헬라어 문장 검색 - Παυσαν́Δεσξριπ́4́35́

(파우사니아스, Description of Greece, Μεσσηνιακά, chapter 35)

Μοθώνη δέ, πρὶν ἢ τὴν στρατιὰν ἐσ Τροίαν ἀθροισθῆναι καὶ ἐπὶ τοῦ πρὸσ Ἰλίῳ πολέμου καλουμένη Πήδασοσ, μεταβέβληκεν ὕστερον τὸ ὄνομα, ὡσ μὲν αὐτοὶ Μοθωναῖοι λέγουσιν, ἀπὸ τῆσ Οἰνέωσ θυγατρόσ· Οἰνεῖ γὰρ τῷ Πορθάονοσ μετὰ ἅλωσιν Ἰλίου παρὰ Διομήδην ἀναχωρήσαντι ἐσ Πελοπόννησον θυγατέρα φασὶν ἐκ παλλακῆσ Μοθώνην γενέσθαι· δόξῃ δὲ ἐμῇ δέδωκε τῷ χωρίῳ τὸ ὄνομα ὁ Μόθων λίθοσ.

οὗτοσ δέ σφισι καὶ ὁ ποιῶν τὸν λιμένα ἐστί· τόν τε γὰρ ἔσπλουν στενώτερον ταῖσ ναυσὶν ἐργάζεται παρήκων ὕφαλοσ καὶ ἅμα μὴ ἐκ βυθοῦ ταράσσεσθαι τὸν κλύδωνα ἔρυμα ἕστηκεν. ἐδήλωσα δὲ καὶ ἐν τοῖσ ἔμπροσθεν λόγοισ ὅτι Ναυπλιεῦσιν ἐπὶ λακωνισμῷ διωχθεῖσι Δαμοκρατίδα βασιλεύοντοσ ἐν Ἄργει Μοθώνην Λακεδαιμόνιοι διδόασι καὶ ὡσ οὐδὲ ἐκ τῶν Μεσσηνίων κατελθόντων ἐγένετο οὐδὲν ἐσ αὐτοὺσ νεώτερον·

ἦσαν δὲ οἱ Ναυπλιεῖσ ἐμοὶ δοκεῖν Αἰγύπτιοι τὰ παλαιότερα, παραγενόμενοι δὲ ὁμοῦ Δαναῷ ναυσὶν ἐσ τὴν Ἀργολίδα ὕστερον γενεαῖσ τρισὶν ὑπὸ Ναυπλίου τοῦ Ἀμυμώνησ κατῳκίσθησαν ἐν Ναυπλίᾳ. Μοθωναίοισ δὲ βασιλεὺσ μὲν Τραϊανὸσ ἔδωκεν ἐλευθέρουσ ὄντασ ἐν αὐτονομίᾳ πολιτεύεσθαι·

τὰ δὲ ἔτι παλαιότερα μόνοισ σφίσι Μεσσηνίων τῶν ἐπὶ θαλάσσῃ τοιόνδε ἀτύχημα ἰδίᾳ συνέβη γενέσθαι. τὰ ἐν Ἠπείρῳ τῇ Θεσπρωτίδι ὑπὸ ἀναρχίασ ἐφθάρη· Δηιδαμείᾳ γὰρ τῇ Πύρρου παῖδεσ οὐκ ἐγένοντο, ἀλλὰ ὡσ τελευτᾶν ἔμελλεν, ἐπιτρέπει τῷ δήμῳ τὰ πράγματα. θυγάτηρ δὲ ἦν Πύρρου τοῦ Πτολεμαίου τοῦ Ἀλεξάνδρου τοῦ Πύρρου· ἔφασκεν ἀμείνονα γενέσθαι.

