헬라어 문장 검색 - Παυσαν́Δεσξριπ́4́36́

(파우사니아스, Description of Greece, Μεσσηνιακά, chapter 36)

ἔστι δὲ ἐκ Μοθώνησ ὁδὸσ σταδίων μάλιστα ἑκατὸν ἐπὶ τὴν ἄκραν τὸ Κορυφάσιον· ἐπ’ αὐτῇ δὲ ἡ Πύλοσ κεῖται. ταύτην ᾤκισε Πύλοσ ὁ Κλήσωνοσ ἀγαγὼν ἐκ τῆσ Μεγαρίδοσ τοὺσ ἔχοντασ τότε αὐτὴν Λέλεγασ· καὶ τῆσ μὲν οὐκ ὤνατο ὑπὸ Νηλέωσ καὶ τῶν ἐξ Ιὠλκοῦ Πελασγῶν ἐκβληθείσ, ἀποχωρήσασ δὲ ἐσ τὴν ὅμορον ἔσχεν ἐνταῦθα Πύλον τὴν ἐν τῇ Ἠλείᾳ. Νηλεὺσ δὲ βασιλεύσασ ἐσ τοσοῦτο προήγαγεν ἀξιώματοσ τὴν Πύλον ὡσ καὶ Ὅμηρον ἐν τοῖσ ἔπεσιν ἄστυ ἐπονομάσαι Νηλήιον. ἐνταῦθα ἱερόν ἐστιν Ἀθηνᾶσ ἐπίκλησιν Κορυφασίασ καὶ οἶκοσ καλούμενοσ Νέστοροσ·

ἐν δὲ αὐτῷ καὶ ὁ Νέστωρ γέγραπται· καὶ μνῆμα ἐντὸσ τῆσ πόλεώσ ἐστιν αὐτῷ, τὸ δὲ ὀλίγον ἀπωτέρω τῆσ Πύλου Θρασυμήδουσ φασὶν εἶναι. καὶ σπήλαιόν ἐστιν ἐντὸσ τῆσ πόλεωσ· βοῦσ δὲ ἐνταῦθα τὰσ Νέστοροσ καὶ ἔτι πρότερον Νηλέωσ φασὶν αὐλίζεσθαι. εἰή δ’ ἂν Θεσσαλικὸν τὸ γένοσ τῶν βοῶν τούτων, Ἰφίκλου ποτὲ τοῦ Πρωτεσιλάου πατρόσ·

ταύτασ γὰρ δὴ τὰσ βοῦσ Νηλεὺσ ἕδνα ἐπὶ τῇ θυγατρὶ ᾔτει τοὺσ μνωμένουσ, καὶ τούτων ἕνεκα ὁ Μελάμπουσ χαριζόμενοσ τῷ ἀδελφῷ Βίαντι ἀφίκετο ἐσ τὴν Θεσσαλίαν, καὶ ἐδέθη μὲν ὑπὸ τῶν βουκόλων τοῦ Ἰφίκλου, λαμβάνει δὲ μισθὸν ἐφ’ οἷσ αὐτῷ δεηθέντι ἐμαντεύσατο. ἐσπουδάκεσαν δὲ ἄρα οἱ τότε πλοῦτόν τινα συλλέγεσθαι τοιοῦτον, ἵππων καὶ βοῶν ἀγέλασ, εἰ δὴ Νηλεύσ τε γενέσθαι οἱ βοῦσ ἐπεθύμησε τὰσ Ἰφίκλου καὶ Ἡρακλεῖ κατὰ δόξαν τῶν ἐν Ἰβηρίᾳ βοῶν προσέταξεν Εὐρυσθεὺσ ἐλάσαι τῶν Γηρυόνου βοῶν τὴν ἀγέλην.

φαίνεται δὲ καὶ Ἔρυξ τότε ἐν Σικελίᾳ δυναστεύων δριμὺν οὕτωσ ἔχων ἐσ τὰσ βοῦσ τὰσ ἐξ Ἐρυθείασ ἔρωτα, ὥστε καὶ ἐπάλαισε πρὸσ τὸν Ἡρακλέα ἆθλα ἐπὶ τῇ πάλῃ καταθέμενοσ τάσ τε βοῦσ ταύτασ καὶ ἀρχὴν τὴν ἑαυτοῦ.

