헬라어 문장 검색 - ΠολψβίΗιστορί02́007́

(폴리비오스, Histories, book 2, chapter 7)

μάτων. τὸ δ’ ἀκρίτωσ καὶ προφανῶσ περιβαλεῖν αὑτοὺσ ταῖσ μεγίσταισ συμφοραῖσ ὁμολογούμενόν ἐστι τῶν πασχόντων ἁμάρτημα.

διὸ καὶ τοῖσ μὲν ἐκ τύχησ πταίουσιν ἔλεοσ ἕπεται μετὰ συγγνώμησ καὶ ἐπικουρία, τοῖσ δὲ διὰ τὴν αὑτῶν ἀβουλίαν ὄνειδοσ καὶ ἐπιτίμησισ συνεξακολουθεῖ παρὰ τοῖσ εὖ φρονοῦσιν.

ἃ δὴ καὶ τότε παρὰ τῶν Ἑλλήνων εἰκότωσ ἂν τοῖσ Ἠπειρώταισ ἀπηντήθη.

πρῶτον γὰρ τίσ οὐκ ἂν τὴν κοινὴν περὶ Γαλατῶν φήμην ὑπιδόμενοσ εὐλαβηθείη τούτοισ ἐγχειρίσαι πόλιν εὐδαίμονα καὶ πολλὰσ ἀφορμὰσ ἔχουσαν εἰσ παρασπόνδησιν;

δεύτερον τίσ οὐκ ἂν ἐφυλάξατο τὴν αὐτοῦ τοῦ συστήματοσ ἐκείνου προαίρεσιν;

οἵ γε τὴν μὲν ἀρχὴν ἐξέπεσον ἐκ τῆσ ἰδίασ, συνδραμόντων ἐπ’ αὐτοὺσ τῶν ὁμοεθνῶν διὰ τὸ παρασπονδῆσαι τοὺσ αὑτῶν οἰκείουσ καὶ συγγενεῖσ· ὑποδεξαμένων γε μὴν αὐτοὺσ Καρχηδονίων διὰ τὸ κατεπείγεσθαι πολέμῳ, τὸ μὲν πρῶτον γενομένησ τινὸσ ἀντιρρήσεωσ τοῖσ στρατιώταισ πρὸσ τοὺσ στρατηγοὺσ ὑπὲρ ὀψωνίων ἐξ αὐτῆσ ἐπεβάλοντο διαρπάζειν τὴν τῶν Ἀκραγαντίνων πόλιν, φυλακῆσ χάριν εἰσαχθέντεσ εἰσ αὐτήν, ὄντεσ τότε πλείουσ τῶν τρισχιλίων·

μετὰ δὲ ταῦτα παρεισαγαγόντων αὐτοὺσ πάλιν εἰσ Ἔρυκα τῆσ αὐτῆσ χρείασ ἕνεκεν, πολιορκούντων τὴν πόλιν Ῥωμαίων, ἐπεχείρησαν μὲν καὶ τὴν πόλιν καὶ τοὺσ συμπολιορκουμένουσ προδοῦναι·

τῆσ δὲ πράξεωσ ταύτησ ἀποτυχόντεσ ηὐτομόλησαν πρὸσ τοὺσ πολεμίουσ·

παρ’ οἷσ πιστευθέντεσ πάλιν ἐσύλησαν τὸ τῆσ Ἀφροδίτησ τῆσ Ἐρυκίνησ ἱερόν. διὸ σαφῶσ ἐπεγνωκότεσ Ῥωμαῖοι τὴν ἀσέβειαν αὐτῶν ἅμα τῷ διαλύσασθαι τὸν πρὸσ Καρχηδονίουσ πόλεμον οὐδὲν ἐποιήσαντο προυργιαίτερον τοῦ παροπλίσαντασ αὐτοὺσ ἐμβαλεῖν εἰσ πλοῖα καὶ τῆσ Ἰταλίασ πάσησ ἐξορίστουσ καταστῆσαι.

οὓσ Ἠπειρῶται τῆσ δημοκρατίασ καὶ τῶν νόμων φύλακασ ποιησάμενοι καὶ τὴν εὐδαιμονεστάτην πόλιν ἐγχειρίσαντεσ, πῶσ οὐκ ἂν εἰκότωσ φανείησαν αὐτοὶ τῶν συμπτωμάτων αὑτοῖσ αἴτιοι γεγονότεσ;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 2, chapter 7

(폴리비오스, Histories, book 2, chapter 7)

상위

목록

SEARCH

MENU NAVIGATION