헬라어 문장 검색 - Παυσαν́Δεσξριπ́4́29́

(파우사니아스, Description of Greece, Μεσσηνιακά, chapter 29)

μετὰ δὲ οὐ πολὺν χρόνον τοῦ ἔργου τοῦ πρὸσ Ἤλιδι Μακεδόνεσ καὶ Δημήτριοσ ὁ Φιλίππου τοῦ Δημητρίου Μεσσήνην καταλαμβάνουσι. τὰ μὲν δὴ πολλὰ ἔσ τε αὐτὸν Φίλιππον καὶ τὰ ἐσ Δημήτριον τὸν Φιλίππου τολμηθέντα ἐκ Περσέωσ ἐν τοῖσ Σικυωνίοισ ἔγραψα ἤδη λόγοισ· τὰ δὲ ἐσ τὴν κατάληψιν τὴν Μεσσήνησ ἔσχεν οὕτω. χρημάτων ἐσπανίζετο Φίλιπποσ, καὶ ‐ ἔδει γὰρ πάντωσ οἱ γενέσθαι χρήματα ‐ ἀποστέλλει Δημήτριον ναυσὶν ἐσ Πελοπόννησον.

Δημήτριοσ δὲ κατήγετό που τῆσ Ἀργείασ ἐσ λιμένα τῶν ἐρημοτέρων· αὐτίκα δὲ ὡσ εἶχε διὰ τῶν ἐπιτομωτάτων τῆσ χώρασ τὴν στρατιὰν ἦγεν ἐπὶ Μεσσήνησ. δὲ ὅσον ἦν τῶν τε ὅπλων τῇ σκευῇ κοῦφον καὶ τῆσ ἐσ τὴν Ἰθώμην εἶχεν ὁδοῦ οὐκ ἀπείρωσ, λανθάνει περὶ ὄρθρον μάλιστα ὑπερβὰσ τὸ τεῖχοσ, καθὸ τῆσ τε πόλεωσ μεταξὺ ἦν καὶ ἄκρασ τῆσ Ἰθώμησ.

ὡσ δὲ ἡμέρα τε ἐπέσχε καὶ ἤδη τοῖσ ἔνδον αἴσθησισ ἐγεγόνει τοῦ κατειληφότοσ κινδύνου, τὸ μὲν πρῶτον αὐτοὺσ ἐσῆλθεν ὑπόνοια ὡσ οἱ Λακεδαιμόνιοι σὺν ὅπλοισ παρέλθοιεν αὐτῶν ἐσ τὴν πόλιν, ὥστε καὶ ὡρ́μησαν ἐπ’ αὐτοὺσ ἀφειδέστερον διὰ τὸ μῖσοσ τὸ ἐξ ἀρχῆσ.

ἐπεὶ δὲ ἐκ τε τῶν ὅπλων καὶ τῆσ φωνῆσ Μακεδόνασ καὶ Δημήτριον τὸν Φιλίππου γνωρίζουσιν ὄντασ, δεῖμα ἰσχυρὸν παρέστη σφίσι λογιζομένοισ τήν τε ἐσ τὰ πολεμικὰ τῶν Μακεδόνων μελέτην καὶ τύχην ᾗ πρὸσ ἅπαντα ἑώρων χρωμένουσ αὐτούσ. ὅμωσ δὲ τοῦ τε παρόντοσ κακοῦ τὸ μέγεθοσ ἐδίδασκεν ἀνδρίαν τινὰ καὶ πέρα τοῦ δυνατοῦ γίνεσθαι καὶ ἅμα τὰ ἀμείνω παρίστατο αὐτοῖσ ἐλπίζειν·

οὐ γὰρ δὴ ἄνευ θεοῦ διὰ τοσούτου σφίσιν ὑπάρξαι τὴν ἐσ Πελοπόννησον κάθοδον. οἵ τε οὖν ἐκ τῆσ πόλεωσ Μεσσήνιοι θυμῷ παντὶ ἐσ τοὺσ Μακεδόνασ ἐχώρουν καὶ οἱ φρουροῦντεσ τὴν ἀκρόπολιν ἐπέκειντο ἐξ ὑπερδεξίων. ὡσαύτωσ δὲ καὶ οἱ Μακεδόνεσ ὑπό τε ἀρετῆσ καὶ ἐμπειρίασ τὸ κατ’ ἀρχὰσ ἠμύνοντο ἐρρωμένωσ·

