헬라어 문장 검색 - ΠολψβίΗιστορί02́001́

(폴리비오스, Histories, book 2, chapter 1)

μετὰ δὲ ταῦτα πότε πρῶτον συνίστασθαι ναυτικὰσ ἤρξαντο δυνάμεισ, καὶ τὰ συμβάντα κατὰ τὸν πόλεμον ἑκατέροισ ἑώσ τοῦ τέλουσ, ἐν ᾧ Καρχηδόνιοι μὲν ἐξεχώρησαν πάσησ Σικελίασ, Ῥωμαῖοι δ’ ἐπεκράτησαν τῆσ ὅλησ νήσου πλὴν τῶν ὑφ’ Ιἕρωνι ταττομένων μερῶν. ἑξῆσ δὲ τούτοισ ἐπεβαλόμεθα λέγειν πῶσ στασιάσαντεσ οἱ μισθοφόροι πρὸσ τοὺσ Καρχηδονίουσ τὸν προσαγορευθέντα Λιβυκὸν πόλεμον ἐξέκαυσαν, καὶ τὰ συμβάντα κατὰ τοῦτον ἀσεβήματα μέχρι τίνοσ προύβη, καὶ τίνα διέξοδον ἔλαβεν τὰ παράλογα τῶν ἔργων ἑώσ τοῦ τέλουσ καὶ τῆσ Καρχηδονίων ἐπικρατείασ.

νυνὶ δὲ τὰ συνεχῆ τούτοισ πειρασόμεθα δηλοῦν, κεφαλαιωδῶσ ἑκάστων ἐπιψαύοντεσ κατὰ τὴν ἐξ ἀρχῆσ πρόθεσιν.

Καρχηδόνιοι γὰρ ὡσ θᾶττον κατεστήσαντο τὰ κατὰ τὴν Λιβύην, εὐθέωσ Ἀμίλκαν ἐξαπέστελλον, δυνάμεισ συστήσαντεσ, εἰσ τοὺσ κατὰ τὴν Ἰβηρίαν τόπουσ.

ὁ δ’ ἀναλαβὼν τὰ στρατόπεδα καὶ τὸν υἱὸν Ἀννίβαν, ὄντα τότε κατὰ τὴν ἡλικίαν ἐτῶν ἐννέα, καὶ διαβὰσ κατὰ τὰσ Ἡρακλέουσ στήλασ ἀνεκτᾶτο τὰ κατὰ τὴν Ἰβηρίαν πράγματα τοῖσ Καρχηδονίοισ.

διατρίψασ δ’ ἐν τοῖσ τόποισ τούτοισ ἔτη σχεδὸν ἐννέα καὶ πολλοὺσ μὲν πολέμῳ, πολλοὺσ δὲ πειθοῖ ποιήσασ Ἰβήρων ὑπηκόουσ Καρχηδόνι κατέστρεψε τὸν βίον ἀξίωσ τῶν προγεγενημένων πράξεων.

πρὸσ γὰρ τοὺσ ἀνδρωδεστάτουσ καὶ μεγίστην δύναμιν ἔχοντασ παραταττόμενοσ καὶ χρώμενοσ τολμηρῶσ καὶ παραβόλωσ ἑαυτῷ κατὰ τὸν τοῦ κινδύνου καιρὸν ἐρρωμένωσ τὸν βίον μετήλλαξεν.

τὴν δὲ στρατηγίαν οἱ Καρχηδόνιοι παρέδοσαν Ἀσδρούβᾳ, τῷ ’κείνου κηδεστῇ καὶ τριηράρχῳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 2, chapter 1

(폴리비오스, Histories, book 2, chapter 1)

상위

목록

SEARCH

MENU NAVIGATION