헬라어 문장 검색 - Παυσαν́Δεσξριπ́4́22́

(파우사니아스, Description of Greece, Μεσσηνιακά, chapter 22)

οἱ δὲ Ἀρκάδεσ παραυτίκα τε τὴν κατάληψιν ἐπυνθάνοντο τῆσ Εἴρασ καὶ αὐτίκα τὸν Ἀριστοκράτην ἐκέλευον σφᾶσ ἄγειν ὡσ ἢ σώσοντασ Μεσσηνίουσ ἢ σὺν αὐτοῖσ ἀπολουμένουσ. ὁ δὲ ἅτε ἐκ τῆσ Λακεδαίμονοσ δεδεγμένοσ δῶρα, οὔτε ἄγειν ἤθελεν εἰδέναι τε ἔφασκεν οὐδένα ἔτι Μεσσηνίων ὅτῳ καὶ ἀμυνοῦσιν ὄντα ὑπόλοιπον.

τότε δὲ ὡσ σαφέστερον ᾐσθάνοντο περιόντασ καὶ ἐκλείπειν τὴν Εἶραν βεβιασμένουσ, αὐτοὶ μὲν περὶ τὸ ὄροσ σφᾶσ τὸ Λύκαιον ἔμελλον ὑποδέξεσθαι, προετοιμασάμενοι καὶ ἐσθῆτα καὶ σιτία, ἄνδρασ δὲ τῶν ἐν τέλει πέμπουσι παραμυθεῖσθαί τε τοὺσ Μεσσηνίουσ καὶ ἡγεμόνασ ἅμα τῆσ πορείασ γενέσθαι.

καὶ τοὺσ μέν, ὡσ ἐσ τὸ Λύκαιον ἀνεσώθησαν, ἐξένιζον καὶ τὰ ἄλλα εὐνοϊκῶσ περιεῖπον οἱ Ἀρκάδεσ, κατανέμειν τε ἐσ τὰσ πόλεισ ἤθελον καὶ ἀναδάσασθαι δι’ ἐκείνουσ τὴν γῆν· Ἀριστομένει δὲ ὅ τε οἶκτοσ διαρπαζομένησ τῆσ Εἴρασ καὶ τὸ μῖσοσ τὸ ἐσ τοὺσ Λακεδαιμονίουσ βούλευμα παρίστησι τοιόνδε.

πεντακοσίουσ τῶν Μεσσηνίων, οὓσ μάλιστα ἠπίστατο αὑτῶν ἀφειδῶσ ἔχοντασ, ἀποκρίνασ ἀπὸ τοῦ πλήθουσ, ἤρετο σφᾶσ ἐν ἐπηκόῳ τῶν τε ἄλλων Ἀρκάδων καὶ Ἀριστοκράτουσ, ἅτε ὄντα προδότην οὐκ εἰδώσ ‐ ἀνανδρίᾳ γὰρ καὶ ὑπὸ δειλίασ φυγεῖν τότε ἤδη Ἀριστοκράτην τῆσ μάχησ καὶ οὐ διὰ κακίαν οὐδεμίαν ἐδόξαζεν αὐτόν, ὥστε ἐναντίον καὶ τούτου τοὺσ πεντακοσίουσ ἤρετο ‐ , εἰ τιμωροῦντεσ τῇ πατρίδι ἀποθνήσκειν σὺν αὑτῷ ἐθελήσουσι. φαμένων δὲ ἐθέλειν ἀπεγύμνου τὸ πᾶν, ὡσ πάντωσ τῆσ ἐπιούσησ ἑσπέρασ ἐπὶ τὴν Σπάρτην ἄγειν μέλλοι·

Λακεδαιμονίων γὰρ τότε δὴ μάλιστα ἐσ τὴν Εἶραν ἀπῆσαν οἱ πολλοί, καὶ ἄλλοι τε ἐπεφοίτων φέροντεσ καὶ ἄγοντεσ τὰ Μεσσηνίων. "καὶ ἢν μὲν ἑλεῖν τὴν Σπάρτην καὶ κατασχεῖν δυνηθῶμεν" , ἔφασκεν ὁ Ἀριστομένησ, "ἔστιν ἡμῖν ἀποδόντασ Λακεδαιμονίοισ τὰ ἐκείνων κομίσασθαι τὰ οἰκεῖα·

ἁμαρτάνοντεσ δὲ ὁμοῦ ἀποθανούμεθά γε μνήμησ καὶ τοῖσ ἔπειτα ἄξια ἐργασάμενοι. ταῦτα εἰπόντοσ τῶν Ἀρκάδων ὅσον τριακόσιοι μετέχειν καὶ αὐτοὶ τοῦ τολμήματοσ ἤθελον.