Ἠπειρῶται δὲ ὡσ ἐπαύσαντο βασιλεύεσθαι, τά τε ἄλλα ὁ δῆμοσ ὕβριζε καὶ ἀκροᾶσθαι τῶν ἐν ταῖσ ἀρχαῖσ ὑπερεώρων·

καὶ σφᾶσ οἱ Ἰλλυριοὶ τὰ πρὸσ τοῦ Ιὀνίου τὴν Ἤπειρον ὑπεροικοῦντεσ παρεστήσαντο ἐξ ἐπιδρομῆσ. οὐ γάρ πω δημοκρατίαν ἴσμεν ἄλλουσ γε ἢ Ἀθηναίουσ αὐξήσαντασ, Ἀθηναῖοι δὲ προήχθησαν ἐπὶ μέγα ἀπ’ αὐτῆσ· συνέσει γὰρ οἰκείᾳ τὸ Ἑλληνικὸν ὑπερεβάλλοντο καὶ νόμοισ τοῖσ καθεστηκόσιν ἐλάχιστα ἠπείθουν. οἱ δὲ Ἰλλυριοί, ἀρχῆσ τε γεγευμένοι καὶ ἐπιθυμοῦντεσ ἀεὶ τοῦ πλείονοσ, ναῦσ τε ἐπήξαντο καὶ ἐληίζοντο ἄλλουσ τε ὡσ ἑκάστουσ τύχοιεν καὶ ἐσ τὴν Μοθωναίαν σχόντεσ ὡρμίσαντο οἱᾶ ἐσ φιλίαν·

στείλαντεσ δὲ ἄγγελον ἐσ τὴν πόλιν ἄγειν σφίσιν οἶνον ἐπὶ τὰ πλοῖα ἐδεήθησαν. ὡσ δὲ ἄγοντεσ ἀφίκοντο ἄνδρεσ οὐ πολλοί, τόν τε οἶνον ὠνοῦντο ἐπιτιμώντων τῶν Μοθωναίων καὶ αὐτοί σφισιν ἐπίπρασκον ὧν ἐπήγοντο. ἐσ δὲ τὴν ἐπιοῦσαν ἀφικομένων ἐκ τῆσ πόλεωσ πλειόνων παρέχουσι καὶ τοῖσδε κερδᾶναι·

τέλοσ δὲ γυναῖκεσ καὶ ἄνδρεσ κατίασιν ἐπὶ τὰ πλοῖα οἶνόν τε ἀποδόσθαι καὶ ἐκ τῶν βαρβάρων ἀντιληψόμενοι. ἔνθα νῦν ἀποτολμήσαντεσ οἱ Ἰλλυριοὶ καὶ ἄνδρασ πολλοὺσ καὶ ἔτι πλείονασ τῶν γυναικῶν ἁρπάζουσιν· ἐσθέμενοι δὲ ἐσ τὰσ ναῦσ ἔπλεον τὴν ἐπὶ Ιὀνίου, Μοθωναίων ἐρημώσαντεσ τὸ ἄστυ. ἐν Μοθώνῃ δὲ ναόσ ἐστιν Ἀθηνᾶσ Ἀνεμώτιδοσ·

Διομήδην δὲ τὸ ἄγαλμα ἀναθεῖναι καὶ τὸ ὄνομα τῇ θεῷ φασι θέσθαι. βιαιότεροι γὰρ καὶ οὐ κατὰ καιρὸν πνέοντεσ ἐλυμαίνοντο οἱ ἄνεμοι τὴν χώραν· Διομήδουσ δὲ εὐξαμένου τῇ Ἀθηνᾷ, τὸ ἀπὸ τούτου συμφορά σφισιν οὐδεμία ἀνέμων γε ἕνεκα ἦλθεν ἐσ τὴν γῆν.

