헬라어 문장 검색 - ΠολψβίΗιστορί02́009́

(폴리비오스, Histories, book 2, chapter 9)

Ἡ δὲ Τεύτα, τῆσ ὡρ́ασ ἐπιγενομένησ, ἐπισκευάσασα λέμβουσ πλείουσ τῶν πρότερον ἐξαπέστειλε πάλιν εἰσ τοὺσ κατὰ τὴν Ἑλλάδα τόπουσ. ὧν οἱ μὲν διὰ πόρου τὸν πλοῦν ἐπὶ τὴν Κέρκυραν ἐποιοῦντο, μέροσ δέ τι προσέσχε τὸν τῶν Ἐπιδαμνίων λιμένα, λόγῳ μὲν ὑδρείασ καὶ ἐπισιτισμοῦ χάριν, ἔργῳ δ’ ἐπιβουλῆσ καὶ πράξεωσ ἐπὶ τὴν πόλιν.

τῶν δ’ Ἐπιδαμνίων ἀκάκωσ ἅμα καὶ ῥᾳθύμωσ αὐτοὺσ παραδεξαμένων, εἰσελθόντεσ ἐν αὐτοῖσ τοῖσ περιζώμασιν ὡσ ὑδρευσόμενοι, μαχαίρασ ἔχοντεσ ἐν τοῖσ κεραμίοισ, οὕτωσ κατασφάξαντεσ τοὺσ φυλάττοντασ τὴν πύλην ταχέωσ ἐγκρατεῖσ ἐγένοντο τοῦ πυλῶνοσ.

ἐπιγενομένησ δὲ κατὰ τὸ συντεταγμένον ἐνεργῶσ τῆσ ἀπὸ τῶν πλοίων βοηθείασ, παραδεξάμενοι τούτουσ ῥᾳδίωσ κατεῖχον τὰ πλεῖστα τῶν τειχῶν.

τῶν δ’ ἐκ τῆσ πόλεωσ ἀπαρασκεύωσ μὲν διὰ τὸ παράδοξον, ἐκθύμωσ δὲ βοηθούντων καὶ διαγωνιζομένων, συνέβη τοὺσ Ἰλλυριοὺσ ἐπὶ πολὺν χρόνον ἀντιποιησαμένουσ τέλοσ ἐκπεσεῖν ἐκ τῆσ πόλεωσ.

Ἐπιδάμνιοι μὲν οὖν ἐν ταύτῃ τῇ πράξει διὰ μὲν τὴν ὀλιγωρίαν ἐκινδύνευσαν ἀποβαλεῖν τὴν πατρίδα, διὰ δὲ τὴν εὐψυχίαν ἀβλαβῶσ ἐπαιδεύθησαν πρὸσ τὸ μέλλον.

τῶν δ’ Ἰλλυριῶν οἱ προεστῶτεσ κατὰ σπουδὴν ἀναχθέντεσ καὶ συνάψαντεσ τοῖσ προπλέουσι κατῆραν εἰσ τὴν Κέρκυραν·

καὶ ποιησάμενοι καταπληκτικὴν τὴν ἀπόβασιν ἐνεχείρησαν πολιορκεῖν τὴν πόλιν. ὧν συμβαινόντων οἱ Κερκυραῖοι δυσχρηστούμενοι καὶ δυσελπίστωσ διακείμενοι τοῖσ ὅλοισ ἐπρεσβεύοντο πρόσ τε τοὺσ Ἀχαιοὺσ καὶ τοὺσ Αἰτωλούσ, ἅμα δὲ τούτοισ Ἀπολλωνιᾶται καὶ Ἐπιδάμνιοι, δεόμενοι σφίσι βοηθεῖν κατὰ σπουδὴν καὶ μὴ περιιδεῖν σφᾶσ αὐτοὺσ ἀναστάτουσ γενομένουσ ὑπὸ τῶν Ἰλλυριῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 2, chapter 9

(폴리비오스, Histories, book 2, chapter 9)

상위

목록

SEARCH

MENU NAVIGATION