καὶ τότε μὲν ἐπεῖχον τῆσ ἐξόδου, τὰ γὰρ ἱερὰ ἐγίνετο αὐτοῖσ οὐ κατὰ γνώμην, τῇ δὲ ἐπιούσῃ τό τε ἀπόρρητον ἔγνωσαν σφῶν τοὺσ Λακεδαιμονίουσ προπεπυσμένουσ καὶ αὐτοὶ δεύτερον ὑπὸ Ἀριστοκράτουσ προδεδομένοι· τὰ γὰρ τοῦ Ἀριστομένουσ βουλεύματα αὐτίκα ὁ Ἀριστοκράτησ ἐγγράψασ βιβλίῳ, καὶ τὸ βιβλίον ἐπιθεὶσ τῶν οἰκετῶν ὃν ἠπίστατο ὄντα εὐνούστατον, παρὰ Ἀνάξανδρον ἀπέστελλεν ἐσ Σπάρτην. ἐπανιόντα δὲ τὸν οἰκέτην λοχῶσιν ἄνδρεσ τῶν Ἀρκάδων διάφοροι καὶ πρότερον τῷ Ἀριστοκράτει, σχόντεσ δέ τι καὶ ὕποπτον τότε ἐσ αὐτόν.

λοχήσαντεσ δὲ τὸν οἰκέτην ἐπανάγουσιν ἐσ τοὺσ Ἀρκάδασ καὶ ἐπεδείκνυον ἐσ τὸν δῆμον τὰ ἀντεπεσταλμένα ἐκ Λακεδαίμονοσ· ἐπέστελλε δὲ ὁ Ἀνάξανδροσ, φυγήν τε αὐτῷ τὴν πρότερον ἀπὸ τῆσ Μεγάλησ τάφρου φάμενοσ οὐκ ἀνόνητον ἐκ Λακεδαιμονίων γενέσθαι, προσέσεσθαι δέ οἱ χάριν καὶ τῶν ἐν τῷ παρόντι μηνυμάτων. ὡσ δὲ ἀπηγγέλθη ταῦτα ἐσ ἅπαντασ, αὐτοί τε τὸν Ἀριστοκράτην ἔβαλλον οἱ Ἀρκάδεσ καὶ τοῖσ Μεσσηνίοισ διεκελεύοντο·

οἱ δὲ ἐσ τὸν Ἀριστομένην ἀπέβλεπον. καὶ ὁ μὲν ἐσ τὴν γῆν ἀφορῶν ἔκλαιεν· τὸν δὲ Ἀριστοκράτην οἱ Ἀρκάδεσ καταλιθώσαντεσ τὸν μὲν τῶν ὁρ́ων ἐκτὸσ ἐκβάλλουσιν ἄταφον, στήλην δὲ ἀνέθεσαν ἐσ τὸ τέμενοσ τοῦ Λυκαίου λέγουσαν πάντωσ ὁ χρόνοσ εὑρ͂ε δίκην ἀδίκῳ βασιλῆι, εὑρ͂ε δὲ Μεσσήνησ σὺν Διὶ τὸν προδότηνῥηιδίωσ.

χαλεπὸν δὲ λαθεῖν θεὸν ἄνδρ’ ἐπίορκον.

χαῖρε Ζεῦ βασιλεῦ, καὶ σάω Ἀρκαδίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Μεσσηνιακά, chapter 22

(파우사니아스, Description of Greece, Μεσσηνιακά, chapter 22)

상위

목록

SEARCH

MENU NAVIGATION