καὶ Ἀρτέμιδοσ δ’ ἱερόν ἐστιν ἐνταῦθα καὶ ὕδωρ ἐν φρέατι κεκραμένον πίσσῃ, Κυζικηνῷ μύρῳ μάλιστα ἰδεῖν ἐμφερέσ· παράσχοιτο δ’ ἂν πᾶσαν καὶ χρόαν ὕδωρ καὶ ὀσμήν. γλαυκότατον μὲν οἶδα ὕδωρ θεασάμενοσ τὸ ἐν Θερμοπύλαισ, οὔτι που πᾶν, ἀλλ’ ὅσον κάτεισιν ἐσ τὴν κολυμβήθραν ἥντινα ὀνομάζουσιν οἱ ἐπιχώριοι Χύτρουσ γυναικείουσ·

ξανθὸν δὲ ὕδωρ, οὐδέν τι ἀποδέον τὴν χρόαν αἵματοσ, Ἑβραίων ἡ γῆ παρέχεται πρὸσ Ιὄππῃ πόλει· θαλάσσησ μὲν ἐγγυτάτω τὸ ὕδωρ ἐστί, λόγον δὲ ἐσ τὴν πηγὴν λέγουσιν οἱ ταύτῃ, Περσέα ἀνελόντα τὸ κῆτοσ, ᾧ τὴν παῖδα προκεῖσθαι τοῦ Κηφέωσ, ἐνταῦθα τὸ αἷμα ἀπονίψασθαι. ὕδωρ δὲ ἀπὸ πηγῶν ἀνερχόμενον μέλαν ἰδὼν οἶδα ἐν Ἀστύροισ·

τὰ δὲ Ἄστυρα ἀπαντικρὺ Λέσβου λουτρά ἐστι θερμὰ ἐν τῷ Ἀταρνεῖ καλουμένῳ. τὸ δὲ χωρίον ἐστὶν ὁ Ἀταρνεὺσ ὁ Χίων μισθόσ, ὃν παρὰ τοῦ Μήδου λαμβάνουσιν ἄνδρα ἐκδόντεσ ἱκέτην, Πακτύην τὸν Λυδόν. τοῦτο μὲν δὴ μελαίνεται, Ῥωμαίοισ δὲ ὑπὲρ τὴν πόλιν, διαβάντων τὸν Ἄνιον ὀνομαζόμενον ποταμόν, ὕδωρ λευκόν ἐστιν· ἀνδρὶ δὲ ἐσβάντι ἐσ αὐτὸ τὸ μὲν παραυτίκα ψυχρόν τε πρόσεισι καὶ ἐμποιεῖ φρίκην, ἐπισχόντι δὲ ὀλίγον ἅτε φάρμακον θερμαίνει τὸ πυρωδέστατον. καὶ ὅσαισ μὲν πηγαῖσ θαῦμά τι ἦν καὶ ἰδόντι, τοσαύτασ θεασάμενοσ οἶδα, τὰσ γὰρ δὴ ἐλάσσονοσ θαύματοσ ἐπιστάμενοσ παρίημι·

ἁλμυρὸν δὲ ὕδωρ καὶ στρυφνὸν οὐ μέγα θαῦμα ἐξευρεῖν. δύο δὲ ἀλλοῖα· τὸ μὲν τῆσ Καρίασ ἐν πεδίῳ καλουμένῳ Λευκῷ θερμόν ἐστιν ὕδωρ παρὰ κώμην ὀνομαζομένην Δασκύλου, πιεῖν καὶ γάλακτοσ ἥδιον·

τὸν δὲ Ἡρόδοτον οἶδα εἰπόντα ὡσ ἐσ τὸν ποταμὸν τὸν Ὕπανιν ἐκδίδωσιν ὕδατοσ πικροῦ πηγή. πῶσ δ’ ἂν οὐκ ἀποδεξαίμεθα ἀληθεύειν αὐτῷ τὸν λόγον, ὅπου γε καὶ ἐφ’ ἡμῶν ἐν Δικαιαρχίᾳ τῇ Τυρρηνῶν ἐξεύρηται ὕδωρ σφίσι θερμὸν οὕτω δή τι ὀξὺ ὥστε τὸν μόλυβδον ‐ διεξῄει γὰρ διὰ μολύβδου ῥέον ‐ ἔτεσι κατέτηξεν οὐ πολλοῖσ;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Μεσσηνιακά, chapter 35

(파우사니아스, Description of Greece, Μεσσηνιακά, chapter 35)

상위

목록

SEARCH

MENU NAVIGATION