호흡부호 보기
강세부호 보기
장단부호 보기
작은 Iota 보기
모든 부호 보기
οἳ μὲν δὴ ταῦτα ἔπρησσον, παρῆν δὲ ὁ ἐκ Τρηχῖνοσ κατάσκοποσ. ἦν μὲν γὰρ ἐπ’ Ἀρτεμισίῳ κατάσκοποσ Πολύασ, γένοσ Ἀντικυρεύσ, τῷ προσετέτακτο, καὶ εἶχε πλοῖον κατῆρεσ ἕτοιμον, εἰ παλήσειε ὁ ναυτικὸσ στρατόσ, σημαίνειν τοῖσι ἐν Θερμοπύλῃσι ἐοῦσι· ὣσ δ’ αὕτωσ ἦν Ἀβρώνιχοσ ὁ Λυσικλέοσ Ἀθηναῖοσ καὶ παρὰ Λεωνίδῃ ἕτοιμοσ τοῖσι ἐπ’ Ἀρτεμισίω ἐοῦσι ἀγγέλλειν τριηκοντέρῳ, ἤν τι καταλαμβάνῃ νεώτερον τὸν πεζόν. οὗτοσ ὦν ὁ Ἀβρώνιχοσ ἀπικόμενόσ σφι ἐσήμαινε τὰ γεγονότα περὶ Λεωνίδην καὶ τὸν στρατὸν αὐτοῦ.
οἳ δὲ ὡσ ἐπύθοντο ταῦτα, οὐκέτι ἐσ ἀναβολὰσ ἐποιεῦντο τὴν ἀποχώρησιν, ἐκομίζοντο δὲ ὡσ ἕκαστοι ἐτάχθησαν, Κορίνθιοι πρῶτοι, ὕστατοι δὲ Ἀθηναῖοι.
호흡부호 보기
강세부호 보기
장단부호 보기
작은 Iota 보기
모든 부호 보기