ἅτε δὲ ὁδοιπορίᾳ προαπειρηκότεσ καὶ ὁμοῦ τῶν τε ἀνδρῶν σφισιν ἐγκειμένων καὶ ὑπὸ τῶν γυναικῶν κεράμῳ καὶ λίθοισ βαλλόμενοι, σὺν οὐδενὶ ἔφευγον κόσμῳ. καὶ τὸ μὲν πολὺ αὐτῶν ἀπώλετο ὠθούμενοι κατὰ τῶν κρημνῶν, ἀπότομοσ γὰρ δὴ ταύτῃ μάλιστά ἐστιν ἡ Ἰθώμη· ὀλίγοι δέ τινεσ καὶ ῥίψαντεσ τὰ ὅπλα ἀπεσώθησαν. ἐσ δὲ τὸ συνέδριον οἱ Μεσσήνιοι τὸ Ἀχαιῶν ἐπὶ τῷδε οὔ μοι δοκοῦσιν ἐσελθεῖν κατ’ ἀρχάσ.

Λακεδαιμονίοισ αὐτεπάγγελτοι βοηθήσοντεσ ἀφίκοντο ὑπὸ Πύρρου τοῦ Αἰακίδου πολεμουμένοισ, καί σφισιν ἀπὸ τῆσ εὐεργεσίασ ταύτησ ἤδη τὰ ἐκ τῆσ Σπάρτησ εἰρηνικώτερα ὑπῆρχεν. οὔκουν ἀνακινῆσαι τὸ ἔχθοσ ἐβούλοντο ἐσ τὸ συνέδριον συγχωρήσαντεσ, οἳ Λακεδαιμονίων μάλιστα πολέμιοι ἐκ τοῦ φανεροῦ καθεστήκεσαν. ὃ δὲ οὐ λέληθεν ἐμέ, οὐδὲ Μεσσηνίουσ ἐλελήθει δήπου, καὶ μὴ συντελοῦσιν αὐτοῖσ ἐσ τὸ συνέδριον ὡσ ἐπὶ Λακεδαιμονίουσ τὰ Ἀχαιῶν ὑπάρχοι·

ἐν γὰρ δὴ τοῖσ Ἀχαιοῖσ καὶ Ἀργεῖοι καὶ τὸ Ἀρκαδικὸν οὐκ ἐλαχίστη μοῖρα ἦσαν. ἀνὰ χρόνον μέντοι προσεχώρησαν ἐσ τὸ Ἀχαϊκόν. οὐ πολλῷ δὲ ὕστερον Κλεομένησ ὁ Λεωνίδου τοῦ Κλεωνύμου Μεγάλην πόλιν εἷλεν Ἀρκάδων ἐν σπονδαῖσ· τῶν δὲ οἱ καταληφθέντεσ οἳ μὲν ἀπώλοντο ὑπὸ τὴν ἅλωσιν, Φιλοποίμενα δὲ τὸν Κραύγιδοσ καὶ ὅσοι μετὰ Φιλοποίμενοσ ἀπεχώρησαν ‐ γενέσθαι δὲ τῶν Μεγαλοπολιτῶν τὸ διαφυγὸν καὶ ὑπὲρ τὰσ δύο μοίρασ λέγουσι ‐ τούτουσ ὑπεδέξαντο οἱ Μεσσήνιοι τῶν τε ἀρχαίων ἔργων ἕνεκα ὁπόσα ἐπὶ Ἀριστομένουσ ὑπῆρκτο Ἀρκάσι καὶ ὕστερον ἐπὶ τοῦ οἰκισμοῦ τοῦ Μεσσήνησ, ἀποδιδόντεσ σφίσι τὴν ὁμοίαν.

