헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 48

(디오니시오스, Antiquitates Romanae, Books IV-VI, book 4, chapter 48)

ὡσ δὲ ταῦτ’ εἶπεν, ἀνεβόησάν τε πάντεσ καὶ περὶ τοῖσ ἀνδράσι δεδιότεσ ἐλέγχειν τὸ πρᾶγμα καὶ μὴ φενακίζειν ἠξίουν. καὶ ὁ Τύρνοσ, οἱᾶ δὴ τὴν ἐπιβουλὴν οὐ προεγνωκώσ, ἄσμενοσ τὴν ἐξέτασιν ἔφη δέχεσθαι καὶ τοὺσ προέδρουσ ἐπὶ τὴν ἔρευναν τῆσ καταλύσεωσ ἐκάλει καὶ δυεῖν γενέσθαι θάτερον ἔφη δεῖν, ἢ αὐτὸσ ἀποθανεῖν, ἐὰν εὑρεθῇ παρεσκευασμένοσ ὅπλα ἔξω τῶν ἐνοδίων, ἢ τὸν καταψευσάμενον αὐτοῦ δίκην ὑποσχεῖν.

ἐδόκει ταῦτα· καὶ οἱ πορευθέντεσ ἐπὶ τὴν κατάλυσιν αὐτοῦ καταλαμβάνουσιν ἐν τοῖσ σκευοφόροισ τὰ κατακρυφθέντα ὑπὸ τῶν θεραπόντων ξίφη.

μετὰ τοῦτο τὸν μὲν Τύρνον οὐκέτι λόγου τυχεῖν ἐάσαντεσ εἰσ βάραθρόν τι καταβάλλουσι καὶ ἐπικατασκάψαντεσ ἔτι ζῶντοσ τὴν γῆν διαφθείρουσι παραχρῆμα. τὸν δὲ Ταρκύνιον ἐπαινέσαντεσ ἐπὶ τῆσ ἐκκλησίασ ὡσ κοινὸν εὐεργέτην τῶν πόλεων ἐπὶ τῷ σεσωκέναι τοὺσ ἀρίστουσ ἄνδρασ, ἡγεμόνα ποιοῦνται τοῦ ἔθνουσ ἐπὶ τοῖσ αὐτοῖσ τοῖσ δικαίοισ, ἐφ’ οἷσ Ταρκύνιόν τε τὸν πάππον αὐτοῦ πρότερον ἐποιήσαντο καὶ μετὰ ταῦτα Τύλλιον·

συνθήκασ τε γράψαντεσ ἐν στήλαισ καὶ περὶ φυλακῆσ τῶν συγκειμένων ὁρ́κια τεμόντεσ διέλυσαν τὸν σύλλογον.