησίωσ δὲ καὶ τοὺσ παρὰ τῶν Ἀτιντάνων προσεληλυθότασ προῆγον ὡσ ἐπὶ τὴν Ἴσσαν διὰ τὸ καὶ ταύτην ὑπὸ τῶν Ἰλλυριῶν πολιορκεῖσθαι τὴν πόλιν.

ἀφικόμενοι δὲ καὶ λύσαντεσ τὴν πολιορκίαν προσεδέξαντο καὶ τοὺσ Ἰσσαίουσ εἰσ τὴν ἑαυτῶν πίστιν.

εἷλον δὲ καὶ πόλεισ τινὰσ Ἰλλυρίδασ ἐν τῷ παράπλῳ κατὰ κράτοσ·

ἐν αἷσ περὶ Νουτρίαν οὐ μόνον τῶν στρατιωτῶν ἀπέβαλον πολλούσ, ἀλλὰ καὶ τῶν χιλιάρχων τινὰσ καὶ τὸν ταμίαν. ἐκυρίευσαν δὲ καὶ λέμβων εἴκοσι τῶν ἀποκομιζόντων τὴν ἐκ τῆσ χώρασ ὠφέλειαν.

τῶν δὲ πολιορκούντων τὴν Ἴσσαν οἱ μὲν ἐν τῇ Φάρῳ διὰ τὸν Δημήτριον ἀβλαβεῖσ ἔμειναν, οἱ δ’ ἄλλοι πάντεσ ἔφυγον εἰσ τὸν Ἄρβωνα σκεδασθέντεσ.

ἡ δὲ Τεύτα πάνυ μετ’ ὀλίγων εἰσ τὸν Ῥίζονα διεσώθη, πολισμάτιον εὖ πρὸσ ὀχυρότητα κατεσκευασμένον, ἀνακεχωρηκὸσ μὲν ἀπὸ τῆσ θαλάττησ, ἐπ’ αὐτῷ δὲ κείμενον τῷ Ῥίζονι ποταμῷ.

ταῦτα δὲ πράξαντεσ καὶ τῷ Δημητρίῳ τοὺσ πλείστουσ ὑποτάξαντεσ τῶν Ἰλλυριῶν καὶ μεγάλην αὐτῷ περιθέντεσ δυναστείαν ἀνεχώρησαν εἰσ τὴν Ἐπίδαμνον ἅμα τῷ στόλῳ καὶ τῇ πεζικῇ δυνάμει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 2, chapter 11

(폴리비오스, Histories, book 2, chapter 11)

상위

목록

SEARCH

MENU NAVIGATION