헬라어 문장 검색 - Παυσαν́Δεσξριπ́4́30́

(파우사니아스, Description of Greece, Μεσσηνιακά, chapter 30)

ἔστιν ἐφ’ ἡμῶν ἐν τῇ Μεσσηνίᾳ τῆσ νάπησ τῆσ Χοιρίου στάδια εἴκοσι μάλιστα ἀπέχουσα Ἀβία ἐπὶ θαλάσσῃ πόλισ. ταύτην Ἴρην καλεῖσθαι πάλαι καὶ τῶν ἑπτά φασιν εἶναι πόλεων, ἃσ Ἀχιλλεῖ πεποίηκεν Ὅμηροσ Ἀγαμέμνονα ὑπισχνούμενον. Ὕλλου δὲ καὶ Δωριέων μάχῃ κρατηθέντων ὑπὸ Ἀχαιῶν, ἐνταῦθα Ἀβίαν Γλήνου τοῦ Ἡρακλέουσ τροφὸν ἀποχωρῆσαι λέγουσιν ἐσ τὴν Ἴρην καὶ οἰκῆσαί τε αὐτόθι καὶ Ἡρακλέουσ ἱερὸν ἱδρύσασθαι, καί οἱ διὰ ταῦτα ὕστερον Κρεσφόντην ἄλλα τε γέρα νεῖμαι καὶ τῇ πόλει μεταθέσθαι τὸ ὄνομα ἀπὸ τῆσ Ἀβίασ. Ἡρακλεῖον δὲ ἦν αὐτόθι ἐπιφανὲσ καὶ Ἀσκληπιεῖον. Φαραὶ δὲ ἀφεστήκασιν Ἀβίασ σταδίουσ ἑβδομήκοντα, καὶ ὕδωρ κατὰ τὴν ὁδόν ἐστιν ἁλμυρόν·

βασιλεὺσ δὲ Αὔγουστοσ τοὺσ ἐν Φαραῖσ Μεσσηνίουσ συντελεῖν ἀπέταξεν ἐσ τὸ Λακωνικόν. τὸν δὲ οἰκιστὴν Φᾶριν Ἑρμοῦ τε καὶ Φυλοδαμείασ λέγουσιν εἶναι τῆσ Δαναοῦ· Φάρει δὲ ἄρρενασ μὲν οὔ φασι γενέσθαι, θυγατέρα δὲ Τηλεγόνην. τοὺσ δὲ ἐφεξῆσ ἐγενεαλόγησεν Ὅμηροσ ἐν Ἰλιάδι διδύμουσ Κρήθωνα καὶ Ὀρτίλοχον εἶναι Διοκλεῖ, Διοκλέα δὲ αὐτὸν Ὀρτιλόχου τοῦ Ἀλφειοῦ· τὰ δὲ ἐσ Τηλεγόνην παρεῖδεν, αὕτη γὰρ λόγῳ τῷ Μεσσηνίων ἐστὶν ἡ τεκοῦσα Ἀλφειῷ τὸν Ὀρτίλοχον. καὶ τάδε ἄλλα ἤκουσα ἐν Φαραῖσ, Διοκλεῖ θυγατέρα ἐπὶ τοῖσ διδύμοισ παισὶν Ἀντίκλειαν γενέσθαι, τῆσ δὲ Νικόμαχόν τε εἶναι καὶ Γόργασον, πατρὸσ δὲ Μαχάονοσ τοῦ Ἀσκληπιοῦ·

τούτουσ καταμεῖναί τε αὐτοῦ καὶ ὡσ ὁ Διοκλῆσ ἐτελεύτησε τὴν βασιλείαν ἐκδέξασθαι.

διαμεμένηκε δὲ αὐτοῖσ καὶ ἐσ τόδε ἔτι νοσήματά τε καὶ τοὺσ πεπηρωμένουσ τῶν ἀνθρώπων ἰᾶσθαι· καί σφισιν ἀντὶ τούτων θυσίασ ἐσ τὸ ἱερὸν καὶ ἀναθήματα ἄγουσιν. ἔστι δὲ καὶ Τύχησ ναὸσ Φαραιάταισ καὶ ἄγαλμα ἀρχαῖον. πρῶτοσ δὲ ὧν οἶδα ἐποιήσατο ἐν τοῖσ ἔπεσιν Ὅμηροσ Τύχησ μνήμην·

ἐποιήσατο δὲ ἐν ὕμνῳ τῷ ἐσ τὴν Δήμητρα ἄλλασ τε τῶν Ὠκεανοῦ θυγατέρασ καταριθμούμενοσ, ὡσ ὁμοῦ Κόρῃ τῇ Δήμητροσ παίζοιεν, καὶ Τύχην ὡσ Ὠκεανοῦ καὶ ταύτην παῖδα οὖσαν· καὶ οὕτωσ ἔχει τὰ ἔπη· ἡμεῖσ μὲν μάλα πᾶσαι ἀν’ ἱμερτὸν λειμῶνα,Λευκίππη Φαινώ τε καὶ Ἠλέκτρη καὶ ΙἄνθηΜηλόβοσίσ τε Τύχη τε καὶ Ὠκυρόη καλυκῶπισ. πέρα δὲ ἐδήλωσεν οὐδὲν ἔτι, ὡσ ἡ θεόσ ἐστιν αὕτη μεγίστη θεῶν ἐν τοῖσ ἀνθρωπίνοισ πράγμασι καὶ ἰσχὺν παρέχεται πλείστην, ὥσπερ γε ἐν Ἰλιάδι ἐποίησεν Ἀθηνᾶν μὲν καὶ Ἐνυὼ πολεμούντων ἡγεμονίαν ἔχειν, Ἄρτεμιν δὲ γυναικῶν ὠδῖσιν εἶναι φοβερὰν, Ἀφροδίτῃ δὲ τὰ ἔργα μέλειν τῶν γάμων.

ἀλλ’ οὗτοσ μὲν οὐδὲν ἄλλο ἐποίησεν ἐσ τὴν Τύχην· Βούπαλοσ δέ, ναούσ τε οἰκοδομήσασθαι καὶ ζῷα ἀνὴρ ἀγαθὸσ πλάσαι, Σμυρναίοισ ἄγαλμα ἐργαζόμενοσ Τύχησ πρῶτοσ ἐποίησεν ὧν ἴσμεν πόλον τε ἔχουσαν ἐπὶ τῇ κεφαλῇ καὶ τῇ ἑτέρᾳ χειρὶ τὸ καλούμενον Ἀμαλθείασ κέρασ ὑπὸ Ἑλλήνων.

οὗτοσ μὲν ἐπὶ τοσοῦτο ἐδήλωσε τῆσ θεοῦ τὰ ἔργα· δὲ καὶ ὕστερον Πίνδαροσ ἄλλα τε ἐσ τὴν Τύχην καὶ δὴ καὶ Φερέπολιν ἀνεκάλεσεν αὐτήν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Μεσσηνιακά, chapter 30

(파우사니아스, Description of Greece, Μεσσηνιακά, chapter 30)

상위

목록

SEARCH

MENU NAVIGATION