헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 4, chapter 47)

τοιαύτῃ καταδρομῇ τοῦ Τύρνου χρησαμένου καὶ τῶν πολλῶν σφόδρα κινηθέντων ἐπὶ τοῖσ λόγοισ αἰτησάμενοσ εἰσ ἀπολογίαν ὁ Ταρκύνιοσ τὴν ἐπιοῦσαν ἡμέραν καὶ λαβών, ὡσ ὁ σύλλογοσ διελύθη, παρακαλέσασ τοὺσ ἀναγκαιοτάτουσ ἐσκόπει μετ’ ἐκείνων, τίνα χρηστέον τοῖσ πράγμασι τρόπον. οἱ μὲν οὖν ἄλλοι τοὺσ λόγουσ, οὓσ ἦν αὐτῷ λεκτέον ἐπὶ τῆσ ἀπολογίασ, ὑπετίθεντο καὶ τοὺσ τρόπουσ, οἷσ ἔδει τὸ πλῆθοσ ἀποθεραπεύειν, ἀπελογίζοντο. αὐτὸν τὸν κατηγορήσαντα ἀναιρεῖν.

ἐπαινεσάντων δὲ τὴν γνώμην ἁπάντων συνταξάμενοσ μετ’ αὐτῶν τὰ κατὰ τὴν ἐπίθεσιν πράγματι ἐπεχείρησεν ἥκιστα δυναμένῳ πεσεῖν εἰσ πρόνοιαν ἀνθρωπίνην καὶ φυλακήν. τῶν γὰρ παρακομιζόντων τά θ’ ὑποζύγια καὶ τὴν ἀποσκευὴν τοῦ Τύρνου θεραπόντων τοὺσ πονηροτάτουσ ἐξευρὼν καὶ διαφθείρασ χρήμασιν ἔπειθεν ὑπὸ νύκτα ξίφη πολλὰ παρ’ αὐτοῦ λαβόντασ εἰσενεγκεῖν εἰσ τὴν κατάλυσιν τοῦ δεσπότου καὶ ἀποθέσθαι κρύψαντασ ἐν τοῖσ σκευοφόροισ.

τῇ δ’ ἑξῆσ ἡμέρᾳ συναχθείσησ τῆσ ἐκκλησίασ παρελθὼν ὑπὲρ μὲν τῶν κατηγορηθέντων βραχεῖαν ἔλεγεν εἶναι τὴν ἀπολογίαν καὶ δικαστὴν ἁπάντων ἐποιεῖτο τῶν ἐγκλημάτων αὐτὸν τὸν κατήγορον.

οὑτοσὶ γάρ, ἔφη, Τύρνοσ, ὦ σύνεδροι, τούτων ὧν νυνί μου κατηγορεῖ πάντων δικαστὴσ γενόμενοσ αὐτὸσ ἀπέλυσέ με, ὅτε τὴν θυγατέρα τὴν ἐμὴν ἐβούλετο λαβεῖν γυναῖκα. ἐπεὶ δ’ ἀπηξιώθη τῶν γάμων κατὰ τὸ εἰκόσ·

τίσ γὰρ ἂν τῶν νοῦν ἐχόντων Μαμίλιον τὸν εὐγενέστατόν τε καὶ κράτιστον Λατίνων ἀπεώσατο, τοῦτον δὲ κηδεστὴν ἠξίωσε λαβεῖν, ὃσ οὐδ’ εἰσ τρίτον πάππον ἀνενεγκεῖν ἔχει τὸ γένοσ; ἀγανακτῶν ἐπὶ τούτῳ νῦν ἥκει μου κατηγορῶν. ἔδει δ’ αὐτόν, εἰ μὲν ᾔδει με τοιοῦτον ὄντα, οἱο͂ν νῦν αἰτιᾶται, μὴ προθυμεῖσθαι λαβεῖν τότε πενθερόν· εἰ δὲ χρηστὸν ἐνόμιζεν, ὅτε τὴν θυγατέρα με ᾐτεῖτο, μηδὲ νῦν ὡσ πονηροῦ κατηγορεῖν.

καὶ περὶ μὲν ἐμαυτοῦ τοσαῦτα λέγω·

ὑμῖν δ’, ὦ σύνεδροι, κινδύνων τὸν μέγιστον τρέχουσιν οὐ περὶ ἐμοῦ σκεπτέον ἐστὶ νυνί, πότερα χρηστὸσ ἢ πονηρόσ εἰμι· τουτὶ γὰρ ἐξέσται καὶ μετὰ ταῦθ’ ὑμῖν σκοπεῖν· ἀλλὰ περὶ τῆσ ὑμῶν αὐτῶν ἀσφαλείασ καὶ περὶ τῆσ τῶν πατρίδων ἐλευθερίασ. ἐπιβουλεύεσθε γὰρ οἱ κορυφαιότατοι τῶν ἐν ταῖσ πόλεσι καὶ τὰ κοινὰ πράττοντεσ ὑπὸ τοῦ καλοῦ τούτου δημαγωγοῦ, ὃσ παρεσκεύασταί τε τοὺσ ἐπιφανεστάτουσ ὑμῶν ἀποκτείνασ ἐπιθέσθαι τῇ Λατίνων ἀρχῇ καὶ ἐπὶ τοῦθ’ ἥκει. ταῦτα δ’ οὐκ εἰκάζων, ἀλλ’ ἀκριβῶσ ἐπιστάμενοσ λέγω μηνύσεώσ μοι γενομένησ ἐν τῇ παρελθούσῃ νυκτὶ ὑπό τινοσ τῶν μετεσχηκότων τῆσ συνωμοσίασ.

τεκμήριον δ’ ὑμῖν παρέξομαι τῶν λόγων ἔργον ἀναμφίλεκτον, ἐὰν ἐθελήσητε ἐλθεῖν ἐπὶ τὴν κατάλυσιν αὐτοῦ, τὰ κεκρυμμένα ἐν αὐτῇ δείξασ ὅπλα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 47

(디오니시오스, Antiquitates Romanae, Books IV-VI, book 4, chapter 47)

상위

목록

SEARCH

MENU NAVIGATION