πεποίηκε δὲ καὶ Ὅμηροσ ἐν Ἰλιάδι, ὡσ Ἰφιδάμασ ὁ Ἀντήνοροσ τὰ πρῶτα τῶν ἕδνων ἑκατὸν βοῦσ τῷ πενθερῷ δοίη. ταῦτα μὲν τὸν λόγον μοι βεβαιοῖ, βουσὶ τοὺσ τότε χαίρειν μάλιστα ἀνθρώπουσ· ἐνέμοντο δὲ ἐμοὶ δοκεῖν αἱ τοῦ Νηλέωσ βοῦσ ἐν τῇ ὑπερορίᾳ τὰ πολλά·

ὑπόψαμμόσ τε γάρ ἐστιν ὡσ ἐπίπαν ἡ τῶν Πυλίων χώρα καὶ πόαν βουσὶν οὐχ ἱκανὴ τοσαύτην παρασχέσθαι. μαρτυρεῖ δέ μοι καὶ Ὅμηροσ ἐν μνήμῃ Νέστοροσ ἐπιλέγων ἀεὶ βασιλέα αὐτὸν ἠμαθόεντοσ εἶναι Πύλου. τοῦ λιμένοσ δὲ ἡ Σφακτηρία νῆσοσ προβέβληται, καθάπερ τοῦ ὁρ́μου τοῦ Δηλίων ἡ Ῥήνεια·

ἐοίκασι δὲ αἱ ἀνθρώπειαι τύχαι καὶ χωρία τέωσ ἄγνωστα ἐσ δόξαν προῆχθαι. Καφηρέωσ τε γάρ ἐστιν ὄνομα τοῦ ἐν Εὐβοίᾳ τοῖσ σὺν Ἀγαμέμνονι Ἕλλησιν ἐπιγενομένου χειμῶνοσ ἐνταῦθα, ὡσ ἐκομίζοντο ἐξ Ἰλίου· Ψυττάλειάν τε τὴν ἐπὶ Σαλαμῖνι ἴσμεν ἀπολομένων ἐν αὐτῇ τῶν Μήδων.

ὡσαύτωσ δὲ καὶ τὴν Σφακτηρίαν τὸ ἀτύχημα τὸ Λακεδαιμονίων γνώριμον τοῖσ πᾶσιν ἐποίησεν· Ἀθηναῖοι δὲ καὶ Νίκησ ἀνέθηκαν ἄγαλμα ἐν ἀκροπόλει χαλκοῦν ἐσ μνήμην τῶν ἐν τῇ Σφακτηρίᾳ. ἀφικομένων δὲ ἐσ Κυπαρισσιὰσ ἐκ Πύλου σφίσι πηγὴ ὑπὸ τῇ πόλει πλησίον θαλάσσησ ἐστί·

ῥυῆναι δὲ Διονύσῳ τὸ ὕδωρ λέγουσι θύρσῳ πλήξαντι ἐσ τὴν γῆν, καὶ ἐπὶ τούτῳ Διονυσιάδα ὀνομάζουσι τὴν πηγήν. ἔστι δὲ καὶ Ἀπόλλωνοσ ἐν Κυπαρισσιαῖσ ἱερὸν καὶ Ἀθηνᾶσ ἐπίκλησιν Κυπαρισσίασ. ἐν δὲ Αὐλῶνι καλουμένῳ ναὸσ Ἀσκληπιοῦ καὶ ἄγαλμά ἐστιν Αὐλωνίου· κατὰ τοῦτο ὁ ποταμὸσ ἡ Νέδα μεταξὺ τῆσ τε Μεσσηνίασ ἤδη καὶ τῆσ Ἠλείασ διέξεισιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Μεσσηνιακά, chapter 36

(파우사니아스, Description of Greece, Μεσσηνιακά, chapter 36)

상위

목록

SEARCH

MENU NAVIGATION