πέφυκε δὲ ἄρα ὡσ ἐπίπαν μεταπίπτειν τὰ ἀνθρώπινα, εἰ δὴ Μεσσηνίοισ Ἀρκάδασ τε ἀντισῶσαι καὶ τὸ ἀδοκητότερον ἔτι ἑλεῖν Σπάρτην ὁ δαίμων ἔδωκεν·

Κλεομένει γὰρ περὶ Σελλασίαν ἐμαχέσαντο ἐναντία καὶ τὴν Σπάρτην Ἀράτῳ καὶ Ἀχαιοῖσ συγκαθεῖλον. Λακεδαιμονίοισ δὲ ἀπηλλαγμένοισ Κλεομένουσ ἐπανίσταται τύραννοσ Μαχανίδασ, ἐκείνου δὲ ἀποθανόντοσ Νάβισ ἀνέφυ σφίσιν αὖθισ τύραννοσ·

ἅτε δὲ οὐ τὰ ἀνθρώπων ἀναρπάζοντι αὐτῷ μόνον, ἀλλὰ καὶ ἱερὰ συλῶντι, ἐν οὐ πολλῷ χρόνῳ χρήματά τε ἄφθονα καὶ ἀπ’ αὐτῶν στρατιὰ συνείλεκτο.

τούτου τοῦ Νάβιδοσ Μεσσήνην καταλαβόντοσ Φιλοποίμην καὶ οἱ Μεγαλοπολῖται νυκτὸσ ἀφίκοντο τῆσ αὐτῆσ· καὶ ὁ μὲν Σπαρτιάτησ τύραννοσ ἀπῆλθεν ὑπόσπονδοσ, Ἀχαιοὶ δὲ ὕστερον τούτων μεμφόμενοί τι Μεσσηνίοισ στρατεύουσιν ἐπ’ αὐτοὺσ παρασκευῇ τῇ πάσῃ καὶ τὰ πολλὰ ἔτεμον τῆσ χώρασ.

καὶ οἳ μὲν αὖθισ περὶ ἀκμὴν σίτου συνελέγοντο ὡσ ἐσ τὴν Μεσσηνίαν ἐσβαλοῦντεσ· Δεινοκράτησ δὲ δήμου τε προεστηκὼσ καὶ Μεσσηνίων ἄρχειν ἐν τῷ τότε ᾑρημένοσ Λυκόρταν μὲν καὶ τὴν σὺν αὐτῷ στρατιὰν ἀναχωρῆσαι παρεσκεύασεν ἄπρακτον, τὰσ ἐσ τὴν Μεσσηνίαν ἐκ τῆσ Ἀρκαδίασ παρόδουσ προλαβὼν τοῖσ τε ἐκ τῆσ πόλεωσ Μεσσηνίοισ καὶ ὅσοι τῶν περιοίκων σφίσιν ἤμυναν· Φιλοποίμενοσ δὲ σὺν ἱππεῦσιν ὀλίγοισ ἀφικομένου πολὺ ὕστερον ἢ ὁ μετὰ Λυκόρτα στρατόσ, πυθέσθαι δὲ οὐδέν πω τῶν ἐσ αὐτοὺσ δεδυνημένου, νικῶσιν οἱ Μεσσήνιοι γινομένησ σφίσιν <ἐξ> ὑπερδεξίων τῆσ μάχησ καὶ ζῶντα αἱροῦσι Φιλοποίμενα.

τρόπον δὲ ὅντινα ὁ Φιλοποίμην ἑάλω καὶ ὡσ ἐτελεύτησε, τάδε μὲν ἡμῖν καὶ ὕστερον ὁ Ἀρκαδικὸσ λόγοσ ἐπέξεισι· Μεσσηνίων δὲ οἵ τε Φιλοποίμενι αἴτιοι τῆσ τελευτῆσ ἔδοσαν δίκασ καὶ ἡ Μεσσήνη συνετέλεσεν αὖθισ ἐσ τὸ Ἀχαϊκόν. ἄχρι μὲν δὴ τοῦδε ὁ λόγοσ ἐπῆλθέ μοι Μεσσηνίων τὰ πολλὰ παθήματα, καὶ ὡσ ὁ δαίμων σφᾶσ ἐπί τε γῆσ τὰ ἔσχατα καὶ ἐπὶ τὰ πορρώτατα Πελοποννήσου σκεδάσασ ὕστερον χρόνῳ καὶ ἐσ τὴν οἰκείαν ἀνέσωσε·

τὸ δὲ ἀπὸ τούτου τῆσ χώρασ καὶ πόλεων τραπώμεθα ἐσ ἀφήγησιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Μεσσηνιακά, chapter 29

(파우사니아스, Description of Greece, Μεσσηνιακά, chapter 29)

상위

목록

SEARCH

MENU NAVIGATION